[align=justify][align=center]وصية الوالد
بر راعي الجوف بوالده يوم ولده الصغير يدله وهو اعمى ويقعد عنده وتضايق البزر وأراد ان يجدعه في قليب يوم مفتح يعرفه ويوم قدم العصا قال ردني للبيت وعرف نيته وعندما اجتمعوا للعشا شافه ولده الكبير متكدر قال العشى حضر وأنا مونس كبدي ولا ودي العشا ولا ودي العشا ولا وده يخبرهم يعافون العشا اقسم على ولده إني ما أذوقه إلا أنت معلمني فقال عندي وصاة أبا أوصيكم قبل أموت فقال الأبيات الآتية فعرف الولد خطى البزر فأقسم على نفسه أني ما اتعداك طول حياتي اوديك للي تبي وأونسك أما البزر ما عليه شرهه .. وقال الشايب هذه البيات :
يا عيال وأن صرتوا ضيوف أو معـــــــازيب
ترى الجواب الزين ملحة قراكـــــم
والمذهب المذهب ترى المذهب الطيب
وترى ردى المذهب يبور انساكــم
ترى البلاسه من كبار العــــــــــــــذاريب
وأكل البلاسه ما يطول لحاكــــــم
ياما توشعلت القبايل تقــــــــــــــل ذيب
من خوفتي يقصر عليكم عشاكم
وياما شريت السمن من عرض ما جيب
يفز قلبي يوم يبكي حداكــــــــــم
دينتكم دين وأبي منكم الـــــــــــــطيب
لامت مدري طيبكم من رداكــــــم
قمت أتعكز فوق عدل المــــــــــــذاريب
قصرت خطانا عند طولة خطاكــــم [/align][/align]
مواقع النشر (المفضلة)