السلام عليكم وحبيت انقل هالقصيدة لكم
واهداء للجميع عموم وخاااااص لكذى شخص
لاني صرت خبرة (((دكتور نفساني))) صراحة صرت كل عضو هنا من
مواضبعه وردوده اعرف اذا هو متضايق ولا لا طبعا انا اذا مازدت الضيقه
ماراح اشيلها ههههههههههه بس صرت ارد على حسب حالته (((فيلسوف)))
وفيه بعض الاعضاء احب اشد عليهم بالردود واحاول ارخي شوي
فا اهداء لكم
ارحــــم شـــعورٍ قــــال تـكفى دخـيلك..؟؟؟؟
لاتـحسـب إنــي قــاطـعٍ فــيك مـابيك *** ولا تـــحسب إن العين عـــيت تشيلـك
لا تترك اللـي بـالهــوى دوم يـرجــيك *** ولا لا تــــهينه يـوم أصـبــح ذليــــلك
أبيــك تـذكرنـي وأبــي مـنك وأعطيك *** وش لـــي سوالف غـير قلبــي عميلك
جــرّحـت قــلبٍ عــاشقٍ كـل مــا فيك *** وبـــــكيت عينٍ مـا رضت فــي بديلك
وشـــوّقت روحٍٍ أجبرتنـي أسميــــــك *** ريـــــم الغلا ياصـاحبي هو سـمـي لك
صدقني يا عمري تـرى القلب شاريك *** والـــروح ما أذكر قـــد خذاها مـثيـلك
هــي حكمـةٍ يـوم إنــي أبـعد وأخليــك *** أبغـــى عيـون الناس تــركـد وأجـيـلك
الجــرح يـنزف والــزمـن واقـفٍ فيك *** والــــعين تــدمــع وهـمّهـا شـدّ حـيـلك
يــا مــا تـمنى خــافقـي حـيل يــغليــك *** ارحــــم شـــعورٍ قــــال تـكفى دخـيلك
تـــجهل كـلام الــناس وأبـغى أوريـك *** كلـــمــة عــذولٍ قال يــــا صعب نيـلك
ما قدر علــى بــعدك ومـا قـدر أعنيك *** بـصبـر على هجرك ولـــو طال ويـلك
والـعاذل اللـي مــــن سمعني أنـاديــك *** ســــوى زمان وجيل مــــاهوب جيـلك
يـشهد لك الخفاق وتـــــشهد مــواطيك *** ويــــشهد زمـانٍ راح كـــــمّل جميــلك
ارجع ورجّـح كــــــفّة الـعشق يـمديك *** كـفّه تـــبي وزنـك وتِــــظـهــر دلـــيلك
اذكـر عـــذابـــي والشقـا يـوم يـبكيـك *** طــــوّلتها يـــــا عزوتي وطـــال لـيـلك
أبـغى نــهايـــــة لقصتي ولــيه أبدّيـك *** متـــى تجيني بشوق ويصفــــى سبيــلك
الوقـت لو يسمـــح أنتهي منك وأنهيك *** كــان انزعك من داخلــي وش يـبـيــلك
خلاص ماعاد أظنــي ارجع وأناجيك *** ارحـل وسـافر صــار عــادي رحيــلك
ابــعد عــن عيوني ومـــاا بغى أباريك *** وانـــــسى بـزمــانك يــوم إنــي زميـلك
لا عــاد تـذكرني ولا عـــــاد ابطريك *** واتــــرك همـوم الــكون واحمـل قليـلك
خـل الهوى لأيـام عاشـت بمــــاضيك *** مــا للـــفرح عنـدي مـــكان ويــعنيــلك
ويــمكن أنا أشتاق وأرجـــــع أواسيك *** وادمــــح خـطــاك واقـبـلـه بتـــعليـــلك
خــلاص أحبـك ولا تـفكر أعــــاديـك *** بــانســـــى الـزعل كلـه وأرجع خلــيلك
لا تــحسب إنـي قـاطـعٍ فــــيك أسلّيك *** اصـــبِر، عـيون النـاس تــركد وأجـيلك
وسلامتكم
مواقع النشر (المفضلة)