>> حرب الخليج<< كلمة توجع القلب قليله
صبحكم الله بالخير ياغلاي
كيفكم بشروني عنكم ؟؟!
وصلتني من يومين قصه بس وربي انها توجع القلب
قلت ابنقلها لكم
<<<<<<<<<<<<< حده نذل .. توجع القلب وشو له تنقلها
المهم ان القصه تقوووووووووول :
الزمــــان : اثناء حرب الخليج يوم الثامن والعشرين من يناير من عام الف وتسعمائه وواحد وتسعون
المكــان : احدى الكتائب العسكريه السعوديه في الحدود الشماليه للمملكه
الساعه 5 فجرآ
اعلن في الكتيبة امر التعبئه السريعه لتغير المكان وهو أجراء روتيني يتم فعله كل بضعة ايام
واحيان يكون أجراء تكتيتي لأسباب عسكريه بحته
استيقظ الرقيب خالد على صياح بعض زملائه وهم يفككون شراع الخيمه من فوقه
فعرف انهم مغادرون ...
وكان خالد طويل القامة , يميل الى البياض , وتقاسيم وجهه متناسقه ويدل على الطيبه
قام ورتب اغراضه بسرعه وجرى الى ساحة العلم حيث كان يؤخذ التمام ( اجراء العد ) وبينما هو يجري سقطت
منه رساله . ولم يلاحظ سقوطها ...
الساعه 7 مساء :
بينما كان الرقيب خالد يرتب اغراضه في الموقع الجديد .. تذكر الرساله
فأراد ان يطئن لوجودها .. فــ تحسس جيوب بدلته ... وصعق حين لم يحس بوجودها
وبحركه سريعه لاينافسها سرعه الا نبضات قلبه .. ادخل يده في كل جيوب البدله
ولكن محاولاته للبحث بائت فاشله!!
فــ خرج خالد مسرعآ من الخيمه وذهب الى كل مكان وطئته رجليه في الموقع الجديد بحثآ عن تلك الرساله
ولكن لم يجد شيئأ ... فأيقن انه فقد الرساله في الموقع القديم
فذهب مسرعآ الى خيمه اخرى مخصصه لنوم الجنود .. فكانت تعج بالجنود والصياح
فدار بعينيه المكان حتى وقع نظره على العريف أحمــد فذهب اليه وربت على كتفه
طالبآ منه اللحاق به الى خارج الخيمه ففعل
فكان احمد اعز اصدقاء خالد وعلى الرقم من ان احمد ليس لديه الكثير من الاصدقاء لخشونة طبعه
الا ان خالد يعرف الانسان الذي خلف هذا الجسد ويحبه
وكان احــمد اقصر من خالد واصغر منه ولكن الذقن الذي يتزين به يزيده عمرآ
خالد : احمد ابغاك بخدمه
أحمــد : آمــر
خالد : مايأمر عليكــ عدو بس فيه غرض نسيته في مخيمنا القديم
وابيكــ تساعدني نروح نجيبه
أحمــد : انت انهبلت ؟؟ دام انكــ نسيته انا من رايي انكــ تنساه على طووول ..
خالــد : تكفا واللي يرحم والديكــ انا ماراح يجيني نوم ولا ارتاح الين اللقاه
أحمــد : والله ودي اساعدكــ بس يااخوي حنا بحالة حرب وانت تعرف وش عقوبة الخروج من المعسكر
وبعدين على ايش تبينا نروح ... ولا انا ولا انت .. كنا نعرف وين كنا فيه ... ولا في وين احنا الحين ؟؟!
وبعدين وشو هالشي اللي ماتقدر تعيش من غيره ؟؟!
خــالد : وعلى وجهه اثار الأسى : ضيعت رسالة ميسون
تغير وجه احمد فقد كان يعرف مدى قيمة هذه الرساله عند خالد
أحمــد : طيب وشلون تبينا نروح ندور عليها ؟؟
خــالد : أخوكـ محمد ؟؟
أحمــد : بس انت اكثر واحد كنت تعرف اني ماكلمت محمد من يوم وفاة الوالد ...
وانت عارف نوعية العلاقه بيني وبينه!!!
