*+*►♥ نـــرجــسـيـــآتـ (1)♥◄*+*
......
انا انسان متألم قصدي متأمل .. ودايم افكر بكل شي مهما كان تافه واحس اني لو اخذ نفس الفرصه اللي خذاها علي يزيد لاعب النصر .. قسم بالله اني لاصير شي في هذا البلد المعطاء .
يمكن تقولون عني مجنون .. او حقير .. او اهبل .. او دمث << له اربع سنوات وهو يحسبها سبه .
لكن انا اتحداكم اذا فيه احد منكم قد فكر في الاشياء اللي افكر فيها .. خذوا على سبيل المثال :
1-ليش مدرس التوحيد والفقه والقران نسميه مدرس دين ... وليش ما نسمي مدرس الفيزيا والرياضيات مدرس دنيا .
2-قالولنا في الفيزيا ان الاشياء الصلبه تتقلص بالبروده وتتمدد بالحراره .. طيب ليش شارع الستين في البرد ما يصير اسمه شارع تسعه وخمسين .. وفي الحر يصير شارع واحد وستين .. ومنطقياً المفروض المشوار من البيت للدوام يزيد في الحر عشر دقايق وفي البرد العكس !!!
3-وليش القصمان يقولون كورك وما يقولون كورتك .... وركبك ولا يقولون ركبتك .. يعني ليش يعاملون التاء معاملة اللام الشمسيه اللي تكتب ولا تنطق ..!!
4-ليش النساء ( الحريم للناطقين بلغة الضاد ) يحبون الاشياء الحامضه مثل ورق العنب والمخلل والبدنجان وبابا سنفور مدري بابا غنوج...(طبعاً ماهي خويتنا سنفوورة)) والدراق << والله ما دري وشو الدراق بس يقولون انه اذا صار في أي موضوع يخلي اضافات الماسنجر تدهر !!
5-الحين لو نبي نختار مكان مثل العليا..و تصير شرق الرياض والنسيم يصير شمال الرياض ... تروها ماهنا باسهل منها .. ندق لطمه الساعه ثتنين بالليل ونروح نسرق اللوحه اللي مكتوب عليها ( شارع العليا هنا يسكن البطرانون والبنات اللي ما يعطون وجه ) ونرزها في النسيم .. وناخذ اللوحه اللي مكتوب عليها ( ابك حي النسيم الداخل مفقود والخارج مولود يــاااااااوك) ونرزها في العليا ... ولما يصحون حقين البلديه في الصبح نحلف لهم اننا ما شفنا شي ( بس لازم نلبس دسوس قبل لا نشيل اللوحه على شان البصمات ),
على فكره .. العيال في الاستراحه دايم يقولون لي انت المخ حقنا .. حنا من دونك زلايب وجحلط ...وفي رواية ..دشير... وحنا ما نسوى يورو .......... يحلفون اخوياه لو يشوفون اليورو كان يرشون( بف باف الأخضر ).!!
على سيرة اليورو واسعار الصرف .. تصدقون مره كان عندنا في الاستراحه اللي جنبنا ناس امريكان ..ويبون يتعلمون اللغه قاموا اقترحوا علينا نعطيهم واحد من الشباب يسهر معاهم ويسولف معهم .. قلنالهم حتى احنا عطونا واحد من اخوياكم يعلمنا انجليزي .. قالوا لنا معصي مشوا خششكم << تصدقون قالوها بالانجليزي ( تيرن اوف يور فيس ) !!
قلنا لهم وليه !!!!!
قالوا احنا نعطيكم واحد وانتوا تعطونا 3.75 !!!!!!
يعني الامركي الواحد يساوي 3.75 سعودي ... يعني ثلاثه سعوديين اعمارهم 80 سنه و الرابع عمره 20 سنه !!!!!! << قسم بالله تبطون ما تجيبون هالحسبه !!
على كذا السوريين .. يعطونا مدينة اللاذقيه بكبرها علشان نعطيهم اربعة سعوديين ههههههههه!!!!
