آسف انا في جيتي لك تسرعت.......ظنيت الاقي فيك شيٍ فقدتة

[السنـــreemـــدريلا]

آسف انا في جيتي لك تسرعت.......ظنيت الاقي فيك شيٍ فقدتة
كنت احسبك مجروح مثلي تولعت......جربت فرقى شخص قلبك وهبتة
كنت احسبك من مر جرحك تجرعت....حبيت فيك احساس طفلٍ لمحتة
لوقلت آآآه بوسط روحي توجعت.......ولو شفت دمعاتك شعوري سكبتة
ولو تطلب اعيوني ابد ما تمنعت.......واعطيك قلبي لو بعد ما طلبتة
وصلت بك... اعلى مكان وتربعت.......وفي قلب غيري ياالغضي ماوصلتة
واصبر على صدك واشوفك تدلعت.......واعطيك ود وما اظنك حسبتة
اذهلتني بطباعك اللي ...تطبعت.......حتى قصيدي فيك ابد ما فهمتة
لو كان غاياتك حروفي فانا بعت.......وافرح بجرح الشاعر الي جرحتة
وأرجوك من صدك تراني تشبعت......خلك مع اللي عاجبك او عجبتة
يكفي قهر في جيتي لك تواضعت.......تركت غيرك لجل عينك وبعتة
ياليتني عن حب مثلك..ترفعت.......ياليت قلبي قبل اعرفك دفنتة
لكن اب ابعد دامني بك توهقت.......الله يرحم حبنا اللي ذبحتة
انا شريت الود والحين انا بعت.......وانا عطيتك قلبي اللي قهرتة
في يوم جيتك اطلبك ود واقنعت.......نفسي بانك شخص عادي عرفتة
كمل حياتك مثل ما انا توقعت.......تبقى اسير الماضي الي فرضتة
ولا يحزنك اني جبان وتراجعت.......حولك بدالي ألف شخصٍ عجبتة
اما انا لا يمكن اخضع ولا طعت.......يحرم علي اعطيك قلبٍ خذلتة
باريّحك من شوفتي يوم قاطعت.......اسلوبك اللي بة تجامل كرهتة
غلطان يا المقفي انا ما تتبعت.......غيري يتابع خطوتي ما تبعتة
ما ينحني راسي لو اني تقطعت.......وما هو بنا من لا رميتة لقطتة
وان كان غرك حكي عذالي وطعت.......الله يعلم كيف قلبي سكنتة
اللي ملا قلبك علي وتسمعت.......خله يعوض شخص مثلي خسرتة
انا بما فية الكفاية تولعت.......واللي بقى من قلب فيني حرقتة
وان شفتني صدفة بعينك تطلعت.......ذكرتني با نسان غالي فقدتة
باول لقا سلمتة احساسي وضعت......غلطت حياتي يوم قلبي سلبتة
واستسمحك ف البعد كاني تراجعت.....ما عاد ابلقى فيك شي فقدته
طبعك مثل غيرك وطبعي كما كنت.......احب شخص ولا تركتة
__________________

تحياتي السنـــreemــــدريلا :confused:

[مشعل البقمي]

اللي ملا قلبك علي وتسمعت.......خله يعوض شخص مثلي خسرتة
انا بما فية الكفاية تولعت.......واللي بقى من قلب فيني حرقتة


**

وان شفتني صدفة بعينك تطلعت.......ذكرتني با نسان غالي فقدتة










عميد الشعرااااء

[الفصووول الأربعه]

[align=center]السنـــدريــــلا

يالروعه حروفك

مشكوره

على هالابيات

الجميله

تقبلي

تحياتي[/align]

[الوووونيس]

im0 ~*¤ô§ô¤*~ مشكوره يـــــ السنــــــــــــدر im0 reem يـــــــــــــــــلا ــــــــــــا ~*¤ô§ô¤*~ im0

صح لسانك ويا لروعة ابياتك
وإن كان هذه البداية ف إلى الأمام

وأحنا معك
وجميع الأعضاء ينتظرون مشاركاتك الجمياة التي بتكون أن شاء افضل

[السنـــreemـــدريلا]

مشكور اخوي مشعل ع المرور الرائع