[poem=font="Simplified Arabic,6,darkblue,bold,italic" bkcolor="transparent" bkimage="../backgrounds/5.gif" border="double,4,deeppink" type=2 line=0 align=center use=ex num="0,black"]
لعنبوا من طلعك من بيـت ابـوك= استـرح بالبيـت كافينـا وجــع
كانها الكشخات والموضة حـدْوك= عندك امك . . . طلعتك ملها سنع!!
ورد دش السوق وخلق الله شكوك= انهبلـت وقلـت والله و (السبـع)
أستريحـي لايهـمّـك مــااذوك= القمـر كـل (ن) يشوفـه لاطلـع
لـو تجـرّوا باللقافـه كلـمـوك= قولـي ان المسألـه فيهـا شـرع
ولو خواتـك يالخشـف ماطلعـوك= كان قلبي مـن جمالـك ماخضـع
ليتهـم يافتنـة الطرقـي نهـوك= عن طلوع(ن) فجّـر بسـدّي نبـع
صار شي(ن) اشبه بغزوة تبـوك!!= انخذل به قـوم وانتصـروا ربـع
اشهد ان بمشيتـك ثقـل الملـوك= والحرس قدّام تـردع مـن طمـع
سامـح الله يـوم اهلـك دلعـوك= وسامح السوّاق (شوفير) الدلـع!!
ماطرالي غير اركـب ب( البيـوك)= لو زعلت وقلـت: ابعـد يـاورع!!
طق عرقي والغنج عطـر السلـوك= حسبي الله طـار قلبـي وانقطـع
الزهـر ماخالطـه تعتيـم شـوك= خدّهـا البـرّاق بعيونـي لـمـع
من ورى المنديل مبسمها ضحـوك= الهـداوه فيـه وانـواع القمـع!!
في زمن لو تشكي لربعـك بكـوك= ولو نخيت اللي على بالـي جـزع
أستويت وصرت في حالـي الـوك= كني الطفل (البليد) (المستمـع)؟؟
وش ذبحنا غيـر ذولا وغيـر ذوك= مـن زمـان الجاهليـة والـبـدع
أسمحي لي كلمة(ن) لاهـان فـوك= العسل من ذاق طعمـه ماشبـع!!
بالجريمه متّهـم وانـت عتقـوك= فـي تمـام السابـعـة الا ربــع
يسعد ام(ن) جابتك يسعـد ابـوك=اشهد انه ماخذ امـك مـن ولـع!!
تحياتي للجميع وارجو ان تحوز على رضاك يا شيخ الشباب
حبيب الكل الاستاذ (( دمـــــــــــع الغيـــــــــــم ))
اخوك البدر [/poem]
قصيدة الشاعر المتألق --مهند الخالدي للأيضاح ونأمل ملاحظة
هذا مستقبلآ يالبدر----
الحوراء بنت نجد
مواقع النشر (المفضلة)