مساكم الله بالخير حبايب البي ومساكم الله بالخيرات حبيبات البي ,,, بصراحه احس اني مبطي عنكم فلذلك اكيد وحشتكم
<<< وااااثق مسوي يعرفونه :)
مانبي نطوّل في المقدمات ونبي ندخل بالموضوع على طول :
الحظ الردي ؟؟؟ اسم يرتبط فيني كثير ..... يعني ماينذكر الحظ الردي الا ويحطون جنبه رماد
تصدقون ياجماعة الخير من شين حظي لو ألعب في المنتخب واسجل هدف ؟؟ صدقوني لو ينعاد بالحركه البطيئه راح يضيع خخخخخخخـ . ماعلينا
مره كنت ماشي في احدى البراحات القريبه من بيتنا وتعرفون الواحد لازم وهو ماشي يشوت اي شي يمر من عنده عشان كذا كنت اشوت اي شي توصله رجلي ومادريت الا وانا اشوت قوطي صلصه مصدّي !! فجأه طلع لي ذاك (( المارد )) لا ومن شين الطبايع أحول خخخخخخخخخخـ المهم طلع وجلس يحب يدي ويقول الله يخليك يارماد ياخي انقذت حياتي صار لي عشرين سنه في ذا القوطي وربي ريحتي عرق وخياس وتخيل من عشرين سنه ماحلقت الدقن ولا غيرت ملابسي انا بصراحه طرت بالعجه وحسيت اني لي قيمه بالمجتمع لاني انقذت حياة جنّي مضطهد ومحبوس من عشرين سنه ... بس اللي قاهرني انه أحول يعني ليته طلع جنّي وسيم على الاقل الواحد يكحل عيونه .
المهم جلست اشكي له حالي وردا حظي واني منحوس ويين ما اطقها عوجا وفضفضت عن همومي لين دمعت عيونه المسكين
<< يكسر الخاطر
الجنّي طق على صدره وقال من اليوم ورايح ودّع حياة البؤس وماراح تشوف الا الخير وانا راح اخدمك واصير بين يديك تطلب وانا البي لك .... تشققت من الفرحه وحسيت ان المعاناة انتهت وانفتحت لي ابوب الهنا ( الهنا ولا مياه القصيم ) قال اطلب يارماد انت انقذت حياتي وانا ما اقدر اوفيك حقك ........ انا سويت فيها عزيز نفس قلت ياالغالي مايحتاج وانا سويت الشي هذا لله وما اطلب منك رد للجميل قال اقول اطلب لا العن جدفك وعطاني كف على علباتي طارت طاقيتي قلت خلاص مالها داعي تمد يدك بطلب بس اصبر لين افكر
قلت ابي قصر اسكن فيه تعرف الحين الاحوال صعبه ومابي منك غير ذا القصر !! قالي قل قـ ( يعني قل قسم ) قلت قسم ابي قصر
<< على نياته
قال ماتبيني اسكنك بالبيت الابيض بعد ياوسيع الوجه ... لو عندي قصر ماشفتني متلحط في قوطي صلصه
-=-=-=-=-=-=-=(( فاصل إعلاني ))=-=-=-=-=-=-=-=-=-=-
عزيزي الكاشت !! اذا كنت كاشت بالبر انت واهلك وبزارينك لاتحطون قراطيسكم بالارض وتخلونهن وتوسخون الارض الله ابو من جمعكم ..... اذا قضيتو كاشتين ضفّو قراطيسكم وحطوهن بالزباله وخصوصا حفايظ بزرانكم لاتنسونهن .
مع تحيات : شركة الاتصالات والصرف الصحي .
