قصتي من ((الزقارة)).......
مرحبااا .... انا فاضي وابسولف واللي يدخل هنا الله لايهينه يا يقرا الموضوع كله يا يتوكل على الله من الحين
... منتم ملاحظين اني صاير شديد حبتين ؟؟؟ ايه على طاري حبتين ...
تروني ميت جوع ومثل ماتعرفون الجوع كافر .. .. بس مو الحين .. يما تنتفخ بطني من الجوع .. يمديني اكتب هالمويضيع ..
عاد عقب الغدا زقاره ..ااااخ ... مع اني ماادخن مار اشتهيه عقب الغدا .. ايه على طاري الدخان .. هاكم هالسالفه
..ابذكرلكم اول زقاره دخنته بحياتي .. هذا ياجماعة الربع بيوم من ايام المراهقه قررنا انا وربعي نطلع كشته
للبر .. خذينا عدتنا والخيمه .. ومشينا حوالي الساعه عشر بالليل المهم قبل مانطلع جعنا .. قلنا ياولد
ليه ماناقف عند هاكالمطعم ونتعشا هاكالكبسه ونملا هاكالبطون وكلمه من هنا وكلمه مناك المهم وافقو الربع ..
نزلنا وقعدنا على الطاوله ننتظر الجرسون (( والله كلمة جرسون كبيره بحقه .. اسمحولي )) ننتظر ابو هنود محد جا .. واحد من الشباب اللي معانا طلع المالبورو من جيبه وقام يوزع من هالزقاير للشباب يوم وصلن الدور
قلت مشكور يالحبيب ماادخن قال يارجال الموته وحده والرب واحد.. هو قال هاللون وانا اخمشلك الباكيت واولع
هاكالزقاره .. ولكم ان تتخيلو شلون حسيت بعد اول مزه .... حسيت اني بغابه كبيييييره ولابه احد بس انا
وبريتني سبيرز عاد انا اكا الوقت ماكنت ماعرف لابيرتني سبيرز ولابطيخ بس مادري شلون طرتعلي ..وحسيت انه قربت لي واعطتن ابتسامه وانتم خابرين اخوكم يتخدر بهالحاله .. قلت لها وينك يوم أدق دقه وأقفل ماتتصلين..!!.............. قالت :تلايط بس
شوي تعالي وهي تقربلي وانا اقربلها وهي تقرب وانا اقرب يما تلاصقنا (( ياحبكم للشفايه ماني مكمل ..المشهد ))..فجأه انقطع احساسي وخشيت باحساس ثاني .. واحد يقولي طف الزقاره ياحماااااااااار .الله العالم انه صوت ريسي بالدوام ابو السعابيل...((ملعون ابو الصلايب شجابه ؟؟)). قلت ماني مطفي وافصلن تسان بك خير ..قال تطفي الزقاره ولا احوس مريرك قدام بريتني .. قلت داخلن على الله ثم عليك .. الا هذي عاد انا خوفا على شعور بريتني وخوفا من الفشيله قدام حبيبة القلب قلت نطفي الزقاره ليش مانطفيه ..كم ابو سعبول عندنا ..... وانا اطفيلك الزقاره من اول مزه ....
يوم طفيت الزقاره ..ماامداني الا اكا الكف ..وانا افتح عيوني الا خويي اللي اعطاني الزقاره يقول انا اعطيك زقاير وانت تطفي دخخخخخخخخن معنا ولا اذلف لاهلك (يالوغد يالذلول) .. .. عاد انا ماطلعت من مفعول الكف للحين ..والله ياهو كف ..لدرجة ان امي قامت من النوم تبتسي من قوة الكف ....المهم وانا اخذلك الزقاره الثانيه ..عاد الزقاره الثانيه سالفته سالفه... حسيت نفسي مادري وشو..قمت اسوي اشياء غبيه .. خذيت ترمس الماء اللي على الطاوله وقمت اسقي الزرع اللي برا المطعم ...
