السلام عليكم ورحمة الله وبركاته
باركولي اشترى لي ابوي البارح جوال بااااااااااااندى وأنا في( خضَم) الفرحة
حلوه خضم ما دريت إلا وجتني رسالة وسائط طبعا كلكم تقولون الحين متى
اشتركت ها التسذوب طبعا الشريحة هديه من ولد عمي وهو مشترك في
الوسائط ما أطول عليكم
ابقولكم هالقصة وإلا أقول بعدين تدرون فاضي خلوني أقولها:
المشهد الأول:
عواد فارس القبيلة الذي لا يشق له ثوب يمتطي جحشه وينطلق إلى الغدير ليسقي جحشه .... فيشاهد مجموعة
بنات يردن على الماء ....فيقول : وش هالزحمة ولله لو أنه خباز .........
ثم يرى بينهن سلمى فيدق جوال عواد وقلبه يغني ...
شفتك ولاحطيت عيني بعينك ويغادر الغدير وسط ضحكات البنات .... الله يرجهن.......
المشهد الثاني :
سلمى تشتكي حبها لخويتها مطيعه اللي ترد عليها اسكتي ياشينه والله مالك غير ولد عمك سالم
فترد سلمى: عليها كش عليكي يادبه لاتحطمين مشاعري
المشهد الثالث:
سالم يتقهوى عند عمه الشيخ أبو سلمى شيخ القبيله ويطلب يد بنت عمه سلمى وقرونها .........
فيوافق الشيخ ويخبر سلمى بالخبر فتغضب سلمى وتقول يا بابا (سالم ) داشر ويدخن مالبورو أحمر
وما معه شهادة كيف اخذه؟؟؟؟؟؟؟؟؟!!!
فيرد أبوها أنثبري يا مال الوجع ما لك إلا ولد عمك أولى من الغريب
وبعدين سالم هو فارس القبيلة والكل يحبه صحيح أنه ما يكتب مواضيع زينه بالمنتديات لكنه شجاع.
المشهد الرابع:
عواد يقابل سلمى بسوق الحريم ومكان الغزل حق القبيلة الغدير ويتبادل معها هدايا الحب .......
اهداها كرتون تمر واهدته كيس جريش
عواد يقول لسلمى : ليش ياعمري مانتي حاطه( بلوك) على ولد عمك سالم
فترد سلمى عليه: ما أقدر ....... وتخبره سلمى بخطبة سالم لها.......
فيحزن عواد وتدمع عيناه (دخل فيهما تراب)
المشهد الخامس:
الشيخ أبو سلمى ورجال القبيلة مجتمعين في بيت شيخ القبيلة يشاهدون برناج من سيربح المليون
ويأتي مصيول راعي الغنم ويصرخ الحلال ياعمي انسرق الحلال انسرق .
ويهب الشيخ ورجاله واقفين على حيلهم ويصرخ الشيخ أبوسلمى ويقول :
من يرد الحلال ويربح بنتي سلمى وله ثلاث وسائل مساعدة
1/ ياخذ بارودتي وحصاني 2/ أو يحذف عصا 3/ أو يتصل بمصيول .
ويقف سالم ويقول أنا لها ياعمي ..........
وينطلق سالم على حصان الشيخ ليرد الحلال
المشهد السادس:
الغزاة يمسكون سالم ويصفقونه ويأخذون حصانه وبارودته ويخلونه يدقها كعابي للقبيله (طلع خرطي).
وهنا يقفز عواد ويقول: ماحد يرد الحلال غيري فيرد الشيخ (قم بس قم)
وينطلق عواد ويلحف الغزاة ويطخطخهم كل أبوهم (وأمهم ) ويرد كل الحلال .
يهب ياااااااوجهه علشان الحب وإلا هو من جنبها .
ماعدا كم غنمة ماتن بسبب حمى الوادي المتصدع .
المشهد السابع:
يصل عواد للقبيله وهو (سعيد صالح ) بفوزه بسلمى (بالهدف الذهبي).
وتتم الخطوبه (والشبكة) أبراجها فل وعمت الفرحة القبيلة ويتم تحديد الزواج في العطلة الصيفية بقاعة جرف ليالي الغنم .
ويشتري عواد كم حصان بالتقسيط ويبعهن كاش حتى يوفر متطلبات العروس وجهازها.
*
*
فاصل غنائي
سووو يا سووو حبيبي حابسوو
حبيبي عاوز لمبه من فين اجيب له لمبه
الواد بياع اللمبه حبسوني وحابسووه
....................................
دووه يادووه حبيبي جالدوووه
حبيبي عاوز علكه من فين اجيب له علكه
الواد بياع العلكه حبسوني وحابسوه
...............................
((((عدنا)))
المشهد الثامن:
قبل الزواج بكم شهر بدأت سلمى تمرض مرضا شديدا وبعد أن عجز دكاترة القبيلة في علاجها يأخذها أبوها
إلى المدينة (تورط المخرج)ويعرضها على أكبر الأطباء .
وبعد فحوصات شاملة قرر الطبيب بأن سلمى تحمل صفات وهرمونات ذكورية !!!!!!!!!!!!!
ولابد من عملية لتغير جنسها من إمرأة إلى رجل (قعد به عواد) .
وتتم العملية وتصبح سلمى (عقاب) وهذا اللي بلا أبوه؟
المشهد التاسع:
فرح أبو سلمى لأنه يريد ولدا ليرث حكم القبيلة من بعده .......( ياشين هالوراثه )
وفرحت سلمى التي أصبحت( عقاب ) لأنها كانت معجبة بصديقتها نوفه
ودزت لها إيمبل وبشرتها .............
و أخذت تسجد شكرا لله ................................
وعادوا للقبيلة بعد أن تبدل حال سلمى إلى (عقاب) وقصة قرونها بعد ماكانت تسو شعرها كعكة لأنه خشن .
المشهد العاشر:
يصل الخبر إلى عواد الذي كان قد جهز بيت الزوجية خيمة .
فيسقط مغشيا عليه (مسكين ماله دور ثاني يأجره)
فيشممونه كلونيا وبصل ولكن دون جدوى فقد مات عواد (ياحسرة) لو شمموه شماغه كان صحا
وعلم عقاب (سلمى ) فحزن حزنا شديدا جعله يتزوج نوفه .
+++++++++++++++++++**************************+++++ ++++++++++++
النهاية
لكم محبتي
مواقع النشر (المفضلة)