يامـا اخـذني حـب وغـلا والا توكـل خلنـي ..!
0
0
0
0
0
ويل قلبي .. لارحلتي عن عيوني .. للغياب !
وين أودي .. وجه صبري ..لاتولجني .. الحنين ؟؟
علميني ليه نعشق وآخر العشق .. العذاب ؟؟
وعلميني ليه .. نهوى .. وآخر الحب .. الأنين ؟؟
----------------------------------
يـازيــن لو طال الزمن عشته وأنا عابـر سبيـل ..
امشي دروب أهل الوفاء ولـ غير ربي ما انحني ..
يـازيــن ما ارخصتك ولا فكرت أدور لك بديـل ..
ماهوب ضعف / ولا ردى / ولاهوب من قـل البنـي ..
جيتك غريب " غربته بعد وشقاء ودرب طويل " ..
ولقيتك " إحساس وفي " واصبحت كلك موطني ..
وتدري غلاك بـ داخلـي مالـهـ شبيـهـ ولا مثيـل ..
لاشـك انا وشـ حيلتي لاصار قلبك مـلـني ؟؟
يـازيــن اختر ماتبي يـاصاحــب الرمــش الكحيـــل ..
يامـا اخـذني حـب وغـلا والا توكـل خلنـي ..!
------------------------------
إركن إحساسك هنا قرب تعال ..
الهوى بارد / ومثله أنت بارد
إني أنسى الجرح هذا بـ الخيال
وإني انسى الحب هذا شي وارد
قبل لاتطعن طفل عندي سؤال ؟
" ليه تتركني مع اللوعات شارد ؟؟
وانت تدري بال ماهنا اليوم بال
ضيقـهـ ٍ تصدر وضيقه بـ هم تارد
----------------------------------------
انا ادري ما بعد عود الصراحـه ياهـواي قعـود ..
لو تطـول المسافـه والحسافـه فـي مساراتـي ..
واعذرك قلت : ما جيتك / وقلـت : الجـود من الموجـود ..
تصدق !! حتى انا / كانت تضايقني زياراتي ....!
-----------------------------------------
لك الله مابقى جـرح ٍ بـ روحـي مانـزف أو سـال
لك الله مابقـى هـم ٍ اعرفـه ماملـى اوقاتـي
دخيلك هاتي لي " قلب " ومعه " صبر " ومعاهم " بال "
دخيلك حس بـ جروحي " أمـا تُبكيـك أنّاتـي !! "
دخيلك اطعن غيابـك تعبـت احايلـك واحتـال
دخيلـك ملنـي هـذا الطريـق ومـل جياتـي .
-----------------------------------------
غصب ٍ أجامل وأبتسم والبس وجوهـ وأقنعه
ما ودّي أبدي ما أكنّ أخاف من قولهـ رقيق
وغصب ٍ إذا أقفيت تنزل دمعتي ثم أتبعه
بـ يدي وأناجي خالقي بـ إنهـ يفرّج كل ضيق .
----------------------------------------
كنّ الثواني ... في غيابك سكاكين
ليتك تذوق شوي ... طعم الثواني
القلب ماهو قلب والعين ... مو عين
حتى مكاني ... ماأحسّهـ ... مكاني
قلّي دخيلك بس ابلقاهـ ... من مين ؟؟
من غيبتك ... بلقاهـ ؟! أو من ... زماني ؟
والحين شفنا وين ؟! ... واحلامنا وين ؟
ضعنا اندوّر ... للسعاده ... مواني
كل شي بكاني من غيابك إلى اللحين
حتى عدوي ! ... من غيابك ... بكاني
ماعاد تفرق جرح واحد ! ... وجرحين
الموت واحد ... لهـ عذابك ... خذاني
ياصاحبي ... يكفي غيابك ... وبعدين
ماخفت ربك بس ... " أنت و زماني "
--------------------------------------
ياصاحبي ماجيتك / اشحذ بك / احساس
جيتك اقول انك عن البال / مارحت
كن بـ غيابك / لابس وجيه / هـ الناس
وأنا على " شفا تعب " / بس ماطحت
---------------------------
هاك جرح وخيبه آمال ومتاهات وندم
هاك ذكرى / واعفني لو كان باقي لي كلام
كل ما مد النظر للدرب حارت بي قدم
والمدى قبضه سموم ولو يورالي غمام
آهـ وانت وكل شيءٍ لك بهـ القلب انهدم
يكفي اللي راح روح الضرب فـ الميت حرام !
-----------------------------
ليتني لا احتجت ما احتاج لـ غلاهـ
وليت قلبي للمشاوير انتبه
صاحبي والحب محتاج لـ حياه
وانت بين الموت واحساسك شبه !
------------------------------
كنـت احسبـهـ لاجرحنـي دموعـي تذهلـه
مادريت ان دمـع عينـي علـى قلبـهـ نعيـم
كـل جـرحٍ مـن يمينـهـ خفوقـي مدهلـه
ينجلي ليلهـ وانـا الليـل فـي عينـي مقيـم
علتـي مـن همـي اللـي عجـزت ابزهلـه
طر جيبـي لاتذكـرت ان مـالـي نـديـم
الطريـق اللـي يخافـهـ أنــا بستسهـلـه
والفـراق اللـي يروعـهـ تـرى رأيٍ حكيـم
أيه أبجهل مامضالـي معـااااااهـ وبجهلـه
وكل دربٍ لـه يوصـل تـرى دربٍ عقيـم !
--------------------------------------
تــردد وشـ بقى فيــــها بعـد ؟!
مركب الفرقـى شراعهـ كلمتين !
خذ معك من لهفهـ أشواقي / وعد
لاذكرتك ما أذكرك الا دمعتين !
خذ معك روحي ورتب لي لحد
يحضن احــساسي لـمر الحنين !
ضحكتك كانت مسافات وبـــلد
باكـر اذكرها واحـس بـ طعنتين !!
----------------------------
كان الليالـي حدتـك انـك تخلينـي
سود الليالي من اللي قـال طاوعهـا
ياهيهـ مـادام دينـك وافـق لـ دينـي
عاند ظروفك على شانـي وطوعهـا
وكانك على قولك انك حيل شارينـي
ارجع على روحٍ انتهـ كـل مطمعهـا
وكانك بغيت الفراق اللهـ لـي يعينـي
بصبـر الـروح مـن هـمٍ يروعهـا .
---------------------------------
أنا اللي ما وفـى حظـي سـوا بـ الهـم واللوعـات
أمنّـي قلبـي الطيـب / وأشـوف الحـظ خاينّـي ..
أنا اللي ما أحتمل قلبي فراق اللي يبـي / هيهـات
ألا لو يحتمل قلبي / لا أجنّـب مـن رحـل عنّـي ..
روى خدي من دموعي شبـع قلبـي مـن النكبّـات
أظن الظن بـ أحبابي / وما أسرع ما أختلـف ظنّـي ..
ضميت من الهوى ياما / وتجرعت العنـا رشفـات
وتنطحّت الدهـر هالـك صويـب / لا كنّـي ..
أزيف ضحكتي / مهما بقى فـي خاطـري ونّـات
وأضمد طعنتـي / مهمـا ظـروف الوقـت ذلنّـي ..
-------------------------------------
احبك ايهـ / احبك شي ما يحتاج اسولف فيه
احس انّك بـ هذا الكون وحدك / ما معك غيري
وربي ما ابي منّك / سوى شي ٍ تعبت ارجيه
تخف شوي من قسوتك إلى منّه كثر خيري .
-----------------------------
ريم:25ar: :25ar: :25ar: :25ar:
مواقع النشر (المفضلة)