هذي اللي يسمونها متلازمة الكرامه وسعر الصرف
مشكلتي في هذي الحياه الفانيه
زي ماقلتلكم افكر في اشياء ما تجي في بال احد وبديت كل ما انثر هذي التساؤلات قدام احد يقولي الشرهه على اللي يمشي معك .. !!
حتى تصدقون مره كنت في استراحتنا عند الفحص ( الفحص عند السوريين يعني الاختبار )وبصراحه فعلا كان اختبار وانتوا عارفين ان عندالاختبار يكرم المرء او يهان .... وانا صراحه تعرضت لموقف بس بصراحه ما ادري هو اكرام والا امتهان .. انا بقولكم وانتوا احكموا ...
يوم رحت الاستراحه ذي ومعي العيال اللي يقولون لي انت المخ حقنا .. دخلنا وتعشينا وبديت انا اقولهم كل الافكار اللي قريتوها فوق قبل شوي ( هذا اذا ما كنتوا هجيتوا من الموضوع من بدري ) وشوي الا العيال تغيرت نظراتهم لي وبدوا يمددون رجلينهم .واللي يعط. وانا بصراحه اخذتها بحسن نيه .. لكن يوم جيت امشي لحقني واحد منهم عند سيارتي وعطاني ظرف فيه فلوس وقالي ( هذي قطتك والعيال يقولون لك لا تقاطع ) !!
وبرضه اخذتها بحسن نيه وقلت يمكنهم شارين رجال ويبوني اجي بدون ما ادفع قطه...!!
بس يوم رحت اليوم الثاني وجيت بفتح الباب لقيتهم مغيرين القفل .. ويوم جيت بطب من فوق السور لقيتهم مغيرين السور << ههههههههه قسم بالله انها اعجبتني من جد ههههههه يعني غبي ونصاااب بعد !!؟
اسباب الغربه الفكريه اللي انا فيها
يمكن اني من يوم ما ولدت وانا يبان عليً اني اكبر من سني وكان راسي كبير والوالده تقول عااادي راسك كبير لان عقلك يوزن بلد << ابراي لله هي اللي قالته انا ما جبت شي واذا تبوني احط اللنك والرابط ما عندي مانع !!
عااااااد تصدقون ان كلامها صدق .. كنت اقول اشياء واتصرف تصرفات غريبه ما تمشي مع عمري بس يوم كبرت عرفت ان كل اللي كنت اسويه كان نظريات تو العالم تطلعها يعني انا كنت سابق زمني وعصري .. والدليل ..
اني كنت دايم اذا قالتلي الوالده روح اشتر للشغاله كم ثوب .. كنت دايم اجبلها ثياب شفافه ما ادري ليه !!!
ويوم كبرت عرفت اني كنت امارس اللي يقولوه (الوضوح و الشفافيه ) !!
همن الوالد يجيني ويطبق معي نظرية ( صدام الحضارات )!!!!
بعدها أطلع بالحارة و أرسم خط مجهوول لا إمـتــداد ..(خـارطـة الـطـــريــق ).!!!
الا على سيرة الوالد الله يطول في عمره ودي اسولف لكم عنه شويه ..
تسألوني عن مواصفاته .. اقولكم الطول ..عصبي .. العرض نار ضاويه .. العلامه الفارقه يشيل عجرا !!
نقوله نبشرك نجحنا .. يقول طيب والا تبي ترسبون بعد ..!!
ابشرك عمي جاله ولد .. يقول طيب وش زوده عن القطوه تراها تجيب عيال !!
الشهاده لله مافي جسمي شبر الا وفيه ضربه عصى او مشغة عقال او فلقة حصا .. ايييييييييييييييه ذكريات !!
