₪₪乂 مصافحه أولى درب المحبه 乂₪₪

[رفاع العضياني]

مصافحه أولى علها تليق بذائقتكم

على درب المحبـه والسهـر والليـل والاهـات
وعلى هاك الطريـق الملتـوي بيكـون عنوانـي
0
ألا يامرحبـا مليـون تعالـي وابـرك الحـزات
تعالـي يابعـد كـل القلـوب وفيـض وجدانـي
0
أبكتب لك بيـوت الشعـر والقيفـان والابيـات
عسى تزها بك ابياتـي وترضـى منـك قيفانـي
0
هنوف(ن) لجلها جات المعانـي كلهـا جـزلات
مـادام الليـل ياربعـي مـع القيفـان سـرانـي
0
هلابه كل ماشفتـه هلابـه وأسعـد اللحظـات
وهلابه كل مـا قفـى مـع الهوجـاس خلانـي
0
وهلابه كل ما نسنس من الشرقي هبوب(ن) جات
وهلابـه كـل ماغـرد حمـام الـورق طربانـي
0
وهلابه كل مايسهر على صدر المساء نجمـات
وهلابه كـل ماحسـت بقلـب العاشـق الثانـي
0
ألا ياليتهـا تـدري عـن اللـي حبّهـا بالـذات
وألا يـا ليتهـا تـدري بقلـب العاشـق الفانـي
0
يدغدغ مسمعي همسه اليا منه هـرج بسكـات
ويجاوب همسها قلبي يمـوت بصوتهـا الحانـي
0
أهيم ببحرها العاشق وانا المغرم وأنا اللي مـات
وأنا اللي من سبايبهـا عليهـا العشـق اظنانـي
0
ألا ليت الزمن يسمح وأعيش بجوهـا ساعـات
وأجدد للزمـن صـوره وأعاتـب باقـي ازمانـي

0


رفاع العضياني


عذرآ منك الشاعر رفاع العضياني--- دخولي

بهدف أيضاح اللون---أعتذر-- الحوراء

.

[فتى الاحزان]

اخوي ماينشااااف الخط

[الحوراء بنت نجد]

الشاعر رفاع العضياني


يدغدغ مسمعي همسه اليا منه هـرج بسكـات
ويجاوب همسها قلبي يمـوت بصوتهـا الحانـي
0
أهيم ببحرها العاشق وانا المغرم وأنا اللي مـات
وأنا اللي من سبايبهـا عليهـا العشـق اظنانـي
0
ألا ليت الزمن يسمح وأعيش بجوهـا ساعـات
وأجدد للزمـن صـوره وأعاتـب باقـي ازمانـي
0





رفاع العضياني





هلا بالشاعر--- هلا بروح الجزاله هلا بالشاعر الذي تشرق

به همس قوافي الزين -----

كلمات تعانق التميز من شاعر يستهويه البوح العذب الأصيل

نرحب بهذا العطاء اللذيذ في معانيه عطاء يفوح من دلال

بهارها بطعم هيل القوافي الأبكار في فجرها المشرق العذي

حياك الله بين محبيك حياك الله والقلوب تناغم أبداعك مستشفه

عذب خبرتك وقوتك الشاعريه----

طال عمرك----- أنت في قلوب محبيك------------- ننتظر تواصلك

لاخلا ولاعدم-------------


الحوراء-بنت نجد

[شقران]

هلابه كل ماشفتـه هلابـه وأسعـد اللحظـات
وهلابه كل مـا قفـى مـع الهوجـاس خلانـي
0
وهلابه كل ما نسنس من الشرقي هبوب(ن) جات
وهلابـه كـل ماغـرد حمـام الـورق طربانـي



الله عليك يالقرم

جزله وربي

ولالقيت الكلام اللي يفيك

تضل الاروع يالطيب



شقران

[النغم المهاجر]

((( الله الله على التجلي ...... رائع يارجل ..... صح لسانك )))