قصيده بعنوان عصى موسى :-
سواد الليل تسهربه عيون ويرقدن عيون ويبكنه عيون وينه لاسرى جالي
به عيون الشقي دايم سهرها بالشقى مقرون وبه عيون لخلي دايم تنام وطرفها سالي
سواد الليل سامحني لقيتك للعيون جفون لقيتك عن شقا الواقع محطة تسقي امالي
سهرتك واذكر احداثي واقلب بالزمن وشلون وافكر والسبب قصه طويله ضيقت بالي
انا جرحي سبب طفل سقيته بالغرام شجون ملكته بالهوى حتى لقيته كنه ضلالي
نزعته من يد الحسره وكف الواهج الملعون ورفعته لين خليته عن اطراف الشقا عالي
واخذت همومه الغبرى وعطيته للحياة غصون وزرعت الدرب بعيون زهر للشوق يختالي
وفتحت الصدر والخافق وقلت اسكن تراك تمون وقلت اشرب بعد كاس المراره كاسي الحالي
وحياة اللي خلق ادم وصان التين والزيتون انه بالحشى عندي تمكن مامعه والي
وعشقته لين خلاني اصير بعالمه مفتون فتني وانفتن فيني وصار الشوق غربالي
يجيني تدفعه رغبه سببها سره المكنون وانا لجله معي صادق عطيته عهد ميصالي
ودارت رحلة الدنيا وانا في عالمي مسجون واحسب الوقت لو طول يخليني مع الغالي
وجتني لوعة الدنيا وجابت غلها المكنون وعرفت ان الزمان اللي عطاني قطع حبالي
وصرت انا الحاير التايه العاشق لمحزون امشتت في جميع لكون مدري وين مدهالي
وقعت بحيرو زادت على قلب العنا طاعون دياره والسفر عنها وظرف مارحم حالي
وانا مابغى السفر عنها عذابي بالسفر مرهون وظروف اقسى من الفرقا تحدد يوم ترحالي
جوسي يجعل اوضاعي تدهور كل يوم لدون وتفتح باب للعالم ويكثر هرج عذالي
وجلوسي والحلوم اللي تملكني بثرى قارون مذله في ثوانيها وحيرة مالها تالي
جلوسي دون مستقبل حياة مالها مضمون توصلي على كف من ارزاق العرب خالي
توديني على وجيه ابها لي تمد العون وادور به وجه مابين العم والخالي
مذله جلستي صارت بديره وسطها المضنون احبه وان جلست اكثر من الغبال عزالي
لوان المسأله نفسي بسيطه يازمان تهون ولكن نظرة العالم عذاب دايم قبالي
ولو اني ابتعد وارحل واشيل الخافق المغبون وخلي من ملك قلبي برجوى طيف مرسالي
واسافر وترك القدرة تداوي طعنة المطعون ولو ان الذكريات معاها دوم تبرالي
ولو اني قبل اخليها وسرقت الجوهر المصيون وانا ادري علتي هاذي سبهها زايد هبالي
ولواني قبل اوثقها واعاهدها عهد ماخون اخذت اللي يصبرني ليامن شانت احوالي
ولو اني ماسك الجمره وماسك محجر الغليون اكيد انه بعد فرقا زماني يذكر افعالي
ولكن قالو الحكمه تجي من كلمة المجنون وانا توي عرفت اني معني حالي بحالي
ابتركها صداقه لزمن واللي يكون يكون مع اني عارف بعد هاذي ويش يجرالي
وابنشد من فهم حالي من اللي بالهوى مديون انا ولا شقى عمري سبب جرموالي
عصا موسى من الماضي معاها وش لقى فرعون وبسأل ياعصى موسى معك وشعاد يبقالي
خساره يوم غنيتك احسب اني ملكت الكون ولكن ليتني ساكت اظن جروحي اشوالي
تمت هذه قصيدة صديق عمري الشاعر عوض العنزي عندما احب فتاة وحالت الوظيفه بينه وبينها والمعذره على التنسيق الطباعه لان ال
قصيده طويله .
انا معجب بهذه القصيده ومن حبي لمنتدى الزين اود انها توضع فيه وشكراً .
مواقع النشر (المفضلة)