مـجـلـس الـسـنـافـي
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المجلس الليّ أبد ما يطفـي سراجـه=ياحبنـي لـه ويـا حبّـي لراعـيّـه
مفتوح بابـه ولا قـد صـك مزلاجـه=عنوانـه الطيّـب مدهـل للسنافـيّـه
محدٍ من اهل الردّى في ذمّتـي داجـه=ما جاه غير الشلـي واللـيّ حواريّـه
راعيه طول العمر مـا مـال منهاجـه=ما حدّد اليـوم والاشخـاص والجيّـه
قرمٍ ليا جاه ضيفه يضحـك حجاجـه=ماهو ضايق ليـا مـن جـاه طراقيّـه
يستقبله يا هـلا وأرحـب ابتبهاجـه=ودّلة نشاما مـع اخلاصـه حساويـه
ويذبح له سمان ضانه ما شكى ازعاجه=ويحط لـه نعمـة مـن كـل نوعيّـه
ويقدره مـن دخولـه ليـن مخراجـه=بالعود الازرق من احسن نوع جاويّـه
يعز رووس الرجال ويقضـي الحاجـه=سعدٍ لربعه ليـا مـن ثـارت الهيّـه
من جاه ضايق لقـى بيدينـه علاجـه=واليا نصيتـه يفـز ويصـدق النيّـه
الجود والطيّب والنفعـه مـن انتاجـه=نفسـه عزيـزه ولا هـي بالدناويّـه
يكسيه ثوب التواضع والكـرم تاجـه=خصايـل مـا تصنعّـهـا طبيعـيّـه
والطيّب الليّ أبد مـا مـال منهاجـه=يالله عسى سنين عمره تطمـر الميّـه
والا ّ الردي يا عسى الله يهدم سياجـه=وعسى الحكومه توقّف مايـه وضيّـه
والمجلس اللي تشعشع نـور وّهاجـه=ياحبّنـي لـه ويـا حبّـي لراعـيّـه [/poem]
الشاعر/ حسن الهاجري
رد مع اقتباس
مواقع النشر (المفضلة)