يجوز تأخذني الأقدار منك.. وابعد عن هوى قلبك وابعد
أنا عنك...
وتفقدني ولا تسال .. تقول يمكن اليوم بيرجع لي هو حنون
وبيشتاق لي ... ما اظنه ابد يقدر على بعدي
.. وتطول غيبتي وتسأل إحساسك المرهف؟!
ليه عني رحل...؟ ويا ترى حبي في قلبه حي ولا ذبل؟
ويا ترى بيرجع لي ولا ما في أمل؟
وللحين وأنا بعيد عن الأنظار ... وباقي في حكم الأقدار..؟!
يمكن أنا مت من قهري... أو مت من شوقي...
اومت من حبي... أو باقي ما مت وهذا في علم الأسرار!!!
... وترجع وتسأل شخصك اللي ماله وصف..؟!
وينه...؟! ما تعودت تطول غيبته...؟!
دايم يسأل علي... ويشاركني همومي وفرحتي
دايم يجيني وأنا في مكاني... هو وافي ماهو أناني...
ويا ترى من هو الإنسان الأناني؟!!
اللي يأخذ وطول عمره ما عطى!!!
أو هو شخص ما عرف معنى الوفاء ..
أو هو عرف قدره وقام يدلع ويتغلى...
يا ترى من هو الإنسان الأناني يا ترى..؟
بس أنصحك .. تحب اللي من قلبه حبك...
وماتتغلى عليه يمكن يصد عنك...
أنت ما تضمن حياتك... وشلون بتضمن عاشقا بادلت
حبه بصمت وجفا...
يمكن انه يصحى... ويصير إنسان ثاني وينسى
ويبعد عن الهوى حبك... وتأخذه الأقدار منك...
لأكن......... أنا اللي بسألك الحين..؟!
عن ذاك العاشق الحزين.....
وينه من قلبك الدفي؟!!! وينه من صمتك الخافي؟!!!
وإذا أنت جاوبت عن سوالي... وكان له الجواب المرضي الكافي
وطمنت له قلبه ولجروحه مداوي...
بيرجع لك... وبتعرف انك ملكت روحه وبداخله تمكنت
وانك بقلبه وبحياته مافيه غيرك أنت..
وطول عمره ما نسيك...
وإذا كان جوابك .. جواب مغرور وأناني...
وتقول هو يحبني وبيرد لي ثاني ...
فأنت تحلم .. وصدقني بتندم...
وينسى حبك ويعتبره شيء فاني...
مواقع النشر (المفضلة)