هاتين القصيدتين للشاعر والصقار بدر الحويفي الحربي :
[align=center][poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
:واطيري اللي لأبرق الريش جذاب = بالقاع وان طارت يخيب تعبها
لا شافهن في جانب الروض ما هاب = حول على اللي نفضت له غلبها
بالكف ما يكفخ وللصيد قصاب = كم خارمٍ منه أقرشت لا ضربها
غدى وأنا اومي له على راس مرقاب = طلعه ورى برقا بعيدٍ طلبها
بيني وبينه زولت قور واهضاب = هف وهفا بأرضٍ قليل عربها
ونخيت صدقاني عريبين الأنساب = وكلٍ تحيزم وأستعد لطلبها
وراحوا على الحروة يرمّون الأسباب = في ديرةٍ بالقيض تابس اقربها
وجوني وعزوني عن الطير حطاب = وأستقنعت نفسي وهون غضبها
قالوا لقينا جثته بين الأطناب = تلعب به الورعان جملة لعبها
لا جاء القدر مال الفتى عنه مجناب = يا ما فجع ناسٍ وناسٍ نكبها
وياما خذا طيرٍ تدرايه الأجناب = وإلا الطيور تموت ماحدٍ حسبها
مثل ( الخريشا ) وأبن حثلين ( عقاب ) = لا طار عن بيض المفارع سلبها
يوم الفعول برمح وسيوف وحراب = ومشوكٍ يشظى العظام وعصبها
هاذي علومي ياعزيزين الأصحاب = في طيرتي واللي جرى من سببها[/poem][/align]
[align=right][align=center]وقال :[/align][/align][align=center][poem=font="Simplified Arabic,4,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابو فهد قلبي تقل فيه لحام = كنه براس التاج تكوى عروقه
بأسباب طيرٍ مات والناس صيام = بآخر شهر تسعه طوينا سبوقه
النادر اللي يعجب العين لاحام = يا زين تنجيمه وما احلى خفوقه
صيروم لا حول على الخرب جزام = وان طار وأقفى عن نويه يعوقه
عزالله اني ضايقٍ عقب غنام = ألحق على القلب المولع حروقه
ان ماحصل لي سجةٍ مثلي العام = آخذ بها بين الصقاقير روقه
لا كان مدري عن مقادير الأيام = يالله عسى حظي تساعف وفوقه
انا غرامي شقة النور مجهام = الفجر لا أقفى الليل نوره يسوقه
لا طاب نوم اللي ليا نام ماقام = أكبر ضحى ياكل غداه وريوقه
يسهر على البيلوت وفنون الأنغام = وكشف البروق اللامعه مايشوقه
مالايعه لكم الصحاري بالأقدام = ولا أحفت ذعاذيع الهبايب رموقه
ماهو بمثلي بين عال ولوام = من شان نفسي للصقاره عشوقه
قلبي لشرسات القرانيس مريام = اللي لهن بيض الدواغر علوقه
هذا غرامي لو تجي لي بالأولام = مالي هدف وش باع وشلون سوقه
اليا قطعت ( البتر ) وعروق ( لزام ) = ضاعت همومٍ بالضمير مخنوقه
في ديرة مابه مزارع ومرسام = بين ( الخرم ) ? ( الهوج ) ? ( شعاف لوقه )
مع ربعةٍ نقوة شغاميم وحشام = وخويهم يحشم ويعطى حقوقه
كل ابلجٍ يعجب مقامه إلى قام = مستارثٍ طيب النبا من عموقه
ماهو لغاويٍ ولا هو بشتام = صدره وسيع وزين الأخلاق ذوقه[/poem][/align]
[align=right]منقــــــووول[/align]
[align=right][align=center]مع كــــل التقديـــــررر[/align][/align]
مواقع النشر (المفضلة)