الســلامـ عليــكـمـ و رحمــة اللهـ و بركاتهـ
هذاالموضوع اللي ضايق خلقه و كاره حياته بيضحك منه
خخخخخخخخخخخخخخخخخ
ما أوصيكم اللي يبي ينسدح من الضحك لا يفوتها
مقدمة :-
تذكرت الماضي الجميل ..الله المستعان!! الله يا الدنيا .. إييييييه يا النصب راحت ايامك .. راحوا اللي ينصبون على ثقيل ياجماعة الخير .. هالايام الواحد اذا تفلت وخربها في النصب قال إني رحت البحرين !! ياشيخ كل تراب لابوك لابو بحرينك قسم بالله انك عار على النصب!! ويين أيام أول , كنا ننصب على الحكومة بكبرها .. كان الواحد منا إذا مرت الدورية جنبه خذ بلكة وعض ثوبه
ولحقها ثم يلخ القزازة الخلفية واذا وقف عنده الشرطي جحد أم السالفة وقال انه مهوب انا مع ان الشارع مافيه الا هو <<< من هو هههههه ؟ !! كنا يا جماعة الخير ننصب ولا فيه أي مشاكل , كان الواحد منا إذا قالوا له يا الصدوق , تغير وجهه وزعل واعتبرها مسبة لا يمحيها الا الدم .. الحين لو تقول للواحد يا نصاب طنقر وزعل تحلف بالله تسنه عبده تالينها البلدية باذانها هي وبسطتها .. ايه ما علينا ..
عاد الله يسلمكم يوم اني شفت مستوى النصب العام ما يجمل من تالي , قلت قسم بالله لأعيد أمجاده وانا ابو سارة .. شباب استلموا .. تراني الممرور ويوزر أبو سارة أنتحاري لي <<< حطوا رجلينكم يا شباب جاب العيد
والآن هيا بنا إلى القصة التي هزت مكتبات منفوحه ودور النشر اللي فيها . :40ar:
(( 1 ))
أنا رجالن بلاني الله بالجمال الفاحش ياإخوان:biggrin: .. وبلاني بالثقل والغرور وصدقوني يحق لي أغتر .. فيني جمال مهوب صاااحي أحياناً المراية تتشعر لا قعدت أشخص فيها من زود الزين .. أدخل السوق تلقى البنات طردي وراي .. موكب من العباءات المخصرة يمشي وراي يبون مني بس نظرة .. واللي مغمى عليها واللي منصرعه .. لا واللي طموحها عالي عالي تلقاها تتمنى أجدع عليها الرقم .. بس مااااش فيني هالعيب اللي هو الثقل ومطنش ..
أرجع من السوق .. ادخل بيتنا ألقى شغالتنا الفلبينية تناظرني وجاحدة الشغل :4ar: .. وشغالة اختي الاندونيسية مفهية رايحه مع عيوني وطي .. حتى اني مرة دخلت وهم يغسلون المواعين ومن زود الخقة الله يجيركم قاموا يناظروني ويغسلن يدين بعض بدال المواعين .. وكل هذا وأنا ما أعطيهم وجه ومزلب im24 ..
أقوم من النوم .. ألقى أبوي وأمي في لحظات رومانسية حدر النخلة يتقهوون ويقدعون من هالبرحي والدخيني وعايشين جو .. مايمديني أشطف من جنبهم إلا وتنقلب رومانسيتهم عنف ويتماسكون بالثياب ويتلاقطون .. أبوي يقول حنا اللي جاذبينه طالع علينا .. وأمي تقول مايخسي الا انت واخوانك هالدلوخ .. جاذبينه اخواني . أجي وأفكهم وأقول يبه يمه أنا ضناكم وكلكم عينين في راس لا تتهاوشون عشاني وتخلوني أحقد على وجهي .. واطلع من البيت وانا أردد بثقة: ياربي ليه خلقتني جميل !!