خــالد : انا عارف بس محمد هو الوحيد اللي نعرفه في الفصل الاول ... وهو اللي يعرف موقعنا القديم
بعدين المسأله لو ماهي بخطيره ماكان طلبت منك هالطلب ... ولاحطيتكــ بهالموقف
أحمــد : طيب ولايهمك بس كيف تبينا نروح هناكــ؟؟!
خالــد : بروح اكلم يوسف في التموين .. وبشوف اذا كان ممكن يدبر لنا سياره .. وانت رح جب محمد
أحمــد : طيب وين القاكــ
خــالد : تلقاني في خيمة التموين
وبعدها .... كلن راح بطريقه
وصل احمــد : وأول مادخل الخيمه وقع نظره على اخوه محمد فأشار له ان يخرج الى خارج الخيمه
فكان محمد اصغر من أحمد .. ولكن قريب من ملامحه كثيرآ وكان محبوب لدى الحميع الا من قبل اخيه أحمد
محمد : وهو يحاول ان يخفي علامات الاستغراب من محياه !!
هلا أحمد : كيف الحال ؟؟!
أحمــد : شف لو المساله لي كان ماجيتك , ولكن خالد في مشكله
ويبي مساعدتك
محمــد : طيب رد السلام
أحمــد : هذا اللي عندي وش قلت
محمــد : بعد ان ارتفعت نبرة صوته الى متى بتصير حاقد علي ؟؟!
ابوكــ اللي مات هو ابوي بعد .. الى متى تعاملني كني انا الي ذابحه
احمــد : ممتاز انكــ تتذكر .. لاكن ياليتك كنت تتصرف على هالاساس
محمــد : وصوته اقرب الى الهمس (( ياخي مايكفي العذاب اللي انا فيه ))
يعني تتوقع اني مااعرف غلطتي .. يعني تتقوع اني ذقت لذيذ النوم من ذاك اليوم .... ؟؟!
ياخي صعودي على ذيك الرحله قبل وفاة الوالد .. كان اكبر خطأ في حياتي
ومنيب محتاجلك عشان تذكرني
أحمــد : بصوت رقيق .. طيب الحين تبي تساعدنا والا لا
محمــد : وش المشكله
أحمــد : تعال وانت تعرف
وراحو متجهين الى خيمة التموين وفي هذه الاثتاء
خالـــد : تكفا الشي اللي فقدته شي عزيز علي مرره
يوســف : والله ودي اساعدكــ بس ماعندي ولا سياره جاهزه ... انت عارف تونا منتقلين وتجهيز السيارات
يصير باليوووم الثاني بس !!
خالد : بس ايش تكفــا
يوسف : تعرف عبدالمحسن من مكتب رئيس الكتيبه ؟؟!
خــالـد : اي عرفته .. الولد الصغير اظنه توه داخل الجيش قبل شهر
يوسف : ايه هذا هو هذا ياطويل العمر معه سيارة الميجور الامريكي
عشان ينظفها ويعبيها ديزل وهو دايم يجي يتلزق فينا انا والشباب ... بس حنا مانعطيه وجه لصغر سنه
اظنه ماكمل 16 سنه ... وانا ممكن اكلمه يعطينا السياره الليله
خالــد : تكفا مافي الا هالحــل واتجهو
محمد واحمد ويوسف وخالد
الى عبدالمحسن ووجوده نائم بالسياره وكان ضئيل البنيه وابيض الوجه ولكنه دائمآ يحاول ان يتصرف بشجاعه
مثل باقي الجنود ويحاول ان يخفي خوفه من الجميع
ففتح يوسف الباب واسيقظ عبدالمحسن مسرعآ ورفع مسدسه على يوسف
يوسف : هدئ اعصابكــ انا يوسف ومعي بعض الزملاء
عبدالمحسن : بعد ان انزل المسدس .. انا آسف منب متعود انام بالسياره
يوسف : ميب مشكله .. بس نبيكـ بخدمه
عبدالمحسن : بعد ابتسامه عريضه ... خدمه !! أمر وشدعوا وش ممكن اخدمكم به
يوسف: نبي الموتر
عبدالمحسن : هاااااااااه ,, الموتر .. اسف مااقدر اعطيك اياه هذا عهده علي
ممكن يفصلوني اذا ضيعت المفتاح .. عاد كيف الموتر بكبره
يوسف : حنا ماراح نسرقه حنا نبيه بس ساعتين وبعدها بنرجعه على طول
عبدالمحسن : بعد تفكير والحاح من يوسف ... طيب بس !!! اجي معكم
يوسف : بعد نظر الى خالد فــأوما خالد براسه بالموافقه
يوسف : ميب مشكله
فركبو جميعهم السياره متجهين الى الموقع القديم وكان دليلهم محمد ويقودهم عبدالمحسن
مرت ساعه قبل ان يصلو الى المكان المطلوب
يوسف : طيب وش انت فاقد علشان ندور معكــ ؟؟
خالد : (( بعد ترددددد )) رساله من شخص غالي
[color=#990099]يوسف : ايش ؟؟! .. جايبنا هنا وتحط مستقبلنا في خطر عشان قطعة ورق ؟؟! ... انت انهبلت ؟؟[/
color]
محمــد : عاتبآ >>> ماهقيتها منك ياخالد !!!!
