جاك شيراك يزوجن بنتوه..((من الأدب الفرنسي))
قصة حقيقية صارت لي قبل كم شهر
,
,
في ثانيه من عمر الأرض (<== زين ها المقدمه)
طق براسي بريعصي ألا أسافر يم فرنسا
وازهب روحي وأركب حصاني (ثقب الأوزون)وأطلع من السعودية على الأردن على سوريا ومن عند تركيا على أكا الديار ومن عند أوربا
وأنط اكا الطعيس(<==طعيسن باأوربا) يمار لوحه مكتوبن عليه باريس
وأنطلق على حصاني(ثقب الأوزون) ويوم وصلت يمار حاطين شريط وأنا أقطعه(<==يعني اني بطل)
المهم وألبق الحصان وابني أكا البيت المروبع(بيت شعر)وأصلح قهوتن تشم ريحته وأنت بهذا بالمنتدى
(أكيد أنكم شامين ريحت قهوتي)
يمار الناس تختبص وأنشد اكا الفرنسي قال أبد بس الريس (جاك شيراك ) يبي يمر من هنا
قلت : حياوه الله ... لازم أعزمه وأذبحله ذبيحه..
ويوم قرب وأنا (أتسفت) عليه أبي أعزمه وهي تمسكن الشرطه وعلى طول يم السجن
قلت : يارجاجيل أبي أعزم ريسكم
قالو : لا... أنت تبي تهجم عليه
ويحطوني بالسجن
و فجاءه ويدخل على رجال يراعيلي مراعاتن غريبه وينزل بسرعه على يديني يحبحبهن وهو يقول : أعذرنا سامحنا حنا أسفين
قلت : ما صار ألا الخير ... بس أنت من أنت؟من أنت ولدوه
قال أنا ( جاك شيراك)
قلت : والنعم
قال : ما عليك زود.(<== ما يحتاج تعليق) :28ar:
وطلعت أنا وياه ورحنا يم قصره
يمار عازمن كل اومراء القبايل الفرنسيه و الوزرا ولفيف من المواطنين..عاد أنا يوم شفت لفيف المواطنين وتطري علي القناة الأولى....مالكم بالطويلة
ويجلسوني بصدر المجلس وفناجيل وعلوم رجاجيل
المهم تغدينا ومشت العالم....جاني جاك شيراك
قال: طلبتك
قلت: عطيتك...(ياعله ما عادة)
قال: ابي اجوزك بنتي لاني ما فيه فرنسي بمثل شجاعتك وكرمك وطيبك(<==قام يمدح نفسه)
قلت : ابا.. اكا.. أ(<==تلعثمت)
قلت: بس من شروطي انه مسلمه
قال : ها الحين تسلم
قلت: ونها تكون طرما
قال : ها الحين نقطع لسانه (<==متمسكن بي)
قلت: خلاص تم
وقام
قلت بيني وبين نفسي : لازم أطفشه بأي طريقه وأخليه يهون
وكل ما مر من عندي عرقبتله (شقلته) وهويقول تمون ياالنسيب
وما خليت شي ماسويته بدون فايده
ويجيني اكا اليوم
قال : أبشرك لقينا قصر أفراح بعد شهرين
وجا يوم العرس..
((((((هذي تبي خيال واسع )))))))
وادخل عليهم بسروال السنه
واجلس بجنب (جاك شيراك)وانا لابسن سروال السنه
بس مع هذا ما نفعت الخطه ... ما قال شين
وحنا نتعشى
ويدخلوني على (ساندرا) بنت (جاك شيراك)
وانا انقز ينا بشعرها الأشقر واقوم انتفه وهي تصيح
ويدخل علينا أبوه ... قال : وشبلاك على مريتك يا وليدي؟
قلت : وشوله تدخل بيني وبين مرتي خلاص انا زعلت وهذي بنتك عندك وهي طالق
وانا افرك وهويركض وراي يبيني اسامحه وانا اركب حصاني ( ثقب الأوزون) ولا اوقف الا بهذا..
اللي مهو مصدقن ينشد جاك شيراك
مواقع النشر (المفضلة)