شوفوا حالتي لما سمعت صوت ناعم
--------------------------------------------------------------------------------
شوفوا حالتي لما سمعت صوت ناعم
________________________________________
مرااحب عليكم
كنت نايم.. وبعالم الأحلام هايم..
مابعرف في شو كنت أحلم
مره احلم اني اسوق سياره..
ومره احلم كنت مضيف طياره..
كان الجو بارد..
وكنت متغطي وشارد..
رن التلفون
وقلت ياترى من يكون؟؟
هذا المزعج هل هو صديق ولا أريب..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..
سمعت صوت ماتوقعته:
ولا في خيالي تخيلته
ولا حتى بحلمي سمعته
انه صوت ناعم يسرق القلوب
ويشفط كل مافي الجيوب
( بنت)
قلت هلا
وقالت اهلين.. شوفوا كل شيء عندهم دبل ؟؟؟؟
نوره موجوده؟؟
قلت وأنا صوتي رايح فيها..
لحظه شوي لأندهلها..
وأعدت أصوت واقول نوره .. يامن نوره يلاقيها..
ورديت للسماعه وقلت مابعرف وين راحت الله يهديها..
بس دقيقة ماعندنا نوره!! شوفوا مدى اللخبطه ظنيت ان عندي اخت ونا مادري ؟
وبادر البنت خوف!!
قالت آسفه غلطانه..
قلت ولا يهمك عادي لا تكوني زعلانه؟؟
مابيهم اذا ماعندنا بالاسم فلانه..
وقالت شكلك كنت نايم..
قلت لا.. هلأ قايم..
قالت تدرس ؟؟
قلت الدراسه خلصناها ..
انتي كأنوا تدرسين؟؟
كيف فحوصاتك ؟؟ إن شاء الله أنكم مرتاحين..
قالت باقي لنا ونخلص يومين
وخايفه والله من مادتين..
قلت من الفحوصات لا تخافين..
باخر الليل تذاكرين..
وعلى الله تعتمدين..
واللي يزرع بطيخ ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين... بدينا في التمليح
. وجلسنا نسولف في أمور..
من شو اسمك الى غلاء المهور..
قالت اسمي (ود) وقلت لها انا أحمد..
وقالت صدفة غريبة اسامينا فيها دال..
تصدق كنت اتمنى يسموني نوال!!
بتصدقي وانا كنت اتمنى يسموني جمال
وجلسنا نسولف في بحور الشعر والموال..
وماهمنا كلام الناس والعذال..
وفجأة خلصت السوالف وما لقينا اللي ينقال؟؟
وسكتنا..
وبدلع..قالت أنت تشجع الكرامة؟؟الاخت سوريه
قلت في قلبي.. مابعرف أجاوبك بكف ولا بنعال..
بالله عليك هذا سؤال؟؟
قلت أنا شبابي.. وما يهمني القيل والقال
هذا الليث هذا حبه وقع في القلب ولا ينشال..
والشمس مايغطيها مشخال..
و تقاتلنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..
قالت.. أحمد..
قلت آمري يا ود..
قالت اوصف لي شكلك..
( جاك العم يتفلسف (
شوفي العرب لونهم واحد
ولسانهم واحد.. واحلف بالله ولا غيره أحد
أني ماني طويل ولا قصير..
شعري ناعم مثل الحرير..
قالت والعيون..
قلت العيون شبرين في ثلاثه اشبار
قالت أسد..
قلت شكرا يا أحلى شهد
المهم انه تواعدنا..
والموعد بكرا في الحديقة قررنا..
بين خوف وامل تواعدنا..
وقضيت ليلتي في حيرة..
شو البس؟؟ جنز ولا طئم رسمي والله حيرة..
مافي غيرها يفك الحيرة.. بنطلون جينز و طائية..
ورجعت للبيت اعاتب امسي وابتسم لغدي..
وبصعوبة نمت.. قعدت اتقلب ..
يا قلبي قلي شو اللي من الحب أهون؟؟
غريبة هالدنيا غريبة..
وراحت ليلتي.. وزادت بلوتي..
اليوم موعدي.. انا والحب بنلتقي..
وفقتفي الاختيار بعد طول الليل قرب النهار
لبست فوق راسي طائيتي..
في مكان اللقاء تغيرت حتى خطوتي..
صرت ارتجف واترنح بمشيتي..
كأنني انساق للموت وهاذي نهايتي..
مو سوالف شجاعة.. هذي اكبر بطولاتي..
اذا خسرت بتضيع احلى امنياتي..
جلست ادور والف وحول المكان اطوف..
وين هديك العين اللي عليها قلبي ملهوف..
ود؟؟ ياليت الناس تجي وتشوف..
وفجاءة.. وهذي هي المفاجئه ؟؟؟
وصلني رسالة ..
تقول..
سويتها فيك
ارجع لبيتكم وخلي عنك هالسوالف ياتـعبان
روح نام ..
تعيش وتاكل غيرها
و سويتها فيك ..
المرسل
الــــــــــــــــــوالدة
مــــــــنـــــــــقـــــــــول
مواقع النشر (المفضلة)