يا نفس طيبي.......
يا نفس طيبي مع الجلاس
لا يكدر الصفو عذالك
خلك عزيزة عن الأنجاس
من طيبك الناس تصفى لك
الناس في دنيتك أجناس
درب العجب في البشر سالك
ناس ذهب يرفعون الراس
مثلك وشرواك وامثالك
قوم على المرجلة حراس
وممشى الرجاجيل يهنى لك
لو هب من يمهم نسناس
أسفر ظلام الدجى الحالك
تلقى حكيهم درر وألماس
يحلى لغيرك ويحلى لك
يملون راسك سواة الكاس
ويزين بالهيل فنجالك
وناس يجونك صفر ونحاس
أخس ما تشري بمالك
أغلب حكيهم بليا ساس
ان ما تحاشيته يطالك
درب يوديك للإفلاس
خله عسى ينصلح حالك
خلك من الخاين الدساس
يضحك بوجهك ويغتالك
ومن حطك التاج فوق الراس
شيله بعينك كما شالك
واذكر محاسنه بين الناس
واذكره بالطيب في بالك
واترك حلومك مع الهوجاس
ربك هو المعطي المالك
رد مع اقتباس
مواقع النشر (المفضلة)