المهم خلصت الزقاره وانا ما طلعت من الحاله ... قالي واحد من الربع ..ياولد رح اطلب لنا عشا ..ترنا تاخرنا .......وانا اقوم يوم وصلت عند الهندي حق الطلبات وقفت عنده قلت لوسمحت دقن وشعر ....قال ::صديق هزا مافي هلاق هزا مطعم بخاري ...قلت بخاري ابوك يهالتيس الاربد وعينك ماتشوف الا النور طااااخ طيييخ طااااخ بالكراسي ... تالي طلعنا مطاردين من الشرطه والمرور والمباحث والاسعاف وحرس الحدود والاماره والبلديه حتى مصلحة المياه يدورونا ....
لالحين مانتفخت بطني .. يمديني امغطكم بكم سطر ..
....
..مره رحت للهند مادري ليه رحت بس رحت .. مالكم بطول السالفه اشتهيت الشيشه .. او الدخان تسان مابه شيشه .. عاد انا لااشتهيت شي .. ياأصير (كديش) يااحصل هالشي... توهقت هناك ..ماعندهم شيشه ولاعندهم دخان .((بس لاتخافون علي ماصرت كديش ))..ماعندهم غير دخان الهنود ابو ريال ونص ....
قلت ياولد مش عمرك بهالدخان يما ربك يحله ... وانا اشتريلك هكالدخان وعاد انا عند الدخان مادري ليه تطري على بالي اشياء غريبه ..مع اول زقاره حسيت اني بحديقة حيوان كبيييييره اتمشى لقيت الاسد مسجووون وقاعد يمسح دميعاته بمنديل المسكين قلت له عسا ماشر قال تكفا طلعن من هالورطه ..الفيل خطف بنيتي ويبي يذبحه وانا محبوس بهذا ولااقدر افك بنيتي منه ارجوك ساعدن ...قلت افاااا ..هذا وانت ملك الغابه يخطفون بنتك .. زين زين ..وانا افتحله الباب ويطلع
يوم طلع.. الوجه تغير والحنك انتفخت والخدود تعفطت والجبهه تصفطت وقام يضحك يوم ضحك قلت ياله روح فك بنتك وش تستنا الحين ياكلون بنتك..
قال ..ههههههاااهاها .. والله انك مضحاكه ضحكت عليك تعال
ابي اكلك .. وانا اهج وهو وراي وانا اركض وهو وراي وفجأه الا انا بحضن ملكة جمال العالم الهنديه اللي فازت بجائزة نوبل لأحلى خشه .. عاد والله مادري شلون فازت ..لاخشتن زينه ولامنه فود يوم شفته تذكرت واحد كان يدرس معي بالصف الرابع كنا ندلعه ونقوله ابوخنه والله انها تشبهه الخالق الناطق
عاد سبحان الله هالهنديه حتى هم بالهند ماهم معطينها وجه ..اسمها كرمان ويدلعونها عبد الحق... المهم يو م وقعت بحضنها وزقارتي بيدي ..قامت
تبتسم قلت انا وين ..قالت .. انت في الهند .. قلت وش جابن بحضنتس يامال الفشقه اللي تطير سنيناتتس .. وين الاسد .... قالت :: نهي ..مافي اسد هزا انتا مافيه قرقر وازد .اذكر وهي قاعده تحتسي انا اتوضى واغسل وجهي من كثر السعابيل اللي تطلع ماشالله لو ننقل فمها عندنا ونحطه بدال مصلحة المياه اللي عندنا اصرف ..المهم.. يوم قالت هللون تذكرت ان الزقاره اللي شربته مفعولها قوي يعادل 400 طن دهن شعر حق هنود .....
ايييييه ..ايام ...انا واعوذ بالله من كلمة انا مادري ليه اكره الهنود ..يعني هالهنود واعوذ بالله من كلمة هنود من بد العالم واعوذ بالله من كلمة العالم فاقعين واعوذ بالله من كلمة فاقعين مرارتي واعوذ بـ..((والله من الجوع .. .. ))
وباااي نأسف على أزعاجكم
نعمل من أجلكم
..........................................
مواقع النشر (المفضلة)