حبك ماله نهاية
حبك ماله نهاية
[bdr][/bdr]
يا شفاة الروح يالشمس البهيّة ... يا سحابة شوق تمطر في سمايه
يا زَهر عمري وحلم المزهريّه ... يا بدر والليل لك سِتر وعبايه
الحِسِن لولاك مجهول الهويّه ... يا وطن للحِسن يا شوق المرايه
إنتي حوريّه بصورة آدميه ... وإنتي في مقلة عيون الحِسن آيه
في جمالك شفت سحر الجاذبيّه ... تسلبين القلب في أجمل جنايه
أفتِخِر ما دمت لِعيونك ضحيّه ... إقتليني ألف مره يا رجايه
شِفت فيك العطف والنفس الغنيّه ... والغنى كلّه إذا شِفتك معايه
بك سمَت حتى الحروف الأبجديّه ... وبك حيا عِلم البيان وصار غايه
صدّقيني يا غلا كل البريّه ... يا حياتي يا غناتي يا منايه
في غيابك ينقلب وقتي عَليّه ... إن صِبحت الصبح ظنّيته مسايه
وان رجعتي إرجَعَت روحي إليّه ... واشعر إنّي مِنوِلِد من البدايه
لو يكون الكون كلّه في يديّه ... بس أشوفك أرمي الدنيا ورايه
إسمحي لي إن بِدَت منّي خطيّه ... والخطايا شوك في درب الهدايه
وإقبلي روحي تراها لك هديّه ... فوقها قلبي ولا تقولي كفايه
من تلاقينا وأنا أشواقي قويّه ... عاصفه ما قِد هدَت داخل حشايه
جنةٍ أنتي ونار الشوق فيّه ... صرت أحبّك موت إلى ما لا نهايه
[bdr][/bdr]
منقووووووووووووووووول
اهديها لجميع روااد هذا القسم
رد مع اقتباس
مواقع النشر (المفضلة)