(إن من يكره نجاحك يـدري انـك مـا نجحـت )
الــــسلام عـلـيـــــــكم ورحمــة الله وبركـاته
صعب لامنـك فشلـت وصعـب لامنـك لقيـت\\\إن من يكره نجاحك يـدري انـك مـا نجحـت
امس ضقت ورحت اقلـب ذكرياتـي وانتهيـت\\\عند صورةحبيبن صوته مثل صوتي لاانجرحـت
وش مثل ؟؟ لا والله إلا هذا أنـا يـوم ابتديـت\\\انطق حروفٍ تلعثـم فـي لسانـي لا انمدحـت
هذا أنا .. وأصبحت أتمتم (هذا أنا) حتى بغيت\\\ختنق بس القدر عيّـا علـى موتـي وطحـــت
وصاح صوت الطفل فيني انت من وين ارتميـت\\قلت أنا المستقبل اللي فيه كـم همـت وطمحـت
امس كنت أبيك تكبـر بـس والله لـو دريـت\\\اني اللي عشت لجله مـت عنـدك واسترحـت
لو دريت إن الزمان يجـر رجلـي مـا عديـت\\\ولو دريت إن البحور بلا موانـي مـا سبحـت
كان دربك لـي طويـل وكـل ماشفتـك هويـت\\\قلت لك كبوة حصان ومـا كبيـت إلا وجمحـت
ليـه تسمعنـي وتمشـي آه ليتـك مامشـيـت\\\وآه لـيـتـك مـن كثـر عثـرات الأيـام انتصحـت
ضاعت احلامي وضل الحـزن فينـي واهتديـت\\\للطريق اللـي يودينـي علـى دمعـي ورحـت
يالحـزن ليتـك مثـل دمـعـي وتـنـزل لارقيـت\\\بس أعرفك لو مسحت الدمع تبقى ما انمسحـت
كان حلمي في وجـود إنسـان يبكـي لابكيـت\\\وصار حلمي في وجود إنسان يفـرح لافرحـت
كنت اشوف الناس مثلي كل ما جعـت وضميـت\\\ما دريت إن الاوادم ناس فـوق ونـاس تحـت
آآآه يا أول ذكرياتـي خذنـي فحضنـك نسيـت\\\لأسألك عن وجه حبيبي اللي معه يامـا سرحـت
خذني فحضنك ابغفى .. ياااااه مبطـي ماغفيـت\\\وان لمحت دموع عيني سو نفسك مـا لمحـت
خذني فحضنك وبعثر في جروحـي وان قضيـت\\\هزلي كتفي وقولي: عيـب تبكـي لـو سمحـت
اضحك وعلم زماني من أنا .. ومن وين جيـت\\\طق باب الحزن واصـرخ فـيّ لامنـي فتحـت
وضميني يمك .. وكملي ضحكش لامـن بكيـت\\\ودي اذكر كيف كانت ضحكتـي لامـن فرحـت
؛؛؛شمالي؛؛؛
قرب الرحيل
مواقع النشر (المفضلة)