[align=center]
تنفس غرامك داخل القلب واسقاني
قراح المشاعر بير محفور جنبه بير
احبك ولو سولف عن احساسي لساني
يضج المدى وتعانقه روعة التصوير
تعالي باسولف لك عن إغفاية احزاني
وعن عاشقٍ فالحب ما خانه التعبير
زماني الى منه بقسوه تحداني
ذكرتك وقلت أي والله ان الزمان بخير
غرامك ذبحني؟
ما اعتقد
يمكن احياني
من الواقع اللي عشت به في رجا التغيير
اقول الك لا قلتي حبيبي بتجفاني؟
( أهو دا اللي مش ممكن ) ابد فالحياه يصير
لأنك غذا قلبي ودمي وشرياني
ونبضي وروحي والمشاعر فقط لاغير
نسيت
الله انه يقطع ابليس نساني
نسيت انك انتي كل ما يشغل التفكير
من اول لقا لاخر لقى
يووووووووووووووووووه
وش جاني؟؟؟؟؟؟؟؟؟
أحس ان لي جنحان.. وانتي معي.. ونطير!!!
بفستانك الاحمر واضمك بجنحاني
والى طالعت عينك لنجمه عليك اغير
واشوف الزمن يرجع عليّه ويقراني
كأنه يدوّر عن سبب قسوته تبرير
واقول اله هيّن يا زمن كيف تبغاني
اسامحك عن قسوتك يوم انجرحت صغير
زمانٍ مضى مابين همي وحرماني
وضيقات ما تستحمل الصرف والتجيير
انا اشهد شهاده ربي بلطفه اعطاني
حبيبه تغني للحـدايق يطيح الطيـر
توصيني امشي بالهداوه وتبلاني
الى كلمتني من جنوني عكست السير
انا كيف ابسرع دامها هي تحراني
تكلّم وتسألني : حبيبي وصلت بخير ؟
تشربتها باحساس واحساسها اسقاني
قراح المشاعر بير محفور جنبه بير
للشــــــــاعر / زايــد الرويــس ..
أتمنى ان تنــــــــال ربع اعجــــابكم بها ..
وتحيـــــــــــاتي ..[/align]
مواقع النشر (المفضلة)