الى الشباب

الحم احم

مشكله يواجهها واقعنا أحنا يالبنات هذا الواقع المرير اللي بسبب عيال السعوديه أو بالأخص عيال الرياض نجد بالتحديد
مشكله اذا هم ينتظرون حنان واحترام من المرأه ولا يقدمون شي أبد في وحده نعرفها متزوجه نجدي وعايش طول حياته بنجد تصدقون أنه شاري كفنها ويدور على ناس يغسلونها وهي مابعد ماتت وبعد مااشترى لها الكفن كرها فيها وعشان يبين لها هالشي ماتت الله يرحمها بعد خمسة سنين ماادري تتوقعون هذا أنسان ؟؟ كل صفات الأنسانسه موجوده فيه ؟؟ ان كان كذا كيف تقدرون تفسرون لي هالتصرف البشع

يكفي أنهم ان كانوا بمجلس واحد وبالغلط طلع أسم بنت أخت أو زوجه أو غيرها يقول (الله يكرمكم ) وليه اها الدرجه وصل استقلال شأن البنت ياجماااعه ماابيكم تقولون هذولي أهلنا أو محيطي لا أنا أتكلم عن اغلب وأكثر وعامة الناس يمكن خمسه وتسعين بالميه من عيال الرياض فيهم الصفه هذي
ايش السبب ؟؟؟ هذا انا اسميه غباء عاطفي ليه تحرقون مشاعر البنت لها الدرجه تحتقرونها

وواحد ثاني متزوج زوجته وطلقها من بعد خمسة أيام يقول أتها كل يوم تنزل دموعها ... عن جد هذولي ناس ول ايش ليه القساوه مع التعامل مع البنت ؟؟

اما ولد الشرقيه حاول يرضيها الا أن رضت وعاشوا أحلى وأحلى عيشه

وواحد غيره كل يوم يصبح ويمسي زوجته بكف ويروح يغازل بنات الناس بالشوارع ... عارفين بنات الرياض وهذي عن نفسي أقولها أغلبهم يتمنون يتزوجون أي ولد لكن من الشرقيه أو لغربيه ويبعدون عن عيااال الريااض
تمام البعد

يكفي القصص الواقعيه اللي نقراها عنهم وكيف أسلوبهم مع أخواتهم او زوجاتهم ... هذي تكفي عشان تعرف قساوتهم أنا اشك ان القلوب قلوب عاديه هذولي قلوبهم صخخر

هذي وحده ثانيه كانت توها متزوجه( حساوي ) يعني من الشرقيه راحت للجامعه طبعا في الرياض ويوم كانت تنتظر زوجها متى بيجيها أول ماوصل نزل من السياره وشال لها الشنطه

جا اليوم الثاني البنات كلهم مسكوها وسألوها عن زوجها لأنهم يحسبون له أصل مب سعودي أو امه اجنبيه أو ساكن بررا كانوا مستغربين يزعمون ان هالحركات ولاحظو ان الولد مجرد بس شل شنطتها ونزل من السياره صار أسمه الرومانسي أنتشر في كل الجامعه عارفين ليه لأنهم ماتعودوا على الحب من الرجال ماغير استحقار واستصغار


عموما أنا للحين مااتكلم عن العامه فيهم وفيهم بس الأغلبيه كذا

اما عيال الشرقيه قممه في الأحساس الذوق الروعه والله أنه لما يتزوج يحط زوجته فوق راسه ... أخته هذي يعاملها ملكه في البيت صدقوني هذي تجربه وانا شايفتها انا اعرف ناس من اهل الشرقيه واللي من الرياض الصراحه تلمست فررق فرق كبير ... ذووق وروعه واخلاق عاليه تقدير واحترام ... اما عيال الرياض الواحد منهم أساسي لازم يكون مغازلجي ول يخلي زوجته مثل النعال برجوله.. يكفي أن حالات الطلاق أكثرها في الرياض
(
لا تفكرون أني أبي اسوي ضججه هنا أو بس عشان أنتشر في المنتدى أو اني بس ابي أسب لكن هذي تجربه شخصيه وأنا مريت فيها .. سامحني ان كنت من أهل نجد لكن أعيد أنا أقصد أغلب واكثر من الشباب

الصراحه أنا وكثير كثير كثير من البنات يرفضون الزواج من عيال الرياض لأن الصراحه اهم خربو أنفسهم بنفسهم وحرام البنت هي اللي تاكلها كل يوم

كان المفروظ الألتزام بأخلاق النبي وهو يتعامل مع زوجاته شوي يااخذ من أداب الاسلام ..............

وحاولوا شوي تبررون هالتصرفات مدري أنا الحساسه ول الأولاد قاسين تكفون أبي تفاعل لأني أكتب الموضوع كللي قهر

سامحوني ان كنت كتبت كلام يزعل لاكن والله يعلم وش كثر في قلبي قهر