رسالة عاجلة إلى ((كندوليزا رايس))
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا (( كندوليزا رايس )) بنت الصياهين = صباحك الطاعون.. في كل حزه
ماقد كفاك اللي حصل .. في فلسطين = جيتوا على بيروت .. من بعد غزه
اهبو هبيتوا صدق ... لا يالملاعين = جعل الأبر ماتلقى... فيكم.... مغزه
تصريحك الفاشل .. بيمشي على مين؟؟= اللي يدزك نعرف اللي يدزه
بأسم السلام تطبقون القوانين = وانتم عليها النار في وسط جزه
الحكي دايم مايدنس نزيهين = و الدنس يبقى دنس لو يتنزه
ارخصتم ارواح البشر والمسلمين = وهي لها عند الله قدر ومعزه
ديارنا تبكي لموت المصلين = ودياركم تبكي لموت.. الأوزه!!
اذا هدفكم في ديار .... الحرمين = كلن ابريقه ... يغتلي ... فوق قزه
حنا الدواء وصعوطكم ... يالمجانين = واللي تعدا السيف ....راسه يجزه
حنا نبيكم كانكم صدق ناوين = والله أن مايبقى برج إلى نهره
يبقى رجانا في سواعد اهل الدين = وحكامنا فيهم شموخ ٍ وعزه
ان ماحكينا ... فالحكي للنسواين = والعاقل اللي يفهمك لو تخزه
تصريحنا واضح بليا عناوين = حنا أملنا دوم .. تحرير غزه
وباقي على الشاعر يقول لك حرفين = كلمه كتمها من سنين وتحزه
يا (( كندوليزا رايس )) بنت الصياهين = (( ..... )) على صورتك في كل حزه[/poem]
رد مع اقتباس
مواقع النشر (المفضلة)