صباح الورق والحبر وشتات الملفات..
صباح القضايا والجنايا والوفيات ..
صباح أخر قضية خطف شهدها مجمع الميدان!..
صباح الشاهي بدون سكر ..
صباح الكتب والروايات ..
صباحك ياصباحي صباح المزاجات..
مكتب اربع كنبات..
كاس شاهي وبعض الملفات ..
وهناك في أخر المكتب فتاة في عمر الزهور ..
جت تشتكي وتنوح ..
وبأخر رمق من أمل ..
جتني تقول ..؟
وش بيدي أقدر اعمله ..
دام المواعيد كذبت ..
وكل الأقاويل أخلفت ..
وأحلامي بيدي أنتهت ..
كان الأمل عنوانها وكان الوفاء ميزانها ..
وكانت ولا زالت هناك ..
وابتدينا القضية..
ويالله هاتي الأجوبه ..
أسمك ..؟ وعمرك ..؟
وأخر اخبارك..؟
أسمي أمل مقتول..
عمري .ثلاث سنين ..
أخر اخباري مثل أول أخباري ..
من موعد الى موعد ..
ومارست بي سفينه..!!
وأنت ياصاحب الحلم الجميل تفضل وأستريح ..
وارم كل هم ثقيل ..
وش قصتك ومن تدعي ..
قضيتي ياسيدي ..
صار لي كم شهر ..
لاني كذاا .. ولا كذاا..
قالو تصبر وانتظر..
قلنا نصبر وننتظر ..
قالو أنتظر حكم القدر ..
وانتظرت ولاجاني خبر ..
قالو قبلها خوات كبار وليه مستعجلين ..
وتوكم صغار قلنا نصبر كم سنه ..
وراحت سنه..!
والحين احنا بثلاث ..
ثلاث سنين راحت صبر ..
ثلاث سنين مرت قبر ..
ثلاث سنين وانا انتظر ..
وأخر الدعوه أبي ياسيدي منك خبر ..
الى متى وأنا انتظر .الى متى وانا احتظر ..
وش ردك يابنت الهوى ؟
قالت صبر ياشيخ الهوى ..
لاتستعجل بالقضاء ..
انا ابيه وهو يبيني ..
والمشكله ماهي هنا !!
والعيب مو فيني وفيه !!!
العيب في بعض العرب ..
صارت تقاليده قيم منذو عصر للقدم ..
صرنا أماني للفضول وأقسى معنى للذبول ..
ياشيخ أنا بشتكي منك ولك رد القضاء ..
انا فتاة في مجتمع ..
لاأسمع .لا أتكلم .لا ارى..
كل اللي اقدر افعله أني عروس بوقف الروئ..
هذا أبوي الجاهل متمسك بأقسى القيم ..
اخر اعذاره .انا مااقدر اجامل بالنصيب ..
خلي أخواتك يجيهم نصيب وهذا انا ياقاضي الهوى ..
مقتوله بيدين النصيب ..
سمعنا منك يابنت الهوى والحين وينك ياراعي النصيب ..
تعال أجلس هنا..
أنا ياسيدي أخترت هالبنت لي نصيب ..
وأعلنها من بعيد وقريب أبيها لي بالحلال دام اهلها موافقين ..
وكلنا متراضين بس باقي أبوها ذاك الشايب العنيد ..
كل افكاره زمان صارت من أيام العبيد ومازالت ولا ظلت تعيد ..
وبعد المداوله .وسماع اقوال الدعاه ..
اولا . نحكم على العادات والتقاليد ..
بكل حكم شديد !
ونحذفها من قائمة المواليد ونزوج كل حبيب مايريد ..
ثانيا. ينفذ أمرنا هذا على الأجيال القادمه خلال القرن القادم ..
أنتهت الجلسه ..
احساس خالد ..
مواقع النشر (المفضلة)