بنت العرب ( اهــــــــــــــــــــداء ) بنت العرب
بنت العرب
مـني سلام ومن عيوني.. تحيه
لذيك الغزال الواقفة وقفة العـود
أعجبني المنظر والإعجاب نيه
واجرتها ثم قلت: وش حاله الذود
ردت علي بكبريـاء.. ورويـه
قالت: عليكم وأبشر الذود في زود
وش عنده النشاد جانا هنيــه
ما به غريب يزل من غير مقصود
كانك طلبت الماء هذي عنيه
وإن ما كفتك العين فالقلب موجود
فينا الكرم موروث من الجاهليه
والضيف يلقى عندنا الطيب والجود
بنت العرب يا خوك للحين حيه
تمشي على الموروث لكن على المود
أهوى الكلام الحلـو ينقال فـيه
وأنثر مع الأبيات شعري مع النود
أرقص وأغني والتـوي ألف ليه
أحب وأعشق وعندي الحقد مفقود
تقدر تخلي الشمـس للناس فيه
وتقدر تخلي الروح تروح وتعود
وبيدك تذوب من البني ألف ميه
لكن على ذا القلب لا يمكن تسود
تلعب على تياك و تيا و تيا
لعبك عليك بيوم لا شك مردود
مالك ترى لا مت من الحب ديه
حتى لونك من ضنا الناس معدود
ما ني مثل نرمين ولا هنيه
وهرجك ترى وإن زاد ما حصل الفود
لا يافتى ما نيب عندك رميه
أعز نفسي وكل ملحوق مطرود
إيه ابدويه ميزتي حيل عيـــه
وعندي الشرف ماله نهايات وحدود
شفت الأمل أنا الأمل بنت زيه
بس الأمل ماله مواعيد ووعود
أرفض وجودك يكوي القلب كيه
تنوي تصيد وردك الصيد مصيود
ولأنك خوييي فاعتبرني خويه
أنــا خـويتك دونما شرط وقيود
عـ اااالروح ـديل
25/5/1427هـ
رد مع اقتباس
مواقع النشر (المفضلة)