السلام عليكم.. :7ar:
يسعد مساكم>>>>>مالي دخلي في اللي يقراه الصبح:1ar:
كيف حالكم؟؟
ان شاءالله حالكم طيبين وتزقحون
لا اعرف كيف ابدا بموضوعي ولكنني اكتشفت اني مبطيه عندكم و لم اكتب مواضيع زود فقلت يجب ان اسدح لهم موضوعن هونا يروي البعض من طفولتي العذبه وللمعلوميه انهوثاني موضوع لي فلا تشرهون علي وجاملوني حتى ولو كان مخيسون ..وحذار حذار ان تطنشونه فسوف اتحطم معنويا ونفسيا ثم
اقرر اعتزال الكتابه >>>>> im1
محد جاب طاريكim3
8
8
8
8
8
ترى كل هذا يقالي مقدمه >>>>> :8ar:
تسمع بالمقدمات : :3ar:
سالفتي الأولى
===============================
يوم كنت صغيره كنت كائن حي بثر للغايه ومدري شلون وصلت للعمر هذا لأني لو
اني من اهلي كان موتني وافتكيت مني ..ومن دلائل بثارتي>>>>>>>>>>>>:3ar:
كانو عماتي مجتمعين عندنا وواحد من عيالها كنت انا وياه دايم طق وطقيق وفي نهاية كل هواشه اتصفق منه اجي شعري شوشه واصيح ..عاد هو كان جايب معه خلاقينه وحاطها في كيسه بينام عند عيال عمتي الثانيه >>>مجهز عدته :8ar:
انا بعد ما كفخني انواع الحقد ولا ادري وش اسوي لأني لو بروح لمه بارجع وانا متكفخه بعد
قلت بس ما بدهاااش وين الكيسه..اخذتها وسطحتها ورا البيت >>>تحسون اني بنت ضعوف:8ar:
عاد يوم جا في الليل وكلن بيروح بيته جا يدور كيسته وانا تعالو شوفو خشتي من الوناسه واناظره اقول احسن ترى هذا جزا الي يطق البنات وتجيني زبيريه على وجهي >>>>>>انواع الاضطهاد im1
قمت اصيح ويقالي بردها له وامي تقول بس اسكتي خلاص قلت مالي دخل وينه والله ما اخليه فكوني >>>>>مسويه بطله :8ar:
يوم تركتني امي قالت بكيفك تحملي اللي يجيك((حسيت اني توهقت )) لفقتها وقلت له احسن ربي عاقبك يا المخور im3
بعد فتره جت عمتي بتسوي صلح بينا قالت يالله عنود سلمي قلت منيب هو يسلم قالت يالله طيب انت سلم وعيا. . وجت عمتي وقالت اقوول اها بس انتي وياه وتخلينا غصب نسلم ..قامت ناظرتني قالت يالله اللحين الشيطان وش فيه؟؟>>>>تبيني اكمل كلامها
قلت زعلان
وقالت:والله وش فيه؟؟؟
قلت: الله ياخذكم >>>>>>خربتها :8ar:
تبيني اقول الله فرحان بس انا قفلت معي gif88
عاد بعد تقريبا 3سنين كبرنا شوي وعقلنا ..وجينا بننقل من بيتنا ولقينا كيسة خلاقينه..شافتها امي قالت وش ذا قلت ارميها بس في الزباله >>>>>:8ar:
ما زال احقاد دفينه:8ar:
==================================
السالفتو الثانيه
ومرتــ(ن) من المرارير كنت في بيت اخوالي ..مثل اي بزران كنا جالسين نلعب
(واحد طش) الي يجي واحد يفمض عيونه ويجلس يعد
واحد طش
ثنين طش
ثلاثه طش
>>>>>>الا على طاري طش وش معناها؟؟ im3
والباقي يتوزون بأي مكان وهو يروح يدورهم اذا وصل لـــ عشره طش
ترى هذي كانت اطلق لعبه عندي
المووهيييم كان ولد خالتي يعد وبقية المبزره راحو يتوزوون.. وكل ما رحت مكان قالو طسي جينا قبلتس ..في الاخير قمت ادور في حديقة الحوش وشفت الشجره ..ٌقلت بس خلي اتسلقها واروح فوق واتحداه ان لقاني >>>>>>تفكير قطاوه:8ar:
تسلقت الشجره ورقيت فوق (كانت الشجره كبييييره مره وفروعها متينه وقويه)
وجلست لي على غصن وتمسكت على غصن جنبي وتسندت عليه..ومع زود السباهه وكثر اللعب دخت ونمت .. وانا ما زلت فوق الشجره
جو العيال ينادون عنووووود وينك خلاص ترى طلع على حصيصه
وانا ناااااايمه ما جبت طاريهم :3ar:
ويجلسون يدورون في البيت وفي الحوش يبوني اطلع
عنوووووووود ترى مسكنا حصيصه عليها اطلعي يالله
عنوووووووود ترى بطلنا اللعبه اطلعي ووجع
عنوووووووود ترى ابوك جا طسي بيتكم
وانا معطيتهم ركبه وناااااااااااااايمه :8ar:
وراحو يعلمون الحريم وامي تطقها الروعه وتجلس تدورني وقامت تصيح ونادو خالي
واشتطو وحالتهم حاله وكل البيت يمشي وينادي ..ويدور..اللي يدورني تحت السرير ..ولا عند الالعاب ..ورا الستاره ..والي تحت الكنب>>>>>اها بس لا يكثر :8ar:
وبائت محاولتهم بالفشل :21ar:
ومن كثر الصراخ بديت استوعب وصحصحت يوم فتحت ارتعت وش جابني فوق ؟!:21ar:
تذكرت اننا كنا نلعب im3
قمت نزلت بشوي شوي((بزعمي ما ابي احد ينتبه لي )):8ar:
ورحت امشي شوي الا القى العيال في الحوش جلسو يصارخون يالجنيه لا تنحاشين ويلحقوني وانا مكمله اللعب اخاف يمسكوني و احط رجلي ورررركض ادور الحاله (((الحاله مكان في اللعبه اذا وصلت له ومسكت الجدار حقه يعني خلاص انا بسلام ما يقدر يمكسني >>>ابو الشرح المخيس))
اول ما وصلت للــ(حاله) ويمكسني ولد خالي
واجلس اصارخ مالي دخل فزت مسكتها قبل لا تمسكني الا واقرب جزمه جايتني im3
جاني حقي من التكفيخ والتهزيء وامي يالثوره البثره وين طسيتي وجع وش ذا اللعبه المخيسه خلصت الاماكن !! وتستلمني تهزيء >>>>>لو اننا اجانب كان تمسكني امي وتقولي وش فيتس وش صار لتس وتلمني وتبوسني وتقولي وين كنتي حبيبتي عنود ما اقول الا كش علينا بس im3 im1
وانا زي اللوح مدري وش السالفه ما استوعبت اني نمت نومه طويله الا بعدين
وبس
عاد ما ودي اطول زياده عليكم وتحوم كبودكم مني im3
والي عنده قصه وهو ضغنن يكتبها فيذا الله لا يهينه im3
مواقع النشر (المفضلة)