زلقت حبة الشمري
[align=center]
تعرفون طبعا المثل الي يقول
( زلقت حبة الشمري )
المثل له سالفه والسالفه هى :
شاعر معروف من قبيلة شمر قلبه خضر
يحب الغزل في البنات
المهم الرجال حب انه يتوب ويترك الغزل والعشق
وقال لولده : ودني مكة ابى احج عسى أن الله يغفر لي ذنوبي
عقب ماسعى وطاف الرجال قال لولده ابي احب الحجر الاسود
وكان الحجر الاسود مزدحم برجال والنساء
وكل واحد قريب من الثاني يوم وصل الشاعر للحجر يبي يحبة
اعترضت بينه وبين الحجر بنت مزيونة وخدها باين له
انبهر الشاعر من خد البنت وبدل مايحب الحجر الاسود حبة خد البنت
قالت له البنت : حج ياشايب
ولد الشاعر حاول يرقع السالفه قال للبنت :
هذا شايب مهذري
وإستحى الشاعر وقال يابعدي زلقت حبة الشمرى
ابيها في الحجر وصارت فيك
وعقب هالسالفة صار المثل الى يقول
(زلقت حبة الشمري)
وقال هذي القصيده
التـايـه الــي جـــاب بـصــري يـقـنـه
هيض جروح العـود والعـود قاضـي
جـيـنــا نــحــب ونـطـلــب الله جــنــه
جـنـة نعـيـم يــوم يـابـس الـحـاضـي
يـالـيـت كـانــت حـبـتـي فـــي مـعـنـه
يوم العيون عن الخوامـل غواضـي
يـامـن يعـاونـي عـلـى وصــف كـنـه
اشـقـح شـقـاح ولاهــق بالبـيـاضـي
الـريــح لازفـــرة ولاهـــي مـصـنــه
ريـح النـفـل بمطمطـمـات الفيـاضـي
نـهـديـن لـلـثـوب الـحـمـر شولـعـنـه
حـمـر ثمـرهـن واقـفـات غضـاضـي
والـخــد ذابـــوح الـقـلـوب الـمـرنـه
بـراق مـزنٍ لاعــق الـلـون يـاضـي
ياليـت لــو سـنـي عـلـى وقــم سـنـه
بـايــام مـابـيـنـي وبـيـنــه بـغـاضــي
أيــام جـلــد الـذيــب عـنــدي مـحـنـه
نصبح وزرق الريش لهن إنتفاضـي
يـاجـرح قلـبـي جــرح وادي وطـنــه
غـر المـزون اللـي وطنـه وفـاضـي
الـبـيـض قـبـلـي مـحـســنٍ عـذبـنــه
ونمر على وضحى جرا له عراضي
عــزي لـمــن غـــر الثـنـايـا كـونــه
واركن علـى كبـده كوايـلٍ عراضـي
الا ارتــوى بـسـتـان قـلـبـي سـقـنـه
واخضر جنابه عقب يبست الحاضي
الـقـلـب غـضــات الصـبـايـا شـعـنـه
بنـت الشـيـوخ مخدمـيـن الحيـاضـي
شـوفــي بعـيـنـي والـخــدم يركـبـنـه
علـى زعــاع يــوم قـوطـر ونـاضـي
فوق اشقح من زمـل ابوهـا مضنـه
ركبـة عليـه اتشنـطـح ٍ باعتـراضـي
وامشجـر مـن ســوق هـجـر مغـنـه
علـى خياطـة نابـي الارداف راضـي
ويـن انـت يامشفـي علـى طردهـنـه
انـا طويـت ارشـاي وقفـيـت قـاضـي
انـــا صـــدرت ووردهــــن عـقـبـنـه
علـى الـعـدو مشـرعـات الحيـاضـي
احــد بـوســط الـنــار واحـــد بـجـنـه
وترى البخيت اللي له الرب راضـي
وعندما رجع الي أهله قال هالبيتين
ياليـتـنـا مـــن حـجـنــا سالـمـيـنـا
كان الذنوب اللـي علينـا خفيفـات
رحنـا نبـي نخـفـف ذنــوب عليـنـا
وجينا وعليها كثرها عشر مرات
وسلامتكم
تحياتي لكم[/align]
رد مع اقتباس
المشاركة الأصلية كتبت بواسطة ريـــــوف
مواقع النشر (المفضلة)