العطلة الصيفية
باقي سبوع وتبتدي عطلة الصيف
والقلـب يبـدا يازميلـي نزيفـه
احدن مصيفه دايمن غاية الكيـف
واحدن مع العسكر شتاه ومصيفه
ايام حسم غياب وايـام توقيـف
اليـا بـلاك الله بخطـو الهديفـه
لايعرف الخوه ولايقري الضيـف
تقل ان وجهه من صخور الحتيفه
هذا مصيف مكتف الحـظ تكتيـف
الـي عليـه الحـظ دار الكتيفـه
حتى على اهلنا جنينا التكاسيـف
ماغيـرو جـو الحيـاه الكليفـه
روتينها مابين كنسـن وتنظيـف
بين اربع الجدران سجن الضعيفه
يوم ان بعض الناس يذكر ولاشيف
يستمتع بشهر العسل مع وليفـه
ينسى التعب ينسى جميع التكاليف
حلمن تحقق للنفـوس الشريفـه
ايامهم تمضي مثل مرت الطيـف
كمـا يمـر بنايـم الليـل طيفـه
ماهو مصيفن نشف الدم تنشيـف
بأول ربيع العمـر يبـدا خريفـه
وابا اختصر لافك بعض المضاريف
قصة حياة أحزان ماهـي طريفـه
منقولة من الشاعر الخال العزيز سعود الحربي
مواقع النشر (المفضلة)