وبعدين كان فيه ميزه غريبه عن الابوان الثانين .. ما كان يحب يجلدنا الا في الهواء الطلق قدام خلق الله تحسه يتفاعل مع صوت الشعب وهدير الجماهير .. الله يذكر الحارة بالخير .. تدرون انا واخوي ابو كرتونه وشلون حافظين شوارع الحاره .... اذا جا ابو كرتونه يوصف لي شارع وما عرفته قالي ذا ك الشارع اللي ابوي مسك فيه مسكة شد الساقين على شكل اربعه ... تعرف الممر ذاك اقوله وين بالضبط يقول الممر اللي ابوي مسك فيه مسكه مخلبيه .... لا وكله كوم ويوم مسكني مسكه منومه قدام بيت البنت اللي بيني وبينها اشياءُ يا شين ذا الموقف البنت تويق من الشباك وانا ممد على الارض وواحد مصري جنبي يصيح ويقول .. يا قدعان حد منكم فصيلة دمه A+ وفيه عصافير تحوم فوق راسي وتقول صوصوصو << ما يشوف افلام كرتون ابد .. !!
لا وبعدين ابوي اذا جا يلاحقني في الحاره يستخدم اسلوب غريب في المطارده .. يعني ما يتجه لي على طول .. الكذب خيبه انا اللي اعرفه بقوله وشوله الكذب ...!!.. كان يستخدم احداثيات س ص ع .. كيف انا اشرحلكم !!
يعني انا منطلق من النقطه س ومتجه للنقطه ص يقوم ابوي يستنتج وين هدفه المنشوود .. اللي هو أنا..وبدل ما يتجه من النقطه ع اللي هو كامن فيها للنقطه س اللي انا فيها .. يتوجه مباشرةً للنقطه ص .. ونتلاقا انا وياه في مشهد يدل على الترابط الاسري .. بتقولون لي طيب وليه ما تخم ابوك وترجع للنقطه ع اللي كان فيها ابوك وتخليه يتجه للنقطه ص اللي يفكرها هدفك ... اقولكم تلايطوا على شحم بس .. هذا ابوي وما يصير اضحك عليه !! << يحلفون اخر نقطه ص التقينا فيها .. قالولي وانا في المستشفى انها كانت افضل من اللقاء اللي تم بيننا في منتصف ايلول !!
الا على سيرة اخوي ابو كرتونه ... ودي اسولفلكم شوي عن هذا الادمي ... ممكن ... تفضل بس لا تطول ..
اخوي هذا نقدر نسميه تجاوزا .. ادمي من لحم ودم زينا يعني ... بس لو نشيل تجاوزا .. نقدر نقول عنه كائن يشغل حيز من الفراغ لا لون له ولا طعم ولكن له رائحه ... تذكرون( فرويد ) يوم يقول ان بين تحول الانسان من انسان الى قرد يوجد حلقه مفقوده ... احب اطمن فرويد واقوله تراها عندنا في البيت!!
اخوي ذا مكتوب على جبهته .. ( ارعص هنا ) واذا رعصت شوي الاتتقلب عيونه وتطلع لك عبارة ( لا يمكن العثور على ملقم ) !!
وتناظر في عيونه تلقا مكتوب ( غير متصل ) واذا حصل ولقيناها ( متصل ) نستغلها فرصه ونقوله ياخي شغل مخك ..خلني أسويله فرمته يسكت شوي شوي شوي .. همن تطلع عباره بين عيونه مكتوب عليها ( .. لايمكن الوصول الى الصفحه .. للابلاغ عن الموقع الرجاء الاتصال .... ) !!
وطبعا لاننا مواطنين صالحين ولا نحب نخش مواقع تضرنا .. رحنا وبلغنا الشميسي .. وحولونا الى المختبر وطلعت النتيجه التاليه ...
مخ ابو كرتونه غير متوافق مع عام الالفين .. ننصح برميه في سلة المهملات .. وافراغها بعد ذلك !!!
اييييييييه أيام..,
معليش الموضوع قصير لأني مستعجل
سي يو im8
سي يوو
المشاركة الأصلية كتبت بواسطة ريان الشمري
مواقع النشر (المفضلة)