تخيلوا ياشباب لو ان البنات هم اللي يخطبونا؟؟!!
تخيلوا كذا يوم من الايام تنقلب الدنيا وش يصير؟
تخيلوا كذا يوم من الايام تكون جالس في البيت تقرا مجلة سيدتي او لمجلة (له) المهم شوي كذا الا وامك داخله عليك وتقولك ياولدي ابشرك لك عندي خبر حلو وانت تطير من الفرحه ياي يماما وش الخبر وتقولك بنت عمك تبي تخطبك وانت عيونك تقولب يمين يسار وتحط يدك في يمك وتحكحك شنبك من الفرحه والربشه وخدودك تحمر
اذا كان ماعلليك لحيه وتناظر براسك بالارض من الحيا
وتقول لامك يا يماما اللي تشوفينه انتي وبابا اعملوه انا عن نفسي اشوف البنت مافيها شي ينعاب ثم تروح امك وتبشر بنت عمك
واليوم الثاني تجي بنت عمك عشان تخطبك رسمي
وشوي الا وانت تدخل عليها بالعصير الاحمر والاصفر وتجي وانت تقولب رجولك من الخرشه وتقدملها العصير وهي تبحلق بعيونها فيك وانت ماتقدر تناظرها
وتحط لها العصير وتنحاش تطلع ويجونك اخوانك الباقين ويسالونك
ها كيف حلوه ؟
وانت تقولهم والله ياهي تجنن وتهبل وبتسعدني وبتستر علي
وشوي كذا الا واختك العربجيه وهي تدخل من باب الشارع وهي حاطه عبايتها على كتفها وتقول وش فيكم؟
ويقولها ابوك قصري صوتك فيه وحده تبي تخطب اخوك وهي تصرخ عليه كيف؟ ومتى ؟ وهي وين شافت اخوي عشان تخطبه ليه احنا ايه مش بنات نعرف نربي اخوانا والا ايه؟
وتروح تخش المجلس على امها وتصرخ عليها وتجي امك وتضرب اختك كف وتطردها من البيت وتروح اختك وتشغل السياره وتفحط وتروح للبنات الشله بالاستراحه
المهم تمر الايام وجا يوم الفرح وانت يجونك اخوانك وعيال عمك وعيال عماتك يظبطونك وينظفونك ويجهزونك عشان تقابل فارسة احلامك وبعدين وانت في الكوشه والرجال حولينك واخوانك واصحابك يرقصون على هالاغاني طبعا ماراح يكون فيه ساره والعنود وموضي ...الخ شوي الا والربشه والازعاج عشان العروسه بتدخل عليك المهم تجي العروسه واخواتها والبنات الباقين وتشوفهم يتميلحون قدام الشباب والبلوتوث شغال عند البنات يبون يصيدون من هالشباب والارقام تطاير بالهوا وشوي تجلس العروس بجنبك وهي توخر الطرحه (طرحة البسام بصمه عشره) وهي تقولك ماشالله عليك طالع مثل القمر وانت يغمى عليك شوي تصحى وتنتهي السهره والفرح في الفندق ليلة الدخله وانت الدنيا لافه فيك من الخرشه
المهم تروح الايام والشهور وتجي بعد تسعة شهور وانت تصارخ الا والتوام يبون يطلعون على هالدنيا وتروح زوجتك توديك المستشفى وتولد وبعدين تاخذك المره وتوديك عند اهلك مدة النفاس وهي عاد تستغل الوقت وتروح تسافر مع صاحباتها يستانسون على بال ماتنتهي مدة نفاسك
وبعد ماتنتهي مدتك تجي زوجتك وتاخذك وتوديك البيت وتجلس انت وعيالك وتربيهم وتطبخ يوميا وتغسل وتكنس وتهاوشك زوجتك كل يوم
وتنام بالليل وانت دمعتك عالقه على شنبك
ويجي يوم من الايام تزعل وتاخذ شماغك وعيالك وتروح لبيت اهلك وتجي امك بعدين تصلح معاكم وترجعون البيت وتبدون حياتكم مثل اول....الخ
ويبقى الامر في الاخير مجرد (تخيـــــــل) .
مواقع النشر (المفضلة)