مشرف لكن غير ....................
هذا الموضوع منقول لأنه أعجبني الصراحة وحبيت تشوفوه معاي <<شكله نصاب :1ar:
/
\
موقف صار لاحد الاخوة مع شايب مشرف في منتداهم يقول عن هالشايب :
أخينا في الله ... إنسان طيب لدرجة كبيرة ... بس مع ذلك هو على نياته
في كل مرة أخش قسم المحذوفات أضحك وبقوة ...
دايم أحذف مواضيع مخالفة ... في ذاك المنتدى ... مثل صور شبه عارية
أو موضوع سب إلخ ... من مواضيع المراهقين ...
المهم هذاك كل وقته .... يكون في منتدى المحذوفات ياليت يطلع ويمشي
لا ألقاه يعلق وينصح ... وطبعاً منتدى المحذوفات .. ما يطلع عليه غير
الإداريين ... وهو على باله ... القسم مفتوح للكل ... المشكلة أن الرد
يكتبه تقريباً عشرين سطر ... تقدر تلخصهم بكلمتين وهي خاف ربك
ولما أوضح له وأقول المنتدى ما يشوفه غيرنا قال لا ياخي موجود
بالصفحة الرئيسية ... والمشكلة يقول لي بالرسائل الخاصة ياليت
تنصحهم معي ... حاول مدير الموقع معه ما نفع ...
قالنا نخليه على وجهه ...
وفي مرة من المرات أرسلت له مشرفة ... رسالة تحب تستشيرة بموضوع ...
قالت له فلان بودي أطرح موضوع كذا وكذا في قسمك
.. ما أدري وش رايك
رد عليها في قسمه يعني نزل موضوع قدام الاعضاء
يقول
جفل البنت علينا وتركت المنتدى بسبته ...إلى الأخت الموقرة ... فلانه أنا إنسان متزوج وعندي عيال ... أرجو إني
ما زعلتك ...
أرجو يكون الكلام قدام الناس مو بالرسايل الخاصة وشكراً
من شان كذا طرحت الموضوع ما ابي يكون الشيطان ثالثنا ...
والمشكلة المشرف العام يحذف موضوعه ويكتبه مرة ثانية
وحاولنا نفهم بالرسايل ما رضي يفهم يرد عليه ويقول
المهم البنت أظنها لليوم مافتحت المنتدى وأظن النت كله بعد ...لابد أنصحها ...
وفي مرة عقدنا اجتماع ... عشان نحرك المنتدى ونسوي مسابقات تحرك المنتدى
كل واحد منا ... تزهل يعني تكفل ببطاقة سوا أم 100
المهم صار كل واحد منا يسوي مسابقة ... اللي بالخواطر يختار أفضل خاطرة للشهر
واللي في الجوال أفضل برنامج
وهو اختار أسئله يطرحها على الأعضاء ... لمدة اسبوع
واللي يجمع أكثر نقاط ... يفوز ....
أخينا في الله ماشي بالمسابقة تمام ... بس في آخر المطاف
عند تسليم الجائزة اللي هي بطاقة سوا ... تتوقعون وش سوى ؟
بدال مايرسل البطاقة للعضو بالرسائل الخاصة كتب رد في نهاية المسابقة ...
سجله قدام الكل ...يقول مبرررروك للفائز .. ببطاقة سوا ... وإن شاء الله يكون حافز للنشاط
وهذا رقم البطاقة626726752652
الرجال اللي فاز بالمسابقة يقول وين البطاقة ...
قال برد في الموضوع قال ياخي ما تشحن
قال والله جديدة ... وظن أنه مالطشها أحد الزوار أو الأعضاء يعني بزعمه منظم
راحت البطاقة وتكفلنا نشتري للرجال بطاقة نرسالها له على الخاص
المصيبة أحياناً ينزل مواضيع في قسمه ...ويكتب أرجو التثبيت ...
وزي منتم عارفين المشرف هو اللي يثبت المواضيع ويفكها ...
لا هو يكتب الموضوع بالقسم اللي يشرف عليه ويقول أرجو التثبيت ... images9
والله حاله ما كنه طولها ؟؟
المشرف العام تحمله ... لسببين ... أولهم أنه رجال عمره فوق الخمس والأربعين
والسبب الثاني أنه على نياته ... وطيب ...
طولها آخر شيء كتب المشرف العام بطريقة غير مباشرة يقول في قسم المشرفين ..
يا جماعة ... اللي ما يقدر على الإشراف يقدم اعتذاره ...
كان المشرف العام يتوقع أنه يرد ويقول أنا أقدم اعتذاري
وش قال هو ...
قال :
الرجال يخطط على مراقب أو نائب مشرف عام ... وطلعنا من المنتدى ولازالفعلاً هناك بعض المشرفين باردين أتمنى يتحركون من شان مصلحة المنتدى
وياليت يتفاعلون مع الأعضاء .... عشان يوصلون لأعلى المناصب ...
الرجل مواصل على نياته وجايب طبلونه متحمس هع هع هاااااااااع
انتهى :8ar:
تحياتي للجميع,,,
مواقع النشر (المفضلة)