-=-=-=-=-=-=-=-=-=-=-=-=-=-=-=-=-=-=-=-=-=-=-=-
نرجع للموضوع الاساسي .. قلت القصر مانفع اطلب طلب ثاني يمكن ذا الاحول يقدر عليه .. قلت ابيك تخليني حلو والبنات اذا شافوني خقوو وطاحو جنبي ...... قال معليش انت شين ووجهك مايأهل يصير وجه واحد حلو مهما سوينا من عمليات تجميل .... قلت طيب نشوف غيره !! قلت وش رايك ياعزيزي ( طقيت على كتفه مسوي امون ) وش رايك تعطيني فلوس ؟؟؟؟
قال يارماد والله مامعي حق الدخان وثيابي بالمغسله من عشرين سنه ماقدرت اطلعها وجوالي استقبال والحاله حاله .... الجنّي طاح بحظني وقام يصيح وانا بصراحه رحمته .... قلت بنفسي وش الحظ اللي طيحني بجنّي طفران ( اللهم لا اعتراض ) يوم خلص صياح مديت يدي على جيبي واذكر معي خمس تريل ( خمسه ريال ) متعفطه وصار لونها اخضر من كثر ماخاست بجيبي وعطيتها اياه وقلت مش حالك بالخمسه هذي لين الله يفرجها .
<<< الله يخليك ذخر للمساكين ياشيخ
المهم الجنّي حس انه مقصر معي وماقدر يسويلي شي يسعدني وانا كل شوي اتحطم ومع كل لحظه تمر مع ذا الجنّي يزيد همّي واتأكد ان النحس ملازمني وين ماروح ...... قال الجني يارماد اطلب عزّك ياسنايدي رقبتي سدّاده !!! قلت سدّاده حطها بالبانيو ولاتجي تسويلي جنّي ومحد قدّك وانت طفران وقبل شوي معطيك خمسه ريال
<<< الله ابوك تبي تذلّه
قال لا يارماد المره هذي جد والله وعد مني البي لك اللي تبي بس اطلب طلب معقول .... قلت اوكي وجلست افكر وانخجر إذني بالمفتاح ( انخجر = ادخل مفتاح السياره بإذني ) لين ماطلع براسي فكره
قلت ابيك تحطني بين شلّة بنات واكون انا الذكر الوحيد فيهم
<< خبيث
قال بس !!! هي سهله ومقدور عليها عطني ربع ساعه بس اروح ادوّر لك استراحه فيها بنات ومالك الا اخليك معهم .... وان بغيت تطب معهم بالمسبح بعد ترا من عيوني .. قلت تسلم عيونك يا حول اخلص شف لي استراحه ولايكثر
<<< بعد الخمسه ريال صار ينفخ وطلع له لسان
المهم الجنّي راح للثمامه يشوف الاستراحات وانا جالس على بلكه بالبراحه احتريه يجي ويجيب معه الخبر اليقين .
خمس دقايق الا والجنّي عندي يقول ابشررمادولا بلاش وقمت احب راسه واقول الله يخليك اخيرا بشوف بنات على الطبيعه ومن غير اي حواجز
<<< ماقد شاف بنات الا بكتاب العلوم رابع ابتدائي صفحة اربع طعش .
قال اركب يارماد اوصلك الاستراحه ومار اطمر في ظهره وانا مفهي وفاتح فمي وسعابيلي تقاطر لاني بيني وبينكم والكلام للجميع يعني انا شين وماتتقبلني اي بنت فما بالك بـ120 مره وحده ......... المهم دقيقه ومادريت الا انا في مكان مظلم وما اشوف الا سواد قلت ياالغالي انت جايبني مصنع ميشلان للكفرات ؟؟ قال هذي الاستراحه طب وتخير من هالبنات قلت ياحبيبي هذولي تسميهن بنات .... خوياي بالاستراحه اصرف منهم
<< يتكلم وهو يصيح ماتوقع ان فيه بنات بالشكل هذا
الجني جايبني في استراحه وفيها حفلة عيد ميلاد بنت السفير السنغالي وطبعا المعازيم كلهم من نفس الفصيله يعني تكرونيات....
مسكت الجني على جنب وقلت عطني الخمسه لا العن جدفك هنا وامسح فيك بلاط الاستراحه ....... هذا اللي الله قدرك عليه جايبني في حفلة تكرونيات ..
أخذت الجني ورحت للبراحه ورجعته لقوطي الصلصه هع هع هع جزاء له وردعا لامثاله
وقتها بس عرفت وتأكدت وبصمت بالتسعه ( عندي اصبع مقطوع ) ان حظي نحس ويكفيكم اني مولود يوم السبت الساعه 2.30 الظهر ومن شين الطبايع ولاده قيصريه .
مواقع النشر (المفضلة)