خــالد : انا اسف ياشباب بس هاذي رساله كتبتها لي زوجتي قبل مااجي هنا وانا كتبت عليها بالجهة الثانيه رساله
لها في حال صابني شي لا سمح الله .. والرساله غاليه بالحيل
والا ماكان حطيتكم بهالموقف
وبعد ان وصلو موقعهم القديم
وبدا البحث على انوار السياره وبعد مده ليست بقصيره
وبعد مده ليست بقصير صرخ أحمد اظن اني حصلتها ... ثم جاء خالد ورمى نفسه على ركبتيه
وحمل الرساله الى قلبه
وقال هذا عبير الغاليه ميسون
ركبو جميعآ السياره .. عائدين .. وقطع عبدالمحسن السكون بقوله
اقول خالد : انا اعرف مابينا معرفه بس عمري ماشفت علاقه زوجيه مثل علاقتك بزوجتكــ
يوسف : بعد ان ضرب عبدالمحسن على راسه .. اقول ورا ماتستحي على وجهك وتناظر طريقك
مابقا الا الورعان يتكلمون عن هالامور
خالــد : والله انتم ياشباب ماقصرتو معي ... وراح اقولكم قصتي مع ميسون من الالف الى الياء
طبعآ احمد ييعرف القصه
بس اللي ينقال بالسياره مايطلع وكي
عبدالمحسن : متحمس اووووووووووووووكي
يوسف & محمــد : اســلم
خــالد : سلمتـــو القصه ومافيها ان ...
وربي ياغلاي مررررررره تعبت انشالله اكمل لكم القصه بعدين
انتظرونــــــــي
*
*
*
*
*
باكـــــــــــــــــــــــــــــــــــــ
خالــد : القصه بدت في سوق العويس في يوم الخميس ... كان دورياني افتح محل الولد في ذاك اليوم
لانه كان يوم اجازة الوالد , وكنت انا واخواني نتناوب على الخميسات .. وكان ذاك اليوم دوري وكان محلنا
عباره عن محل ملابس نسائيه جاهزه ...
جيت متأخر للمحل ... حوالي الساعه 10 الصبح ولقيت عند المحل بنت في بداية العشرينات ومعها وحده
اكبر منها بكثير ... مبين انها امها
واول ماشافو المحل فتح دخلو المحل لا احم ولادستور , وحتى قبل مانتهي من فتح الانوار
مشيتها وقلت اكيد مستعجلين وبعدها جتني البنت وسألتني
انت خالد : ايه انا خالد واذا كنتي تبين تسألين عن البضاعه الجديده ترا مالي بها علم
قاطعتني وقالت : ليش ؟ تأخرت ؟؟ :
عفوآ : المحل محلي ومتى مابغيت اجي اجي
قاطعتني : انا زبونه دايم هنا
انا : نتشرف المحل محلكــ ... شوفي اللي يجوز لكــ وادفعي سعره .. والا توكلي على الله
ميسون : انت وشفيكـ جفس انا ماجيتكــ اشحت
قاطعتها امها : ميسون انهبلتي
والتفت علي الام وقالت : هذا بكم ياشيخ
انا هذا : 770 ونعطيك اياه 765
ميسون: تبي تلعب علينا انت
انـا : والله هذا مكسبه 5 ريال يعني مايرضيك اعطيك اياه بخساره
ميسون : اجل لاعبين عليك انا شايفته بمحل ثاني ارخص
انا : جيبيه لي وانا اشتريه منك بأغلى
ميسون : انا مو فاضيه اجيبه لكــ ... المهم هذا قماشه زين والا خرابيط
انا : هذا ازين من اللي اشين منه
ميسون : انت ماعندك علم ... الله يهدي صالح اللي دلنا على محلكــ ...
