يارب أنا فيني الم ودموع...
[align=center]يارب أنا فيني الم ودموع...وجيوش من كثر الوجع وجموع
أضمها بضلوع صدري...حتى تصير من خلف الضلوع ضلوع
وابكي وأداري عبرتي وأخفيها...وأنا لو أخفيت الوجع مسموع
يارب أنا هذا وهذا طبعي...صادق وأعاشر كل شكل ونوع
يارب سامحني على غلطاتي...وعن كل ماقلته وهو ممنوع
واغفر خطأ فعلي وزله عقلي...واسترني بذكر وجميل الطبوع
هذا وانا العبد الضعيف الفاني...لو كنت مااعاني عطش او جوع
زاد المرض همي ونقص حيلي...واصبح هو الناتج وانا المجموع
ميت ومؤمن بالقدر وارضا به...اليوم بكره ولا بعد اسبوع
يارب ابي موت العزيز المؤمن...مابي ممات العاصي المصروع
انطق شهاده لا اله الا الله...وابعث عليها واصبعي مرفوع
يارب انا راضي وماني جازع...ماعاد باقي للجذور فروع
أعطيت وارخصت النفيس الغالي...حتى غديت الدافع المدفوع
جعلت في صدري مكان أحبابي...ظل وسحاب ومجلس مزروع
من طيبتي ولعت أصابع كفي...في ظلمه الليل العتيم شموع
افتح ضلوعي واستمع شكواهم...واجعل عروقي للحديث خشوع
واليوم احس اني وحيد الغربه...غصن ومن اغصان الامل مقطوع
ماعاد باقي لي على هالدنيا...غير انت ياربي وانا المجزوع
واصحاب قلبي والدعاء واخواني...وامي وابوي وطبعي المتبوع
يارب عنهم لاتزول الراحه...مادام لك في الارض قوم ركوع
واشملهم بفضلك وزود خيرك...واجعل لهم من رحمتك ينبوع
وانا اذا كان الممات ارحم لي...بدعيك باسمك والدعاء مشروع
يارب تاخذني ولا تجزعهم...في ساعه فيها العبيد خشوع
يارب ترزقني رضاهم عني...لاسقتني للموت دون رجوع
ودي اذا حل القضاء من بعدي..ينسون شي اسمه الم ودموع
وسلامتكم
تحياتي همسة ـألـ ع ــسكري[/align]
رد مع اقتباس
مواقع النشر (المفضلة)