ومنكم نستفيد ياأعضاء المنتدى
[align=center] ان معظم ما اكتبه بمواضيعي كتصرفات قمت بها مجرد خيال
لا يمت للحقيقه بصله واللي خلاصتها اقروا مواضيعي واضحكوا وانبسطوا وتشمتوا في المواقف اللي صرت فيها ادشر منكم
واستغفروا عن المواقف اللي كنت فيها اعقل منكم وأسألوا انفسكم مع كل موضوع تقرونه لي او لأي كاتب مثلي ..
هل هذا الشخص اللي تبي تكون حياتك على شكله ميه بالميه ؟؟ لو كانت الاجابه بنعم ياليتك ترسل لي رساله خاصه واوعدك
اني راح اوصلك لمستشفى الصحة النفسيه ونعالجك بمنتهى السريه وبدون ما يدري اي احد حتى ابوك وامك
اما لو كانت الاجابه بنعم جزئيا فقط فأقول لك خل الجزء هذا محصور في لحظات القراءه والضحك والخيال وبس ..
لو كانت الاجابه بلأ فمواضيعي ومواضيع امثالي اللي غير مناسبه لك ..
سكر الموضوع وسكر المنتدى كله وشف لك منتدى اسلامي ..
يمكن تكون في يوم من الايان داعيه تساهم في تطوير المجتمع الاسلامي من الدعاة اللي نحبهم ونتمنى لهم التوفيق ونغبطهم على ماهم فيه
ونتمنى اننا في يوم نساهم ولو بواحد بالميه ويكون لك دور بالمجتمع.
.................................................. .
السؤال يقول..
ليه احنا يالمواطنين السعوديين تفكيرنا بايخ ومواضعينا كلها بايخها وردودننا بايخة ومالها داعي..
يعني ماكثر الله من منتديات النت.. وكل كلامنا فيها سواليف وهذرة مالها داعي..
ليش كل المنتديات متشابهة بالمواضيع والافكار..ليش مافيه مواضيع
تهدف لـ((شيء ماا..))<<هذي تعبت عليها
هل فعلا مثل مايقولون عنا ان احنا شعب ماله داعي..
طيب ولاتزعلون.. انا اتكلم عن نفسي انا وبس..
(( ليه انا مخي مليان بكلام فاضي...
و فاضي من الكلام المليان ...))
طيب ممكن تقول / تقولين لي.. انت وش تفكر فيه..
اقصد وش هي الاشياء اللي يفكر فيها الناس هناا..؟
تصدقون من زود ما اني فاضي ومخي فاضي مثلي..
ماني عارف كيف اصيغ السؤال..
اللي فهم شي يجاوب..
واللي مافهم يكفي أنه أكتشف ميزة جديدة بمخه هذا اذا ماكان عارفها من أول.
سي يوو
فآآهـد[/align]
مواقع النشر (المفضلة)