يمـوت الحب وش يعنـي ؟!!
يعيـش الحب شـي عادي..يمـوت الحب وش يعنـي ؟!!
مـدام قلوبنـا ماتـت مشاعرهـا وهـي حيّـه
أحسـب الحـب لاجيتـه على كيفـه يطاوعنـي
مغفـل مـن يعيـش بهالـزمـان أحـلام ورديّـه
مـن أول ماعرفتـك تعطي إحساسـك وتمنعنـي
وأقـول تمـون يانبـع الحـلا والحـب حنيّـه
كثـر ماكنـت تكـذب فـي كلامـك كنـت تقنعنـي
دليـل إنـي علـى كثر الجفـا سلمتـك إيديّـه
عشانـي قلتـلك مـابدخـل بهالجـو طلعنـي
تـروح وتاخـذ الدنيـا معـاك وتقطـع الجيـّه
مـع إني قلـت اذا ماطاعـك الوقـت الـردي طعنـي
إذا ماجيتنـي كـلك تعـال شويّـه .. شويّـه
لك الله يـوم أجي مشتـاق لك والشـوق يدفعنـي
كأنـي رايحـن للمـوت بإيدينـي ورجليّـه
وأعـرف إن مـر في بالك تولعنـي.. تولعنـي
مدامـه شـي في بالك تجيبـه ميّـه في الميّه
وصلـت لمرحلـه .. حتـى الشعور العذب يخدعنـي !
وأحـس إنـي على النيـه وأنا فعـلا على النيـّه
بكمـل لك كلامـي بـس تكفـى لاتقـاطـعنـي
بقـى جمـر الكلام ودمعـة فـي العين مخفيّـه
أمانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبـي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
تـرى ماعـاد لك قيمـه ولا للحـب أهميّـه
ومثـل ماتسمـع لعبدالكريم أبيـك تسمـع لـي
وداعيّـه يا آخـر ليلـه تجمعنـا وداعيّـه
وسلامتكم
للشاعر عطا الله الفرحان
رد مع اقتباس
مواقع النشر (المفضلة)