كـم ÷2

[بدر العياضي]

[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=0 line=1 align=center use=ex num="0,black"]
كم واحد نومه من العين طارا=عانق همومه والجفن حارب النوم
يسهر وفي قلبه هموم تبارا=وكنه وحيد بالخلا ماله عزوم
والقلب مّل الصبر وجاه إنشطارا=ولاأحد يلوم القلب لاصار مثلوم
لاجاه ولامنصب ولاله عبارا=نجمه حدر وبالوقت ضايق ومهموم
الطيب الازرق والدلال السطارا=في مجلسه والضيف يكرم ومحشوم
وإذا تكلم دّر لولو ومحارا=جزل السوالف ذرب وافي وشغموم
مال الدهر والحال جاه إنكسارا=حظه تردى واليالي به تهوم
ولا هان نفسه عزّها بالجبارا=وبجبلته طير علا وأعلتى الحوم
خايف يبان الحال بوضح النهارا=ويفرح بها اللي بالردى صار زيزوم
وكم واحد بالنوم كنه مغارا=فضيخ قلب وبمرقده فّرخ البوم
خبل بمنطوقه وفعله خسارا=وبسوق سقط القوم صافي له السوم
صفت له الدنيا وفي كل دارا=تلقاه في صدر المجالس له علوم
كنه " ذياب الخيل " دون البكارا=أو حاتم اللي بسفرته تبرك الكوم
يقول حزت من المراجل كثارا=ونجمي علا ولاضن فوقي ولانجوم
وأن جاء نهار الكون وعج الغبارا=افعل فعول الزير والخصم مهزوم
هذا الزمان اللي يغبن الخيارا=اللي لهم مجد وتماجيد وسلوم
اللي عطو الجار حسن الجوارا=زحول الرجال اللي مجد معلوم
" وياليت بوجيه الرجال الغيارا=شاره تميّزهم على جملة الرخوم [/poem]



الشاعر- بدر العياضي

[عميق الجرح]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذا الزمـان اللـي يغبـن الخيـارا = اللي لهـم مجـد وتماجيـد وسلـوم[/poem]


الله الله عليــك اخوي بدر...

صح الله لســـــــانك..


قصيــده جزله من شاعر مبــدع.. تقبـــــل اعجابي لما تكــــب..

بالنسبه للبيت اللي قبل الاخير...

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اللي عطو الجـار حسـن الجـوارا = زحول الرجال اللـي مجـد معلـوم[/poem]

الشطر الثاني ممكن يكون فيه كلمه ( لهم ) بعد زحول الرجال اللي..؟؟؟ مجد معلوم وسقطت سهوا..

تحيـــــــــــــاتي لـك...

القنيـــــــص

[الحوراء بنت نجد]

بدر العياضي


قصيده رائعه وحضور بتألق عبر هذه المذكرة السخية


بهذه المشاعر التي ترتقي لروح الشفافيه---


همسة لك يابدر-- من شروط همس القوافي أن يضع الشاعر


أسمه بداية أو نهاية قصيدته منوهآ بنسبهاااا له وحين لانجد


هذا تنقل لقسم همس القوافي للقصائد المنقوله هنا في همس القوافي


ينشر الشعراء قصائدهم من بوحهم الخاص----


أنتظر أفادتك وسأقوم بالدخول وتدوين أسمك حال ردك--


أعتذر لعدم أبلاغك عن طريق الرسائل لعدم بلوغ مشاركاتك 100


مشاركه---


هلابك بيننا وننتظر تواصلك----



الحوراء-بنت نجد

[بدر العياضي]

الأخ العزيز / عميق الجرح



صح بدنك ولا هنت يالغلا على الإشادة الرائعه اما بخصوص كلمة " لهم " ففعلاً سقطت

مني واكرر شكري لك على التنبيه .... ودمت متألقاً




الأخت الفاضله / الحوراء


صح بدنك ولا هنتِ وشكرا على كلامك الرائع اما بخصوص من تنسب له القصيدة

فهي بالطبع من بوحي اما سبب في عدم ذكر إسمي قبل كتابة القصيدة

فقد تعودت إذا كانت القصيدة ليست لي أقول من باب الحق الأدبي " منقوله "

أما إذا كانت القصيدة لي فلا أذكر ذلك

عموماً شكراً على التنبيه .. ودمتـِ مبدعه

[غازي]

الشاعر القدير بدر

اجزلت في هذه الرائعه

وابدعت بها

صح لسانك اخوي

تحياتي لك