البارحه ليلي هموم وكوابيس
البارحـة ليلـي همـوم وكوابيـس
وأبعد من الجـوزاء علـي الوناسـه
ما غير أنا والليل والثالـث إبليـس
كلـن علـى الثانـي يبيلـه رئاسـه
مدري ظروف أوحب وألا هواجيـس
وألا الثلاثـة كلهـن فـوق راســه
أو أن عقلي صايـرن فيـه تنكيـس
وللعقل في بعـض الأمـور أنتكاسـه
يا لايمي لا تلومني قبل مـا تقيـس
واللـوم للميـس يــزود بيـاسـه
والشمت طبـع للرجـال الهلابيـس
أهـل الهـدف والنمنمـة والبلاسـه
وأنا معي عقل ومشاعر وأحاسيـس
وعيون وأخـلاق وقلـب وشراسـه
لكن حصلي فـي زمانـي عواكيـس
وعجزت هذا الوقت لعـرف لناسـه
هـذا يمـوهـا بـهـرج تمالـيـس
وهـذا تجاهلهـا عنـاد وخسـاسـه
وهـذا يغـرك مظهـره بالملابيـس
وهذاك يلبس لبس مـا هـو لباسـه
وهذا تذعذع له هبـوب النسانيـس
وهـذاك تقـل مغمغملـه بطـاسـه
وليا حصلك مـن زمانـك كعاميـس
أصبـر وللصبـر الجميـل أنعكاسـه
تدرسك دنيـاك مـن دون تدريـس
ما هو لـزوم أنـك تـدرس دراسـه
وللناس بالدنيا خصـوص وقواميـس
اللي غـرف بـدرام واللـي بكاسـه
وناس تهجس في غثى الوقت تهجيس
ونـاس تسايسهـا وتاتـي سياسـه
وناس تبي عرش مثل عرش بلقيس
وناس تبي لو يـوم فرقـا التعاسـه
وترى الردي لوفيك سوى نواميـس
ينقد على نفسـه ويرجـع لساسـه
قنعت وأقنعنـي كتـاب الوساويـس
لكن عقب ما صرت شيـك الفلاسـه
تك تك
منقووول
رد مع اقتباس
مواقع النشر (المفضلة)