تعاااااااااااااال .. يمديك تمحي كل زلاتك
[align=center][poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا طول صبري عليك وكثر غلطاتك=
ويا قو قلبك على هجراني وصدي
ياليت قلبي يعرف يسوي سواتك=
وياليت عيني تطيع لقولتي ,, لدي
مع ان عيني نظرها شوف نظراتك=
لكنْ قد لي سنه ماني بمتقدي
ومع ان نبضات قلبي لاجل نبضاتك=
خليت قلبي يجيب اشواق ويودي
ومع انك تعرف وش يعني لي سكاتك=
سكت ,, كنّك معاند لي ومتحدي
حتى على اذني بخلت بحس همساتك=
ما تسمع الا صدى دمعي على خدي
بخلت بمواجهك وبهمس كلماتك=
وخليتني للهموم وبيّحت سدي
خلتني اشك في حبك وفي ذاتك=
وخلتني ارجع ورى من كنت متعدي
لكنها وضحت لي ويش نياتك=
وخلتني اعرف غلاي بقلبك و ودي
لو كنت غالي ؟ ما صرت آخر عباراتك=
اللي تسولف بها من باب .. شف ردي
ولو كان لي ود ؟ ما قصرت خطواتك=
واصبحت تمشي ثلاث امتار وتهدي
وقفّيت وانا ارقبك وارجي تلفاتك=
واخفيت زولك وانا خدي على يدي
ومن كثر ماني بسامح كل هفواتك=
اقول: أزمه تمر شوي وتعدي
لكنك تحدني وتزيد سياتك=
وحديتني لين ما وصلتني حدي
والله ما كان لي نيّة مجازاتك=
لكن تعال ونبيّن مدك ومدي
راجع حساباتي وراجع حساباتك=
واهدى وركز وميّز مزحي و جدي
انا موفّي غلاك وكسب مرضاتك=
والا انت مخطي .. ومتردي .. ومتردي
كنك تباهي بظلمك واعتدائاتك=
وكنك تقول اذبحه واحييه .. من قدي؟
وكنك تجاهلني لتحقيق رغباتك=
مع انك تعرف ابوي وخالي وجدي
وانا بعد كل ما جا من حكاياتك=
ماعاد عندي مجال اعيد لك عدي
هذي ملفاتي وهذي ملفاتك=
وبروح ما قلت ميد اوراقي اسوّدي
صحيح احبك .. وعمري رهن لحظاتك=
لكن تماديت في بنياني وهدي
انا انتهى وقتي وذي كلمه وجاتك=
والا انت لا صرت تبغي وقتك يمدي؟؟
تعااااااال .. يمديك تمحي كل زلاتك=
صحيح قفّيت لكن ما هو بودي
بوقف شوي ,, والحق كل ما فاتك=
والا تراني نويت اروح من جدي [/poem][/align]
[align=center]للشاعر مبارك ال خليفه[/align]
[align=center]لكم مني كل التقديررر[/align]
رد مع اقتباس
مواقع النشر (المفضلة)