الحلم-- لحامد زيد؟؟
اهلين
يااهل اأدب والنصوص والجغرافيا
>>معليش منسمه
هذي أول مشاركه لي عندكم وانشالله تعجبكم
اخترت لكم هذي القصيده من قصائد الشاعر المتميز الكويتي
"""" حـــــــامــــد زيــــــد """"
من أول مارجعت من السفر ماشفت لك بينه = وأنا اللي كنت أحسبك قبل ادوس ارض المطار تجين
تكونين انتي اول شخص عيني تحتضن عينه = وكنت أتخيلك من زود فرحة رجعتي تبكين
وأشوف بدمعتك حكيك وأعرفه قبل تحكينه = واجيب أحلى من اللي بتحكينه وأتركك تحكين
تقولين :الوطن نور.. وأقول:بنورمضوينه = تقولي لي: غديت أحلى وأقول: عيونك الحلوين
كــــــلام نام بشفاهك ..وخفتي لا تصحينه = ذخرتيه لغرام اللي ينام ... ويتركك تصحين
تغانمتي غيابي...... لين رجحتي موازينه = تعلم من يدك لمس الكفوف وعلمك تجفين
وليتك لاقيه به شي فيني مـــــا تـــــلاقينه = مهو بغرور .. لكن خابرك مالك أمل تلقين
تغافلك بغلا .. وإلا الحلا مهو بمن زينه = تزينه الصور بس الصحيح ابن الحلال زوين
وأنا ماني بناقص عنه يوم أنك تبدينه = نصيبي .. هو نصيبي .. لو يسددها من الصوبين
قنوع بمظهري والسم مايذبح ثعابينه = على قول المثل" ماني حلو .. لكني ماني شيــن "
إذا أهداك الزهر مره فانا اهديتك بساتينه = وإذا ألهاك بفرح ليله،فانا تهت لبكاك سنين
وإذا استضعفتك أملاكه وشتتك ملايينه = أنا حتى فتات الخبزة أقسمها معك نصـــين
طموحي بس أجي وأظفر بشي تستحقينه = تدينته ، تسلفته ، سرقته ، ماهو مهم منين
كأني من كثر ما ارضى بكل اللي تمنينه = لو أنك تطلبين الله .. يعنيني بقول آمين
أنا ما العب على الحبلين وقت الطيش وسنينه = تبين الحين يوم أني كبرت العب على الحبلين
ترى عند الــــبــــدو بذات عيب اللي تسوينه = حلاتك لا عشقتيني تعشقيني ليوم الدين
غرام نسكن ضلوعه حشيمه من مجانينه = جفا يجمع معزتنا ولا عشق يذل اثنين
كثار اللي تحدوني وقالوا لي : تحبينه = أمانه .. لا تخليني صغير بعينهم "تكفين"
لأني كل ما قالوا " تخون " أقول :مسكينه = عليك الله وأمانه علميهم منهو المسكين
أنا خايف " لياطاح الجمل تكثر سكاكينه" = وأنا ما عاد بضلوعي مكان لطعنة السكين
مثل ما قالوا : المكتوب واضح من عناوينه = لو ارحل منك للغربه باسافر من ظلامك وين
كفــــــايه كل حلم يمر برقادي تزورينه = كفايه من تفارقنا وأنا ما غمضت لي عين
قبل يومين شفتك بالمنام وقمت من حينه = ونمت أمس ورجع نفس المنام اللي قبل يومين
ارجو ان تنال اعجابكم
سفيرة القلوب :23ar: :23ar: :22ar: :22ar:
مع اطيب الإعجاب :22ar: :22ar:
دمتم :2ar: :2ar:
مواقع النشر (المفضلة)