عرس عرااابـــــــــجه لايفووتكم
عرس عرابجه لايفوووتكم خخخخخخخخخخخخخخخخخخخخخخ :2ar: :2ar:
الموواصفــــــــــــــات:
الاسم:دحيم الدلخ
العمر:منولد في سنة الطفره
الشكل:قزم ودب واقرع وجهه كله خدوود وعيوونه مثل النمل
الزبده الولد يحووم الكبد
الولد دحيم 24ساعه هاايت داج بالشواارع ومشااكل وتفحيط وحااله
المهم ابووه قرر يزوجه عشاان يعقله
ويقوم يخطب له بنت عمه حصه!!!
عاد حصه خبله ازوود منه
المهم يوم جاء يوم العرس الى دحيم طالع الثماامه مع الشبااب يطعسوون
وابوه دق عليه
الاب:الوو دحيم وينك
دحيم:هلا والله طالع مع الشبااب للثماامه
الاب:جعل تطلع روحك بلا تعال اليوم عرسك ماتدري انت
دحيم:طيب العرس بالليل يمديني اعود المغرب
الاب:اقول تعال جعلي امشي العصا على ظهرك
دحيم:طيب خلاص جااي
ويقفل التلفوون
المهم
ويجي دحيم للبيت ويلبسوونه الدلخ ناوي يروح للعرس بقميص نووم
ويلبسونه اخواانه ويودونه القصر
>>>>>دحيم اللحين مايدري وش الساالفه يبي يخلص بسرعه ويروح للشباب بالاستراحه يلعب بلووت معهم
ويدخلونه القصر ويجلسوونه بالمنصه
وهو يقول ابي اروح اجلس عند القهوجيه ابي اشرب شاهي معها واتكي واسوولف معها(منسم والله)
ويلقطه اخوه ويجلسه على الكرسي
ويجونه الناس ويسلموون عليه
ويقولون له منك المال ومنها العيال ان شاء الله
ويقول لهم الخبل هلا ايه طيب والله ماعندي ولافلس
(قايله لكم مهوب وجه زوااج)
المهم ويدخلونه على الحريم
يووم دخل
فتح خشته (ابتسااامه عرييضه)
وينااظر في ذا البني
المهم يوم طقوا الطقاقات الى وينقز الولد ويرقص ساامري
ويسحبه ابوه ويقوله اركد لاتفشلنا
المهم ويجلس على الكووشه
وتجي وحده ترقص عنده
وهو يضحك عليها يقولها ماتعرفين ترقصين يالدبه المشكله ان اللي ترقص امه مادرت
انه مايستااهل
المهم ويقومن البني يرقصن ويهزن وهو فاتح فمه ويقول عاشوا ورا سرا
الا وابووه يكمخه على جبهته
خلاص بنطم بس لاعاد تسوي كذا
المهم ويدخلوونه على العرووس
وياخذها ويركبون السيااره
المهم مادرا الولد الا وتقوم حصيصه=العروس تقوله ماعند شريط كسراات(شعبي)
ملينا من ذا الطقاقات ازعجونا
الا هو انبسط على حرمته الخبله مثله
المهم وتقوله حصيصه دحيم بسألك سؤال
دحيم :اسألي
حصيصه:تعرف تفحط
دحيم:ايه اعرف افحط احسن واحد انا في التفحيط<<<<اترك عنك الهيااط بس
حصيصه:يله ورني اابيك تفحط اللحين
دحيم:(توهق)خليها بعدين مب اليووم
حصيصه:شكلك ماتعرف هههههههههههههههههاي ماتعرف
دحيم:اوريك من اللي مايعرف
ويلف الخبل الا من اول لفه صقع بالمااصوره
:44ar:
اتمنى تكون اعجبتكم
ــــــــــــــــــــــــــــــــــــــــــــــــــ ــــــــــــــــ
احبك لو تحب غيري وتنسااني وتبقى بعيد *********احبك************
«®°·.¸.•°°·.¸¸.•°°·.¸.•°®»%%%دلـــــــــــع شمـــــــــــــــــــر%%%«®°·.¸.•°°·.¸¸.•°°·.¸.•°® »
مواقع النشر (المفضلة)