قالتها وهي تسحب امها وتطلع برا المحل
وبعدها تذكرت ان صالح قايل لي ان امه واخته بيجون للمحل ويبين اتوصى فيهم
بس انا نسيت السالفه ... فرحت ادور بالمحلات القريبه ومالقيتهم
فقررت اني اتصل بــ صالح العصر ... واعتذر منه
جاء العصر .. ودقيت رقم بيت بوصالح
وردت علي ميسون عرفتها من نبرة الصوت
ميسون : الو
خالد : الو .. مساء الخير
ميسون : بصوت عالي انت ماتستحي على وجهكـ
انا : عفوآ ؟؟
ميسون : انت ماعندك خوات تغار عليهم ماعندك شغل الا ازعاج الناس ترا رقمنا مراقب
ومصيرنا نجيبك وبخلي ابوي واخواني يجلدونكـ لين تقول بس ... وبعدها نوديك للشرطه عشان تشوف شغلها معك
انا : (( مدري وش اقول )) عفوآ
اختي انا خالد صديق صالح .. صالح موجود ؟؟! ممكن اكلمه اذا مافي ازعاج
ميسون : بعد ماسكتت لحظات .... اووووه طيب ورا ماقلت من الصبح .. انك تبغا صالح .. لحظه
صالح : هلا خلووووودي اسفه على سوء التفاهم الي صار لك مع اختي ... ياشيخ في واحد
مايستحي مزعجنا على التلفون دايم يدق .. على ان ميسون ماتسكت له تعطيه من الكلمات اللي يحبهم قلبكـ
انا : عادي يارجال عندنا وعندكــ خير .. المهم انا بغيت اعتذر لك عن الي صار مع الاهل االيوم
لكن ماعرفتهم وهم طلعم ومن المجل زعلانين ... وانا جبت القطعه اللي عجبتهم وبعطيهم اياها هديه من المحل
صالح : مالاداعي يارجال ماصار الا الخير ولا له داعي للأعتذار
انا : انا جبت القطعه ومابغاك تكسفني ومنها نشوفك يالقطوع
صالح : دامك مصمم ورا ماتجي عندنا الليله ؟؟
انا : تم انشاءالله ... بجيكم بعد صلاة العشاء ,,,
صالح : وانا بأنتظاركـ
صليت العشاء ورحت لهم ودقيت الجرس ورد صالح وقالي هلا خالد اقلط عند الخيمه ثواني وجايكـ
دخلت للخيمه ولقيت جريده اليوم ... فتحتها وقعدت اقراء شوي الا دخلت ميسون
تحسبني صالح
قالت : سلام
واخذت وحده من المجلات وجلست
انا تنحنحت بس هي مانتبهت حسبتني صالح ارد عليها السلام من ورا الجريده
قالت : ترا خويكــ هذا شايفن حاله بالحيل .. يعني مدري من اللي معطيه الانطباع انه وسيم والا فوق الناس
وانا صراحه ماندمت اني قلت عنه حمار في التلفون
حتى وانا غلطانه مدري ليه مادخل قلبي اول ماشفته ... وحتى يوم سألته عن قماش القطعه
قال ازين من اللي اشين منها "" قالتها وهي تقلد صةتي بأستهزاء ""
يعني انا مااقول الا الله يعين امرته عليه مع اني اتمنا وبدعي ربي ليل نهار انه مايصير متزوج من جد حرا تنظلم
معه مرته ... وسكتت شوي وبعدها قالت حتى لو انه وسيم وطويل مايعطيه الحق انه يشوف نفسه على الناس
لا ويوم سألته عن قماش القطعه قال ,,,,,,,
قاطعتها بصوت عالي شوي وقلت من ورا الجريده ... وانا ابتسم ازين من اللي اشين منه
هي سمعت صوتي من هنا ورمت المجله وركضت لداخل البيت
