الأصحاب وما أدراك ما الأصحاب
[align=center]بسم الله الرحمن الرحيم[/align]
[align=center]الســـلام عليـكم ورحمة اللــه وبركـــاته أما بـــــعــد ,,,
إخواني وأخواتي هذه أول مشاركة لي معكم في هذا المنتدى الراقي والمتواضع وأول قصيده أطرحها لكم وهي لشاعر صغير السن كان له أصدقاء وجمعتهم الدنيا على الخير والطاعه وكانوا في بعضهم مثل الاخوان لا يحسدون بعضهم بعضاً وكانت مجالسهم تفوح بالعطر والريحان وأصدقائه من قبائل متعدده من عتيبه ومن زهران ومن عسير وقال فيهم قصيده , والله يثبتهم على ماهم عليه ولا يفرق بينهم , وهي أول قصيده له وأرجووو أن تحووز على رضاء الجميع .
وأيت ملاحظات لديكم أن تكتبوها في الردود [/align]
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
بديت بإسم الله قبل أبدأ بالقضيه = الواحد المعبود هو رب البريه
خالق الخلق وخلاهم سويه = سبحان ربي مكرم النفس بأخلاق
يالله أنا طالبك توقينا شر المصايب = وتفكنا من ناس(ن) تجر المعايب
دعيتك يا ربي يا مستجيب للتايب = هذي دعاتي قلتها من داخل الأعماق
كل(ن) يطرد الدنيا ويساير معالمها = ولا يدري وشهي نهاية عواقبها
باكر تدور الدنيا وتـبيّن حقايقها = ومن توهق فيها طلع بواق
إجمعتنا الدنيا في خير المجالس = كلنا مثل بعض واقف وجالس
نحمي الصديق ولو كان فالس = يا زين جمعتنا والكل مشتاق
يا كثر ما صاحبت لي ناس(ن) أشده = وإليا نصيتهم كل(ن) يرد العلم بيده
مثل ذولا وقت المواقف ما أعده = الدنيا مصالح مثل زرع(ن) حوله الساق
أبذكر صحبتي في كل ديره ومنزال = إلين يعرفهم كل ورع(ن) ورجال
ما يفرق بيننا لا منافق ودجال = حامينا رب الكون مقسم الأرزاق
أبدأ بسلطان ومن إسمه على الكل سلطان = ولا غير الله على الكون سلطان
عز الخوي تلقاه دايم(ن) طربان = وإليا غاب نجمه أتحراله بالأشواق
وعبدالله ما شفت مثله من الناس = حر(ن) ولد حر مثل طير قرناس
هو طب الجروح مداوي الباس = فيه الكرم والطيب فوق راسه لاق
ومحمد عضيدي فالايام الشقيه = ولو تلف الكون ما تلقى حليه
هو اخوي ولد أمي وابويه = مكتوب أصله وفصله على بيض الأوراق
وأحمد يا نعم الرجال الأخيار = يا طيب المنبع ويا معاون الجار
يكفيني أخذت لك من الطيب تذكار = تذكار يبقى ولو إن الفكر ما طاق
وعبدالله أعده إليا عديت إبن عمه = ما يفترق طيبه من طيب لحمه ودمه
ما شفت منهو من الناس يذمه = الطيب بحر(ن) إعتلى شانه وفاق
وعاطف لو طالت الدنيا ما ندور بداله = عز الخوي وللمواقف رجاله
متورث الطيب من عمه وخاله = نعم الصداقه وقلبي لخوته تواق
وفيصل راعي الطرب والوناسه = والكرم والجود من طيب ساسه
وإليا غاب نجمه يا حياة التعاسه = هذا الرفيق وللمعونه دايم(ن) سباق
وحسام ما شفت له ند ومثيل = نعم الخوي مشفي القلب العليل
وقت الشدايد لا تدور غيره بديل = إليا طالت اليدين ويبسن الأرياق
ويا جاهل إفهم كلامي بكل الوضوح = هذولا هم ربعي على جد ومزوح
نسفه الجاهل ونستمع قول النصوح = عندنا تلقى راحة الصدور الضواق
ثلاثة ذيابه جمعهم إسم زهراني = وإثنين من سباع الكون واللقب عدواني
ومثلهم من بني عسير إثناني = يا عسى ما يجي بيني وبينهم فراق
وأنا وأخويه كما الصقور الشهيره = يا كم واحد(ن) تجرع منا المريره
نضرب المعادي بسيوف شطيره = حمر النواظر لقبنا وطيبنا براق
ويا سامع بهديك آخر نصيحه = الخطأ واجب(ن) علينا تصحيحه
وإحفظ سرك على الثالث لا تبيحه = توكل على الله وهو الواحد الرزاق
هذا ما قاله المطيري في كلامه = ناخذ حلال المال ونترك حرامه
هذا والله يوفقكم لدرب السلامه = ويحميكم من كل شر(ن) ومزلاق
وآخر كلامي صلوا على خير المرسلين = النبي محمد منذر الناس أجمعين
الهادي المصطفى من بين العالمين = سبحان ربي يوم كرمه بطيب الأخلاق[/poem]
رد مع اقتباس
عبدلي
مواقع النشر (المفضلة)