طاهره مثل النوايا .البيض .. في قلب الشمالـي
السلام عليكم ورحمة الله
واسعد الله اوقاتكم بكل ود وشوق
وهالقصيدة اهداء لكم عامة
ولمشرفتنا ريوف خاصه
لجهودها وتواصلها مع الجميع
في خضمّ . الشوق والذكرى . وحزني . وارتحالي
وانكساري , بين .. غاياتي .. والأيام ..البخيلـه
صحت يا أحلى ( تعاليلي ) .. تعالي لي .. تعالي
لا . تخليني .. وانا ظميان .. والرحله .. طويله
والتفتّ .. ولا لقيت الاّ ..القصيد اللي .. سعى لي
حرفي . اللي خابره .. لامن نخيته .. جاب حيله
من نخيت الحرف ( يوصفها ) تحيزم وانتخى لي
فز لي .. فزة شجاعٍ .. فزّعه .. شيـخ .القبيلـه
قال لي غالي .. وتبشر بالطلب .. لو كان .غالي
قلت له بيتين .. للقلب الشقي .. تـروي غليلـه
في هنوفٍ .. ترسم البسمه .. على سود الليالـي
ماتشبّه .. غير بالغزلان .. والخيل .. الأصيلـه
طاهره مثل النوايا .البيض .. في قلب الشمالـي
حالمه . مثل انعكاس .. النور في شط المسيلـه
من وقع في سحر نظرتها من اصحـاب المعالـي
من سلم من سحر نظرتها من اصحاب الفضيلـه
كل حكمٍ غير حكم .. ( عيونها ) .. حكم انتقالي
كل غايه غير شوف ( عيونها ) تصبـح وسيلـه
زينها , أثبت بأن الزين .. اصـلاً ( رأسمالـي )
وباحتكاره , أثبتت ان .. ( الشيوعيـه ) هزيلـه
شكّلت في داخلي من حبها ( جيـش انفصالـي )
ثار , واستولى على عرش الخفوق بظرف ليلـه
هاه .. ياحرفي علامك ؟ ليه ساكـت ياحلالـي ؟
ليه , وش علمك بديت تخاف من وصف الجميله
قال دام وصوفها هـذي فنـا اعلنـت اعتزالـي
ابك , هذي , وصفها ياشيخ ... حاجه مستحيلـه
لو تطل بحسنها الطاغي على القطـب الشمالـي
كان من .. جمرة شفايفها ... غدى مثل المليلـه
وتحيتي لكل القلوب الطاهره
دمتم بكل ود$222 $222 $222 :25ar:
رد مع اقتباس
مواقع النشر (المفضلة)