وبعد دقايق جا صالح ... وكان واضح انه ماعرف شي ... وانا استحيت اقوله
بس بصراحه طول الفتره اللي كانت جالسه فيها معي بالمجلس
كنت رافع الجريده وكنت احاول اني مااناظر
بس اول ماحسيت انها تبي تروح ... لمحتها وياليتني ما لمحتها كانت اجمل مخلوق شافته عيوني
نصدقون ياجماعه اني بذيك الليله مانمت كنت اصلي طول الليل ... كنت احس ان اللمحه اللي ماتجاوزت ثواني كنها عمر
فقلت لازم اصلي وادعي الله انه يغفر لي ويرحمني
كانت لابسه قميص احمر وكانت رافعه شعرها وبيضاء لدرجة ان القميص الاحمر صار اغمق من الدم
بس كان جايني شعور بالسعاده ... سعاده غريبه ... سعادة اللي سرق اكبر بنك بالعالم
وماحد درى عنه
وجاء وقت صلاة الفجر ولما جاء ابوي يصحيني لقاني صاحي ورحت معه نصلي وبعد ماخلصنا صلاه
وحنا راجعين للبيت انا والوالد
قلت له : وشرايك تصير جد ؟؟!
التفت علي وابتسم واسرع بخطواته
قلت له : انا اكلمك وراك عجل ؟؟!
والتفت علي وهو مازال سريع الخطوه وقال وهو يبتسم : ابروح ابشر العجوز
وكانت يده تؤشر على المخيم
الجميع احس بأن هناكــ شي غريب في المكان فالسكون غريب وكل الانوار مطفأه
وفجأه فتحت كشافاتالمعسكر كامله
وكانت جميعها موجهه نحو السياره التي كان يقودها عبدالمحسن
وبعد لحظه من الزمن بدأ يتبين الموقف لجميع من كان بالسياره ... فكان جمع كبير من الجنود موجهين
فوهات مدافعهم ومسدساتهم نحو خالد وزملائه
وتبين ان قائد الكتيبه كان موجود ايضا ...
همس اللواء قائد الكتيبه مع مساعد العقيد
وذهب امر العقيد مجموعه من الجنود بأنزال كل من بالسياره والذهاب بهم الى خيمة الحجز
سكون غريب كان يعم المكان في خيمة الحجز
وكسر عبدالمحسن السكون بقوله
ياجماعه : وش راح يصير فينا الحين
يوسف : هاذي يسمونها عصيان أوامر عليا ... اثناء الحرب .. وفيها ذبح
خلونا نتمنا انها تصير على فصل تأديبي ... بي لكن نجيب عن سبب مقنع لخروجنا من المعسكر
محمد : تبينا نكذب
يوسف : انت شايف حل ثاني ؟؟ ولو قلت لهم ان حنا طلعنا عشان نجيب رساله ماراح يصدقوننا
وراح تبداء الشكوك
أحمد : انا رايي من راي يوسف نعطيهم اي سبب مقنع
[color=#993399]عبدالمحسن : انا مااعرف اكذب ... وبداء صوتهم بالارتفاع[/color
يوسف : شف انا ماراح اموت بتهمة الخيانه ... انت تسمع
محمد: انا اقول نقول لهم الصراحه ... وندعي ان الحكم يصير مخفف علينا
وارتفع صوتهم اعلى واعلى
حتى تكلم خالد بصوت عالي .... ياشباب ؟؟!
سكت الجميع
انا اسف لاني جريتكم معي وسببت لكم هاذي المشاكل
وانا راح احلها لكم ... راح اقول لهم اني اجبرتكم بقوة السلاح ... وبكذا تطلعون منها
أحمد : انهبلت انت ... محد منا راح غصبن عليه ... صحيح حنا رحنا عشانك ...
ويقطع حديثه صوت الجندي يدخل الخيمه
مواقع النشر (المفضلة)