((( شعرك الدافي )))
ابنثر شعرك الدافي ابســـــكن داخل الأهداب
ابجلس لو دقايق صمت مع عيونك اراعيها
اباضمك على صدري مثل طـــفلٍ معاه العاب
غدا من خوفته عليها بصـــــــدره مايواريها
ابا اضمك مثل مذنب تراجع عن خطاه وتاب
غدا بسجــــــــــادته معلق دموعه مايداريها
تعبت من كثر مااتخيل وقوفك ودخلتك بالباب
تعبت من كثر ما اذكر سوالف كنت تحكيها
حلفت باللي على الماحي أنزل سورة الأحزاب
بانك داخل اعمـــــــاقي وروحي ساكن ٍ فيها
اداري عن عيون الناس واقول ان الهوى كذاب
وانا في داخلي نار ٍ فراقــــــــــك بات يصليها
اسولف من سمع صوتي يقول هذا بدون أحباب
وانا عشق العـــــرب كله تضاءل عند طاريها
ابطلب من سرى الا حساس بامره داخل الاعصاب
يصبر خاطري المكـــسور وخاطر كل قاريها
******************
((النغم المهاجر
29 / 04 /1427 هـ ))
مواقع النشر (المفضلة)