دق تيليفون بيتنا فتراكضنا (كالعادة) له وبعدين كالعادة (تهاوشنا ) على اللي يرفع السماعة وكالعادة ايضاً يفوز ابو خليل بالصفقة
وذلك لسببين رئسيين:
1.توفر دفع رباعي في محركاته بقوة حمارين.
2
.ماعنده تفاهم ـ يعني يقوم بتسطيرـ كل من تسول له نفسه بالردعلى التيليفون.
ولهذه الأسباب الوجيهه رفع السماعة...
وكانت خالتي شيخه على الخط...
خالتي:أهلا أم صقر!!!
أبو خليل ـ بغضب ـ أنا أبو خليل البطل!!
خالتي:هاهاهاها يازين مزحك ياأم صقر
أبو خليل:أناقلت لك أناأبوخليل!!
خالتي:طيب ياأم صقر والله مدري وش تقولين بس عطيني أمك أكلمها...
أبوخليل يتجه الى غرفة أمي وهو يغلي
ـ يمه هذي خالتي شيخه تحسبني أم صقر..انا تحطمت يا يمه..يعني
أناصوتي صوت بنت؟!!!
طبعا...أنا مت ضحك الى أن ردت أمي عليه:
ـ لايا وليدي المفروض أم صقر تزعل لان صوتها صوت ولد !!!
انا بلعتها ومشيت ورا امي استكشف سبب الاتصال (يعني يمكن وراه خطوبة والا شي)
سلمت امي عالخالة ونصف ساعة سواليف غير مهمة بالنسبة لي..
وبغدها جاء الدسم والموضوع المهم..
عازمتنا على الغداء يوم الخميس..
وعلى طاري الخميس اول ماسمعنا عن موضوع "الدنماركة" واستهزائهم
باحبيب محمد عليه السلام.. كان في يوم خميس ومن بعدها كل ماجاء
خميس اتذكر ذا الشي..
في الحقيقة يومها تضايقت بالحيل وقررت اسوي اللي اقدر اسويه..
فقلت "مابدهاش" علي وعلى اعدائي قاطعي كل منتجات الالبان والحلبان
والقشطان والزبدان والروبان وخل ينفعهم بقرهم..
يعني نفطر فطور جداتناتمر وقهوة وحليب خلفات..
ثم وبعد..
اقصد ثم وتضامناً مع استدعاء سفيرنا السعودي الى المملكة فكرت بالاتصال بزوجة عمي الموجودة هناك واستدعيها..
راسلنا موقع الجريدة الالكتروني وقلنا لهم انه صلى الله عليه وسلم قائدنا ولانقبل ان يستهزيء به احد..
:::::وبصراحة انا اعجبني ان الناس كلهم قاطعوا المنتجات مرة وحدة..
انتفضوا انتفاضة رجل واحد<<<<<اقول اقعدي..
-الا ابو خليل!مايدري وين الله حاطه فيه..
مايدري الدنيا هشت والا نشت،إلى الان يقول وش فيهم الدنماركيين!! جاهم زلزال؟؟! والا برهم زين!!اشوف كل الناس يتكلمون عنهم..!!!
-على رسلك ياروبن هود ، مسوي فيها خبير سياسي وهو مايدري جدة تاء مربوطة والا مفتوحة!!
أمس قلت لأبو خليل زبدة"لوربلك" هذي زبدة دنماركية واشرت عليها وقلت له اشتر زبدة ثانية غير ذي.. راح الفهيم جاب زبدة لورباك حجم كبير!!!!!!!
باياااااااااااااااات
مواقع النشر (المفضلة)