أدور في شوارع الرياض بالفياغرا حقتي ..عمارة المملكة حقت الوليد قدامي .. قلت أنزل أشوف آخر ماأنتجته الموضه من ملابس وعطورات:12ar: .. نزلت أتسوق ... توني مقبل على البوابة إلا واثنين من حقين الهيئة في وجهي وواحد منهم مادن لي جوال :- أمسك كلم فضيلة الشيخ الغيث رئيس هيئة الأمر بالمعروف والنهي عن المنكر .. قلت ألو هلا أبو غيث وش السالفة ؟ قال معليش أبو سارة تتحلمنا لو سمحت نبي منك أحد أمرين : إما أنك ترجع ولا تدخل السوق وتحتسب الأجر في بنات خلق الله لاتفتنهن .. أو إنك تعطينا نصف ساعه نفضي لك العمارة وتتسوق لحالك im22 ..خخخخخخخ أبو غيث الله يرجك المسألة ماتبي لها كل هالصجة صدقني داخل شوي وطالع ولا علي منهن أصلاً ما أشوفهن شيء .. أوك.. أوكي اوكي هالمرة بس عشانك يابوغيث أبارجع.. بس المرة الثانيه ماعندي فيك أنت ولا قواتك همااه ؟ شاطر أبو غيث ياحبيله طوط طوط ..
أسافر الصيف لم بيروت .. تلقى بنات لبنان كنهن في مقصف متوسطة
(( مداخلة من الرواي: أبو سارة هاهنا يتكلم عن لبنان أيام السلام .. قبل مايتهور حسن نصغ الله ويزقط له اسيرين وتطنقر اسغائيل ))
أتمشى في مسارح لبنان بالليل .. تلقى وائل كفوري وزلزلي ورامي عياش ياكلون أظافرهم ومعصبين :smile: لأني بجمالي سحبت البساط من تحت أقدامهم .. لدرجة أنه مرة تفلت وائل كفوري وطنقر وقال يابوسارة تكفى لا تجي لعنّا بليبنان وأنا راح أدفع مصاريف سياحتك في أوروبا بس من شان الله لاعاد تعتب ديرتنا تراك كسرت سوقنا مع هالغزلان (( لا حظوا من زود عصبيته قلبت لهجته سعودية !! )) ناظرته من فوق لتحت وبإيمائه ساحره حركت راسي وطاحت قذلتي على عيني اليسرى في منظر مدهش واقتربت منه وقلت له بكل ثقة : الخلا يا وائل .! (( يلعن أم الثقة ياعيال هههههه ))
(( 2 ))
في أحد الأيام وانا متكي على شاطيء بيروت أتشمسim24 .. وبنات لبنان المفاصيخ حولي .. وانا ولا كأني أشوفهن من زود الثقل .. جاني تلفون من صديقي اللي يشتغل في فندق سيراميس بيروت ..أبو سارة إلحق لايفوتك الليلة حفل ساهر فيه ممثلات ومطربات الخليج والعرب .. تعال وسع صدرك وعش حياتك .. قلت والله فكرة بدال ماني قاعد أجرجر في هالضعيفات السلنتح ورى ما ألعب على ثقيل وأبدى أخقخق نساء الخمس نجوم وسيدات المجتمع وفتيات علية القوم معي .. تزكرت وتهندمت وتزينت مع اني زين خلقة (( ملاحظين الغرور )) ونصيت الفندق ودزيت للقاعه اللي فيها الحفل والطرب والشرب وسعة الصدر ..
توني حاط رجلي اليسار مع البوابة وأنا أقول أعوذ بك اللهم من الخبث والخبائث إلا وأسمع صوت : دررررررررررردب .. هذي حليمة بولند ما أمداها تلمحني إلا وهي مسلفطة على راسها .. شالوها وقاموا يسمون عليها وتكهرب الجو شوي في القاعة بسبب هالشاب الملائكي اللي اقتحم القاعه .. سويت نفسي ما أدري وخذت لي كرسي وطاولة لحالي وجلست ..
شوي الا وأليسا مارة من جنبي ومسوية نفسها ما أنتبهت وهي اللي تطب في حظني وتقول آسفي ما إنتبهت .. قلت عيب عليتس ترى التشبيك مهوب بالغصب يالله انقلعي أشوف(( الدجال ياخوي ماينصب هالنصب!)) .. ونانسي ماغير تبترم حول طاولتي وتناظرني تحاول تثير انتباهي وانا ماعبرتها .. وهيفاء وهبي تتميصل عندي وتغني لي الواوا وعمك أصمخ ما كأني أوحيها ..وعلى هالحال ..
