تسيف تتعلمن الردح ....
لكل من يعشق الردح عليتس بالتعليمات التاليه : :2ar:
:13ar: :13ar: :13ar:
1- لبس المكسي لونن يلفت النظر وحستس عينتس تلبسين لونن ادهم
2-التبرج تبرجن يودي بالحال مغير تسذا تسذا يبرق ويرعد
3- تسثري من الكريم لين يصير لونتس ابيض تسنه جايتس البرص
4-عليتس بخطت العين اللي واصلتن لذونتس ودربالتس دربالتس يامراا حطي خطت العين لونن اسود ادهم انتبهي حطي ادهم انتي توحين
5-الحمرا لاتروحين يمين ولاشمال عليتس باللون الحمر لاتفكرين ولايطري في بالتس لونن غيره عانيني علمتس يالرمصه
6-بودرت الخدود وما ادراك مابودرت الخدود وتراه سرن بيني وبينكم ان تسانتس تبين تلفتين النظر تسثري منهااا وتكون بشكل دويره انتن خبرات فلونه مير فلونه هذي قومت الصاله وقعدتهاا هي وبودرتهاا سون زيهاا ان تسانتس تبن الزين
ثانـيـــــــــــــــــــــــــــــــــــــــــــــ ـــا:
* تصفيفت الشعر:
1- عليتس بالرشوش قبل العرس بيوم حطن الرشوش
2-قبل العرس بخمس دقايق اغسلن الرشوش انتبهن قبله بخمس دقايق ان تسانتس تبن الزين ترا ان غسلتوه قبل انا بعلمتسن بخرب شعرتس لازم قبل العرس بخمس دقايق
3-ثمن ان غسلتنه عليتس بالمتسوا انبطحن علي ظهوركن وخلن وحدتن من خواتكن تسويه
4-ثمن لخلصتي التسوي طبتسنه لفنه لفنه زي الطاقيه يعني طبتسنه
5-لاتفكين التطبيتس الا اذا جيتي ترقصين فتسيه انخشي تحت الكرسي وخلي وحدتن من خواتس تفكه لاتخلين الحريم يعاينون فيتس وانتي تفكينه ثمن يقولن اي اثر شعر فلانه خش تساويته
__والان يبــــــــــــــــــــــــــــــــــــــــــــــــ ــــــــــــــــدا الشووووووووووووووووووووو*
: :7ar: :7ar: :7ar:
1- طلب الاغنيه المفضله لديكي وياليتهاا تكون جاكم اللي ماخذن كاس البطوله حسنهاا غطي علي كل البناتي
2- ثمن تفكين طبقتس وتعدلين مكسيتس وحمرتس وتنفشين الشعر
3-ثمن تمشين بكل ثقه ماعليتس من احد امشي ورافعتن طنقور خشمتس علي طاري الطنقور ياحليلتس ياهيوم وربي اني فقدتس نرجع لمحور حديثنااا
4-عليتس بالرزه يامراااا عليتس بالرزه ركزي ركزي علي اللي انتي خابرتن
5-ثمن اذا طبيتي الملعب خليتس واقفتن بوسط الملعب وحطي ايدتس علي خصرتنس الثنتين ثمن ابدي الشكشكه من دحت ثمن حست عينتس اذا بديتي من فوق الزين اذا بديتي من تحت لين فوق هذا الزين
6-خزي خزي باللي تخزتس ونفصي بعويناتس وماعليتس ماعليتس من احد الا يخزت خزيه واللي يدزتس دزيه ماعليتس منهن اقهريهن
7-يامره يامره تكفين البرقع لايطيح من خشتس بس ارفعي طريفه خلي المكجاج يبين وخلي بريطمتس الاسفل يبين الحمر ياختس لازم يشوفنهاااا ادعتسي من الحمر ادعتسي منهاا
8-ارفعي طرف ثوبتس وخلي ساقتس تبين ابتس قبل لا انسي الكرسي لاتنسين البسنه هو ويا الهامه والغوايش اللي تارستن يدتس والاحزام كل الذهب اللي عندتس البسيه ريحي بالتس اقهرن الحريم لايقهرنتسن
9-الرقص الرقص ياحريم الرقص انتن لين متي ابكن تعدلن بالرقص خليتس حرتسات مغير يالله يدبن تهبن
10- واذا لاعبكن احد لاعبنه لاتسفهنهن قرطي بسفل برقعتس ولاعبي الحرمه :5ar:
11- خلي عندتس حركتن مميزه يذكرنتس فيهاا الحريم اذا حتسو فيتس عند الرياجيل يعني زي كذا رقم واحد بيدتس يعني انتي الاولي ماغيرتس احد
12- والنصيحه الاخيره خلتسن عند امهات العيال اللي للحين ماعرسو ان تسانتس سمعتي ان ام فلان تدور لولدهاا خلتس في بالهاا وعينتس علاهااا لاتخلينهاا تشوف غيرتس بالعرس يالرمصه
13- تكفين يابنيت ابعدن عن التركيبات ترا عجزناا مغير يلمسن بالبنيت يجرجرن شعورهن وينغزنهن انتبهن لاتجيبن لنفستس الشبهه
:8ar: :8ar: :8ar: :8ar: :8ar: :8ar: :8ar:
مواقع النشر (المفضلة)