بسم الله الرحمن الرحيم
السلام عليكم ورحمة الله وبركاته
مشاعر أردت ان أبعثرها هنا
قال تعالى (المال والبنون زينة الحياة الدنيا )
وما فيه أحد أغلى على الإنسان من فلذة كبده وأبنائه
(طبعاً بعد الله ورسوله صلى الله عليه وسلم )
وأصعب شيء على الإنسان ان يكون على قيد الحياة هو وطفله
ولكنه لايراه!!
ولايتمتع بمؤانسته وقربه !!
وحينما كانت معي صوره لإبني عبدالله عمره 6سنوات
الذي أبعدتني الأقدار عنه فأصبحت لاأراه إلا أيام معدوده بالسنه الواحده
فصرت أتأمل صورته
وكتبت هذه الأبيات
[poem=font="Simplified Arabic,4,white,bold,normal" bkcolor="black" bkimage="backgrounds/21.gif" border="groove,6,white" type=1 line=0 align=center use=sp num="0,black"]
ماأنساك لو تسبح بالأنهار هالطير =ولو طارت الأسماك بعالي سماها
ولو أعلنو إسلام شارون وبلير =ولانست بنت الحمايل اهلها
غالي ولك بالقلب حب(ن)وتقدير=مكانتك بالقلب محد(ن)وصلها
أبكي بليلي والنهار بتفاكير=وآخذمن الأحزان أكثر كدرها
أون على فراقكم يالعصافير =كني مريضه بالسموم وأثرها
يفز قلبي لانادى (ماما)إصغير=وأركض عسى(عبّود) هو من نطقها
ويغم قلبي وأحس فيه تكسير=لاشفت لي أم(ن)تخمخم ولدها
وأنا جِنيني بين وبينه مسير =عدة ليالي او تكمِّل شهرها
من بعد ماكان بحضين أمه أمير=أنتقته الدنيا يوم الله ومرها
عزي لقلب بيتفطر تفطير=على غياب دنيتي وقمرها
يارب ياللي كل ش(ن)بأمرك يسير=ترحم من انت وليها وذخرها
ويالله ياللي عالم بالمقادير=تلطف بحالي وحالهم من قدرها
وترد لي وداعتي وإهم بخير=وتفرح النفس الحزينه وتسرها
وترضيني ياربي بماصار ويصير=وتكتب لي من مصيبتي كل اجرها
وصلاة ربي عدد ماغردالطير=على نبي أمتنا اللي نقذها [/poem]
للشاعره / ام عبدالله
منقووووووووووووووول
مواقع النشر (المفضلة)