ماأثار اهتمامي الا امرأة وحدة يا جماعة الخير .. هالمرأة الفاتنة الجميلة ماناظرتني .. ولا فكرت فيني .im24 . وكأني أنا والطاولة واحد عندها .. أنواع الأشكل .. حسيت أن كرامتي أنجرحت قلت هين يا الطخمة اللي مايجيب راستس مهوب رجال .. سألت الموظف عنها ،قال ماعرفتها ؟ هذي البحرينية زينب العسكري .. قربت عندها سلمت .. ردت السلام بثقل .. قلت شوي شوي لا تنطلق شفايفك ترى مهوب من صغرهن وقعدت أضحك مسوي خفيف دم , قالت يامصلك قسم بالله .. نعم يا أخ وش تبي ؟ قلت وش اللي أخ .. أنا أبو سارة بزمّه وعراه يا بنت ابن عسكر وهها عاد عن الحتسي اللي ماله طعمي (( تسني قلبت لبناني !!) :40ar:
قالت يابوسارة والله أكذب عليك لو أقول لك ماسمعت عنك ..كل الممثلات زميلاتي يتكلمون عنك وعن جمالك بس أنا ماأشوف فيك زود ..يعني واحد أبيض وشعره ناعم وملامحه حلوة وش الجديد ؟ عادي .. قمت من عندها وانا قلبي يدبك دبكة لبنانية مثل المهابيل اللي يجون مع فيروز ألله من الهياط فيهم بعد هههههههههههههههههه حطيت عندها كرتي وطلعت وانا حاس اني جبت العيد وحبيت !!:54ar:
مرت أيام .. مادقت بنت العسكري .. معقولة مادهورها جمالي الطاغي .. لا لا مستحيل ..
أرسلت لها مسج ماصل نوعاً ما : "وشدعوه زينب.! لا إتصال لا سؤال لا إرسال ! كيف الحال ؟ أقول احسن بيعي الجوال " !! بس ماااش الآدمية حقرتني وطنشتني ماردت علي ..
أرسلت لها مسج آخر : " ياليت لك يوزر في ساحة ***** .. إن كان لحطتك ورى الناصرية " .. هنا ردت علي بمسج فوري :
" تلحطني خخخخخخخخخ والله لو انك الممرور " .. أنتفض الجوال في يدي يوم جابت طاري سموه ., دقيت عليها وقعدنا نحتسي في **** وهكيت عليها واني الكل في الكل والممرور يشاورني في كل صغيرة وكبيرة وان حنش أحد يوزراتي الانتحارية.. قالت أما عاد ؟ قلت وش دعوه مو مصدقه أعطيتس باسوورده تشخصين به ؟ قالت طيب والمرجوج وكحيلان ونديم والمنفهق ذولي تعرفهم؟ قلت خذيها من قاصرها أي مراقب في ***** إذا مهوب خويي فهو يوزر انتحاري لي (( يلعن أم القوة يابوسارة )) ومن هالرخيص وخذ هالسوالف عن الاعضاء وتعمقنا وسولفنا عن حياة بعضنا إلين قالت اسمع يالشين .. تراني خاقة معك من مبطي الله يلعنك :4ar: .. وخفت أدفق عمري عليك تطنشني .. سويت نفسي ماعبرتك عشان أصيد قلبك والحين يوم صدته خلني أصارحك : ياقسم بالله اني ماأنوم الليل إلا وانا حاضنة صورتك !! قلت إييييييه وانا اللي أقول وش فيني أتروش كل صبح أثرك مطينتها مع صورتي وغشيت ضحك على ذبتي الفاهية..! قفلت معها وقالت قسم بالله انك ماتنعطى وجه عاد .. حب وأحبك هها وش ناوي ؟ قلت مابدهاش العرس العرس يا بنت أبن عسكر .. أبشري باللي يبني لك أفخم قصر في أفخم منطقة بالعالم .. ويسعدتس ويرضيتس..سكرت السماعة ورحت قابلتها وسهرت انا وياها على الشاطيء وتصارحنا واتفقنا على كل شيء .. طبعاً لا أنسى أقول لكم ان فيه كم مشفوحة قامن يناظرن زينب وهي جنبي ولسان حالهن يقول : ياحظتس لو تدرين يالفدغاء !
طبعا من ايميلي خخخخخخخخخخخخخخ im22 انتظروووو الجزء الثاني :6ar: روووووووووووعه
مواقع النشر (المفضلة)