[poem=font="Simplified Arabic,4,white,normal,normal" bkcolor="black" bkimage="" border="outset,4,white" type=1 line=0 align=center use=ex num="0,black"]
من شم ريح العشب زين النواويـر=يطري عليه اللي مضى من شبابـه
وشوف الخيول المسرجه والمظاهير=يجـض قلبـه ويتزايـد عذابـه!!
قبايـلٍ تشبـه لا بانـات والنِّيـر=بين الكرم هو والظفـر والحبابـه
يا صبرهم وقت السنين المعاسيـر=من سَمع له سرٍ سكت ما حكى به
أقولها تعبيـر يـا اهـل التفاكيـر=عن شي مضى شفناه لا واسفابـه
يا زين شب النار قْـدْم المساييـر=في وسـط قفـرٍ علّلتـه السَّحابـه
والشعر يعرض للرجـال المناعيـر=من قال: له قولٍ : على النار جابـه
في بيت قرمٍ ما يهـاب المخاسيـر=لا علّـق الهرفـي وشمَّـر ثيابـه
بيت الشَّعر ملفى الوجيه المسافيـر=بيـت تثبـت فـي حبالـه قطابـه
ذولا مسانـيـدٍ وذولا مـحـاديـر=ومن قال: أبا أمشي زودّواله زهابه
هذا الكرم.. ما هو نْفـاقٍ وتبذيـر=الفرق واضح ما يصيـر مْتشابـه [/poem]
الشاعر الكبير : ناصر بن محمد السياري الخالدي
يازين ايام الربيع
مواقع النشر (المفضلة)