ண أغــلى شــنب ண
[poem=font="Simplified Arabic,5,darkred,bold,normal" bkcolor="burlywood" bkimage="" border="inset,6,darkred" type=2 line=0 align=center use=ex num="0,black"]
يوم النقاش أشتد وازرا يحبس الدمـع انسحـب=قـام وتركنـي يحسبنـه لاتركـنـي سالـيـه
راح وفتح باب الونين وقـال : ياعـز الطلـب=مع السلامـه واذكـري حلـم السنيـن الخاليـه
مع السلامه والعيـون اللـي هدبهـا ماشـرب=غير أزرق الدمع وظنون البعد (ياأغلى غاليه)!!
مع السلامـه والفـراق اللـي تخافيـن أنكتـب=وماللبني آادم غـيـر مايكتـبـه ربــه والـيـه
وتمتم بكلماتٍ يداريهـن عـن أسمـاع العـرب=يقول ( أحبك ) بس صعب أرقى سنـام العاليـه
راح وتركني وارخص التين وبعد كـب العنـب=وأقفى يزوم بـه الرحيـل ومابقـى لـي تاليـه
مدري أقول انـه ذرانـي للهبايـب ثـم هـرب=وألا ألتمس له من ثيـاب العـذر سمـلٍ باليـه
مدري أقول أنـي زميتـه عـن تهاتيـه التعـب=وإلا هو اللي قد زماني عـن حـرور الصاليـه
أموت به وأرجي من الله كـل لحظـه يقتـرب=وأهجـع وأقـوم وصورتـه مافارقـت خياليـه
أغليه وأدرا عنـه عنـات الطلايـب والنشـب=وابكيه وأسـدا علمـه بصـدري وأون لحاليـه
واشب له ضوٍ على حدود السمـا نـار ولهـب=والنار ماساقت خطى الطرقي ولاهـي مواليـه
وجدي عليه إن كـان ماعـوّد ولاقـال السبـب=وجد المصاب اللي همومه جـات لـه متتاليـه
ويادجلتـي يالنيـل يافراتـي وياشـط العـرب=يالعـذب ياشهـل المراويـح القـراح الحاليـه
ياصاحبي .. ياغايتي .. يامنوتي ( ياأغلى شنب )=وراك تتركني مدامي عندك ( أغلى غاليـه )؟!![/poem]
رد مع اقتباس
مواقع النشر (المفضلة)