السلام عليكم
أخوتي الإعزاء في منتدانا الغالي
اسعد الله أوقاتكم بكل خير
.
.
جديد قلمي لايتعدى حدودكم أبداً
وهذه قصيدتي تحاكي مواطن الشوق
وكلي أمل أن تحوز على رضاكم وأستحسانكم
.
.
كل ماجيـت ابكتـب .. ياحبيبـي تعـال
سالت دموع عيني .. موعد الحـب تـوّه
ادري الشوق فيني .. ان وصفتـه خيـال
يزلزل ارض العواشق .. من نسايم هدوّه
كثر رمل الصحاري .. مع صخور الجبال
كثر مزن السحايب .. لـارعد البرق جوّه
كثر ماقلت احبك .. وكم سهرتـك ليـال
كثر ماقلت نورك .. يخجل البدر ضـوّه
كثر همس اقوله .. وكثـر همـس يقـال
كثر همس كتمته .. داخل الـروح جـوّه
ضامي الريق يرجي .. من وصالك زلال
تنطفي نار شوقي .. منهـا قلبـي تشـوّه
لكن اليـوم ابكتـب .. ياحبيبـي محـال
نفترق .. الا موتي ماعلى المـوت قـوّه
مواقع النشر (المفضلة)