اسباب تسمية ماكدونالدز بهذا الاسم
بسم الله الرحمن الرحيم
اخواني اخواتي
السلام عليكم ورحمة الله وبركاته
اكيد كلكم تعرفون ماكدونالدز بس احد فيكم سال وش قصته
ليش اسمه كذا ؟
عاد بجتهادات مني شخصين حبيت اعرف وش سبب تسميته بهذا الاسم وفكرت وفكرت ولقيت السبب شي غريب ولا عليكم
انا بقولكم
نبداء
ماكدونالدز
هذا الله يسلمكم فيه واحد عالم اثار في امريكا اسمه
ماك
كان طفران مامعه فلوس
المهم سمع من خوياه ان في المملكه العربيه السعوديه مكان اسمه مدائن صالح
مسكت في راسه انه يشوفها بس المشكله انه طفران مايقدر على مصاريف الرحله اشتغل الرجال في مطعم وجمع له كم قرش
وقدر انه يجمع فلوس وقص التذكره على المملكه العربيه السعوديه بالتحديد الرياض
وصل الرياض وسال المضيف قاله ابي اروح مدائن صالح كيف قاله المضيف هذي مشكله مدائن صالح مافيها مطار ولا نقدر نروح لها بالطياره قال له طيب وش الحل
قال مالك الا انك تروح البطحاء وسط الرياض فيه هناك سيارات خاصه لنقل
راح خوينا الي اسمه ماك للبطحاء ولقى هناك سواقين التكاسي
تجمعو عليه الي يقول جده والي يقول الطايف والي يقول تبوك وهكذا
قال لهم ماك لا انا ابي احد يوديني مدائن صالح
قال له واحد الي هو شخصيه فيهم محد يقدر يقوله شي اخذه على جنب وقال له
يابن الاجواد هذي مانقدر نروح لها
قال ماك ليش ؟؟
قال هذي يبي لها سياره كبيره واحنا سياراتنا صغيره
قال ماك طيب السياره الصغيره سريعه في الخط اسرع من الكبيره
قال السواق ايه بس فيه قبل مدائن صالح وادي اسمه
الدز
قال ماك الدز وشو ذا وليش اسمه كذا
قال السواق هذا الدز والي يسلمك وادي كبير وسموه كذا علشان الي قبل اذا مرو به على سياراتهم يقولون الي معه في السياره دز دز دز وعلشان كذا سموه الدز
قال ماك طيب والحل
قال السواق ماهي مشكله انا اوديك
فرح ماك بيتحقق حلمه ويشوف مدائن صالح
قال السواق بس بشرط
قال ماك ابشر بالي تبيه وشو شرطك
قال اني انزلك دون الوادي
استغرب ماك قال وش معنى دون ؟؟ عساه وادي ثاني
ضحك السواق قال لاااا
دون يعني قبل
رفض ماك الشرط ذا ورجع لمريكا والف كتاب اسمه ماك دون الدز
اعجب رجل ثري في امريكا بالاسم ذا وفتح له مطعم وسماه ماكدونالدز على اسم قصه ماك الي هي ماك دون الدز بس ان الرجل الثري ذكي شبكها في بعض علشان مايطالبه ماك صاحب القصه بتعويض
واشتهر المطعم الي الحين في جميع انحاء العالم والكل منكم يمره وياكل فيه ويروح ينام
ههههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههههههههه
انشالله اعجبتكم القصه
... تحياتي...
مواقع النشر (المفضلة)