السكرانه والشرطه
مرحبااااا للجميع ومساكم الله بالخير
هذي السالفه اللي قلت بحطها لكم وهي سالفتي مع بنت سكرانه والشرطه...
بيوم من الايام ركبت معي وحده الساعه 12 ونص بالليل مالاحظت عليها شي لانها ما تكلمت الين شفت البنت مرتفعه وفاتحه الشباك وتسوي حركات للشباب اللي يلاحقونها وتسولف وتضحك عرفت انها ماهي على الارض (الماخوذه) وقفلت الشباك وامنته من عندي وقفلت زر الباب المشكله انها قامت تصارخ علي الملعونه انا عذرتها ولا رديت عليها الا اني قلت لها وين تبين بالضبط قالت ابي بيتنا قلت طيب وين بيتكم قالت افا ماتعرف بيتنا انا هنا ضحكت قلت الا اعرفه بس ناسيه لان لي زمان ماجيتكم قالت طيب وش رايك توديني للقصيم قلت هلا والله السالفه ماهي سالفة ارتفاع الا سالفة اقلاع والله البلشه ...
ويوم ناظرت وراي الا فيه اكثر من 10 سيارات تقريبا يلاحقونها بصراحه خفت يوقفوني ويلعنون ابو جدفي وياخذونها وهي ما تدري وش السالفه والحمد لله شفت دوريه ووقفت بجنبها الين اتقلعوا السرابيت وكلمت العسكري وعلمته بالسالفه وقال سلمها للقسم قلت لا ياخوي تكفى نبي نستر عليها الله يستر عليك قال طيب وش نسوي قلت تعال اسالها عن بيتها سالها فعلا ولا استفاد ويوم كان يحاول معها دق جوالها بالصدفه الا اسم بنت قال اكيد انها تعرفها رد عليها قلت رد انت احسن قال لا انت رد وحاول تعرف بيتها علشان توصلها المهم رديت وفعلا الحمد لله انها طلعت اختها وعارفه السالفه وكانت خايفه عليها ..
رديت انا على الجوال وقالت لي من انت قلت انتي من قالت هذا جوال اختي وش جابه لك قلت انا سواق ليموزين وهي راكبه معي ولا هي عارفه البيت قالت تكفى دق انت لان ماعندي رصيد وجيت ادق من جوالها طلع مافيه رصيد :21ar: اظطريت اخذ رقمها وادق من جوالي ووصفت لي البيت وقلت للعسكري تكفى خلك وراي لين اوصلها للبيت واشوا البيت كان شوي قريب يعني بمنطقة الدويه ويوم قربت للببيت دقيت على اختها وقلت اطلعي خوذي اختك وفعلا طلعت واخذتها انا بصراحه لحظتها ماكنت افكر بالحساب بقدر ماني ابي افتك من هالمصيبه والحمد لله وصلتها وتشكرت العسكر الله يوفقه لانه فكنا من السرابيت ...
وثاني يوم دق جوالي ورقم غريب طلعت هي بس كانت صاحيه رديت وقالت لي الله لايهينك عندي مشوار عاد ضحكت وقلت زي امس قالت لا قلت والله اني خايف ولا اقدر اجي حلفت لي انها بكامل قواها العقليه المهم رحت وركبت هي واختها وقامت اختها تتشكرني وانا بصراحه قمت اهزاءها وقلت لها الحين انتي صاحيه تحمليني لاني تحملتك وانتي سكرانه المهم فشلتها ويوم خلصت مشوارها قالت لي كم حسابك قلت ؟؟ ريال قالت وامس قلت امس نسيته الله يهديك قالت لا لازم تاخذ الحساب قلت طيب اللي يطلع من خاطرك المهم ما تصدقون انها حاسبتني وعطتني 800 ريال قلت وش هذا قالت حسابك وتكفى سامحني ...انا سكت وقلت انا ماعندي مشكله المشكله عليك انتي ...
واستمرت زبزنه هي واختها والحمد لله ماعمرها ركبت الا وهي صاحيه ههههههههههههههههههههههههه
والحمد لله ان عندنا شرطه متفهمين
واسف جدا للاطاله عليكم
وتقبلوا تحياتي
تكســـــي الزين
وانتظروا البلاوي
مواقع النشر (المفضلة)